Aiseya 22:12 - ALLALA KUMƐ

¹² Wo wati rɔ, ma Tigi Mari Sɛnbɛ-Bɛɛ-Tigi ya a fɔ wo ye ko wo ni wo kunyɛnu gbana ka kasa-durukinu bila wo kan na di-kɛ-tinɛ

Aiseya 22:12 ပူးပေါင်းရင်းမြစ်များ

2 Ko-Kɔrɔta-Karan 35:25

Nɛbi Yɛrɛmaya ya kinikini-sigi do sa Mansa Yosayala sayɛ kuma. Wo mara Isirɛla mɔgɛnuna namunyɛ la. Ni min bi dila Mansa Yosaya kɛla ko la, wo tigi si sigi kɛ sa. Anu ya sigi wo sɛbɛ saya-sigi-buku rɔ.

Ɛsira 9:3

Kuma sufa kɛ lamɔɛn n bolo, n ya nna duruki rafara n kan na ka n kun-sigi anubɛ n buyɛ mawurun yisi-tinya bolo. N yisi-tinyanɛ ya n sigi dugi ma.

Nihɛmaya 9:9

“Wo kɔma, ma benbanu tɔrɔta nya min Iyipiti, i ya wo yen de! I ya anu kan-nabɔ-kan lamɔɛn Kɔgɔ-Yi-Wulan dafɛ.

Yobu 1:20

Yobu ya wonu namɔɛn tumɛ min, a ya ala duruki rafara yisi-tinya bolo. A ya a kunyɛ sii. A ya a laburun dugu ma ka Alla bato.

Makawandili Kumɛnu 3:11

A ara koe bɛɛ wati latɛgɛ a kilɛ fɛ. Alla ara habadan-ko-lɔn-koe sigi hadama-dan yisi rɔ kɔnɔ hali wo, ka a bi duninya dabirɛ ma ha duninyala ban, mɔgɔ ti ban Alla wara-koe lɔnna dɛnkɛninyɛ kɔma.

Makawandili Kumɛnu 3:4

Di-kɛ-wati ye nyɔ, yɛlɛn-wati ye nyɔ. Nimisa wati ye nyɔ, dɔn-kɛ wati ye nyɔ.

Aiseya 15:2

Dibon so-burɔ-mɔgɛnu ye tala anuna bɛsi-kɔ-tinɛ kɔnkɛ kuma kesi-koe la. Mohabu kɛnu ya Nibɔ anubɛ Midaba so-tinyanɛ yen min kɛ, anu donta anu sɔnsɔn rɔ diyi-kɛ bolo. Anu ya anu kunyɛ gbanna ka anu dɛ masii ka a yira ko anu yisi tinyanɛ.

Aiseya 26:10

Hali i ye ko-nyimɛ kɛla karagbɛlɛnu ye, anu ti anu degen ko-telenni-kɛ ma. Hali mɔgɔ-telennɛnu taranta nyamanɛ kɛ rɔ, anu bi karagbɛlɛyɛ kɛla. Anu ma ila kabana-koe lɔn fenfen na.

Aiseya 29:1

Ile Yerusalɛm so-nyɛrɛ ye dankɛ kɔrɔ, Marita saraka-mintan-tinɛ ye kan min, kɔni. Mansa Dawuda ya ile so-kunbɛ ma a daga makɛ tinɛ la nun. San-dande ladiyɛ wa tenbi,

Aiseya 3:24

Kaka, anu suma-diyamɛ ye bɔla iko tulu-suma-diyamɛ kɔnɔ anu suma-yogomɛ ye nala bɔla tutu! Kaka, anu bi anu buta kirila fen-hakikɛ la kɔnɔ yarɔma, anu bi gbamɛ mala anu butɛ-kiri-fannu na. Kaka, anu kun-sigi-nyimɛ si taran anu kuma kɔnɔ yarɔma anu kunyɛ gbananɛ si to. Kaka, anu bi anu nyɛrɛ makirila kura-nyimɛ la kɔnɔ yarɔma, kura-kore, wo le si taran anu ma. Anuna kinyɛ si ma miliyɛ la.

Aiseya 32:11

Wo siginɛ ladiyɛ rɔ, hɔn sa wo la kɔnɔ wo ni yɛrɛyɛrɛn kumakɔɛ bolo. Wo ni wo gbu-makolonya ka wo buta kiri kasa-kurɛ la.

Aiseya 37:1

Mansa Hɛsakaya ya kumɛ wonu namɔɛn tumɛ min, a ya ala duruki rafara yisi-tinyɛ bolo. A tara kasa-kurɛ don a kan na. A tara Mari Bato-Bɔn la.

Aiseya 37:2

Ilayakim min bi bolon-mafɛlɛnna wo, anubɛ Sɛbana min bi ala kɛdi-sɛbɛla wo, anubɛ saraka-masɔla-kun-tiginu wo, Mansa Hɛsakaya ya wonu nata nde, Emɔsila den Nɛbi Aiseya ma. Wonu fanan tara kasa-kurɛ la anu kan na.

Aiseya 58:3

Mɔgɛnu bi a fɔla ko anu bi sunyɛ donna tele donu tɔ kɔnɔ Alla sa anu denkunna. Anu ko anu bara anu famayigi Mari gbiliya tinɛ kɔnɔ Alla sa anu mafɛlɛnna. Kɔnɔ Mari ko min di wole ye, wo ye wonu denu mala tele wonu tɔ. Wo ye wola wɔli-kɛ-dannu kensunna.

Yɛrɛmaya 16:6

A mɔgɔ-ba wo, a mɔgɔ-ni wo, wo dama si faga Yuda nyamanɛ rɔ. Mɔgɔ ti wo togon hali ka di wola ko la. Mɔgɔ ti a nyɛrɛ matanban, ni wo ma, ka anu kunyɛ gbana wolela ko la di-kɛ-tinɛ.

Yɛrɛmaya 16:8

Mari ko n kana ta mɔgɛnu tɛma minnu bi ladiyɛ kun na. N kana ta fen dɔn, ni wo ma, ka n min anu fɛ nyɔ.

Yɛrɛmaya 4:8

Wo ni kasa-kurɛ bila wo kan na. Wo ni di biribiri, ka wo dɛ sa-a-rɔ bawo Marita diminyɛ ma a kan-kɔ sɔ wɛ wo la.

Yɛrɛmaya 7:29

Mari ko wole, Yuda kɛnu ni wo kunyɛ gbana ka wo kun-sigi lakɛ a rɔ. A ko wo ni ta kɔnkɔ-makolɔn kun tɛma ka saya-sigi sa. Wo ni wo ma bawo ale Mari nyɛrɛ ara a ban wole la. A ko a ara a kan-kɔ sɔ wo la. A ye wo tɔrɔla ata fondo-bɔɛ la.

Isikiyɛli 27:31

Anu bi anu kunyɛ gbanana ala ko la ka kasa-kore kɛ anu kan ma. Anu bi diyi kɛ kun na, anu yisi fanan tinyanɛ.

Daniyɛli 5:1

Lunyɛ do, Nɛbukanasala den Mansa Bɛlisasa ya mɔgɔ waga kelen kele ladiyɛ rɔ, ala mɔgɔ-banu, kɔni. Anubɛ wonu bi gbɛɛ minna nyɔ tumɛ min,

Hoseya 9:1

Wole Isirɛla mɔgɛnu, wo ni wo fara wola ladiyɛnu kɛla iko Alla-lɔnbɛlɛnu. Wo ara wo kan-kɔ sɔ wota Alla la ka ma telenbɛlɛnu na a ye. Wo ara wo nyɛrɛ ma iko musu-yɛlan ka wo nyɛrɛ latenbi wola bɛsi Beyali ma nyamanɛ kɛ mumɛ bɛɛ rɔ iko bɛsɛ wo le wo de-nyinina ka wola fui-fan sabati.

Yowɛli 1:13

Wole saraka-masɔlɛ minnu bi wɔlila saraka-mintan-tinɛ, wo ni kasa-kurɛnu don ka di biribiri! Wo ni to mata Alla Bato-Bɔn la ka ki dila kudu, bawo fui-fan anubɛ minni-fen, wonu fenfen sa nala Bato-Bɔn la tun.

Yowɛli 1:8

Wole Yuda kɛnu, wo di biribiri iko sunkurun-mabiranɛla kei wa faga.

Yowɛli 2:12

Mari ko wo ni sunyɛ don ka di. Wo ni tubi bɛrɛbɛrɛkɛ kaka ka wo fan nasɛgi a ma.

Yowɛli 2:17

Wole saraka-masɔlɛ minnu bi wɔlila Mari ye saraka-mintan-tinɛ anubɛ Bato-Bɔn don-dɛ tɛma, wo di ka Alla matara. Wo ni a fɔ ko, “Mari, kinikini ila mɔgɛnu ma. I yandi, i kana sɔn, sibolo-gbɛrɛ-mɔgɛnu ni yɛlɛn ma ma ka a fɔ ko kɛnuta Alla ye mintɔ?”

Emɔsi 8:10

Wo si wo kundɛn wola sewa-tele minnu ma, Mari si tele wonu ma di-kɛ-tele la. Mari ko a si wola sewa-siginu yɛlɛma yisi-magboya-siginu na. A si a ma, wo ni wo kunyɛ gbana ka kasa-kurɛnu don wo kan na. A si kunaya wole, Isirɛla mɔgɛnu kuma iko mɔgɔ-kɔrɔyanɛla den kelan wa sa. A si gbɛlɛya wo kuma ha wola tɔrɔya-wati da ni fa.

Yona 3:6

Ninɛfa mansɛ ya wo lamɔɛn min kɛ, a ya a lakɔɛnma ala mansaya-waganɛ rɔ ka ala mansaya-duruki bɔ a kan na ka kasa-kurɛ kɛ a kan ma. A ya a sigi bugurɛ rɔ.

Maika 1:16

“Wole Yerusalɛm so-burɔ-mɔgɛnu, wo ni wo kunyɛ gbana di-kɛ-tinɛ iko dogɛ ka a tɛgɛ wola dannuna ko ma, kɛlɛ ye tala minnu na.”

Yemesi 5:1

Nba, wole nɔnfulu-tiginu, wo ni wo tole masɔ bɛrɛkɛ! Wo ni gbele-gbelen ka di yakɔrɔ-mamɔɛ wola ko la min bi nala wo yarɔ!