Aiseya 21:9 - ALLALA KUMƐ

⁹ A ma mɛ lefan, a ya so-laburilɛ wonu yen nala fila-filanyɛ ma. So-laburilɛ ya a kan lake ko, “E, Babilɔn ara bui! Anu bi bɛsɛ minnu kɔla, wonu takerikerinɛ belenna Babilɔn soe burɔ.”

Aiseya 21:9 ပူးပေါင်းရင်းမြစ်များ

Aiseya 13:19

Hali Babilɔn kɛ kin so-siyaman ko, a mɔgɛnu wasinɛ wola ko la, Mari ko a si Babilɔn tii mɛmɛ, iko a ya Sɔdɔm anubɛ Kɔmɔra tii nya min.

Aiseya 14:4

Mari wa wo ma tumɛ min, anu si Babilɔn mansɛ mayɛlɛn ko, “Mansa-karagbɛlɛ ara faga. A ti mɔgɔ-wo-mɔgɔ niyi ragbɛrɛn a ma tun!

Aiseya 21:7

Ni a ya soeenu yen nala fila-filanyɛ ma mɔgɛnu siginɛ wonu na, ado a ni donu siginɛ yen nala sofɛlɛ anubɛ nyomɛnu na, a ni wonu nakɔrɔsi bɛrɛbɛrɛ-wɛ-kɛ!

Aiseya 47:5

Mari ko, “Ile Babilɔn, i radenɛ ni to pinpi rɔ. Nyamanɛnu ti i kele tun ko musu-mansɛ.”

Aiseya 47:9

Ko fila si sigi i ma anu nyɔgɔn fɛ nya-kun-kelen, i si foo ila dannubɛ ila kei la filili! Ado nfan, ila duruyɛ anubɛ ila kofo-denyɛ ti ke i lakisila muk!

Aiseya 48:14

A ko wo bɛɛsi ni wo kundɛn ka wo tole masɔ. Bɛsi-wo-bɛsi ti yarɔ-koe fɔ ko ata mɔgɔ-yabɔnɛ si Babilɔn kɛlɛ. Ale Mari ye nyinina min ma, ata mɔgɔ-yabɔnɛ ye wo le kɛla a ye.

Yɛrɛmaya 50:29

A ko kalabɛn-nakɛlɛnu ni Babilɔn kɛlɛ. Minnu kusan kalabɛnnu nakɛla, anu dama ni ta. Anu ni anu mini anuna so-karantan ma alako mɔgɔ-den-kelen-kunyɛ kana bɔ a rɔ. Anu ni anuna karagbɛlɛyɛ yili sara anu na. Anu ni Babilɔn bira boloko-yogomɛ-kɛ iko anu bara doinu bira nya min, ado Babilɔn taranta anu nyɛrɛ kɔrɔbila ale Isirɛlata Alla-Sɛnimɛ kan ma.

Yɛrɛmaya 50:38

Alamɛ tɔn sigira bandɛla nɛ la. Bɛnu ni gbala anu worɔn la todo! Babilɔn nyamanɛ lafanɛ bɛsi-makilannɛnu na, ado anu bara mɔgɔ siyaman nayuwaya.

Yɛrɛmaya 50:42

Anu bara na anuna kalabɛn anubɛ anuna faannu na. Anu wunduyogo, ado anu ti kinikini. Anu siginɛ soee minnu na, wonu na-kan mani de iko kɔgɔ-yi tenbi tugula a rɔ. Anu bara anu kɔnkɔn Babilɔn kɛlɛ-kan ma.

Yɛrɛmaya 50:9

N si sibolo kurun nabɔ kantɔ-wara la ka na kɛ Babilɔn kɛnu ma. Wonu si nyamanɛ kɛlɛ ka a nɔ. Donso-nyana le wonu na, min bole di kalabɛn la dɔgɔma-ma-de!

Yɛrɛmaya 51:27

A ya a fɔ Babilɔn yogenu ye ko, “Wo ni falafalɛ layɛlɛ tamasereyɛ la ka kɛlɛ-buri fɛ alako sibole bɛɛ ni a lamɔɛn. Ararati nyamanita-mɔgɛnu wo, Mini nyamanita-mɔgɛnu wo, Asikɛnasi nyamanita-mɔgɛnu wo, wo dama ni wo rabɛn kɛlɛ-kan ma. Wo ni kɛlɛ-kurugba kelen bɔ min si sɔ kɛlɛ yarɔ. Wo ni soeenu natugu Babilɔn kɛnu ma iko kondɔnnu. Sibole bɛɛ ni a mabɛn Babilɔn kɛlɛ-kan ma.

Yɛrɛmaya 51:44

Mari ko a si Babilɔn kɛnuna bɛsi Bɛli tinya. Mɔgɛnu ya min bɛɛ kankan bɛsi wo ye, anu si wo bɛɛ lasɛgi a tiginu ma. Sibolo-wo-sibolo ti a kɔ tun! Babilɔn tarɛnu si na bui.

Yɛrɛmaya 51:47

Mari ko wati ye nala, a si maga Babilɔn kɛnuna bɛsɛnu na. Nyamanɛ wo bɛɛ si to yarabiyi kɔrɔ, ado mɔgɛ bɛɛ si faga nyɔ rɔ tɛrr!

Yɛrɛmaya 51:52

Wati ye nala, Mari ko a si maga Babilɔn bɛsɛnu na. Mɔgɔ-tanbannɛnu si to kurunna nyamanɛ wo tɔnkɔn bɛɛ rɔ.

Yɛrɛmaya 51:64

I ni a fɔ ko, ‘Kɛ le ye sigila Babilɔn kɛnu ma. Anu si yigi yi kɔrɔ, anu ti yɛlɛ tun ka a tɛgɛ Marita kasarɛ ma anu kan ma.’ ” Yɛrɛmayala kuma laban le kɛ la.

Yɛrɛmaya 51:8

Tiriyante wo rɔ, Babilɔn soe si na bui ka tinya pɔ! Bɛɛ ni di ka a tɛgɛ bui-koe wo ma. Anu ni a tɛlɛnu makiri. Tumado a si kɛndɛya.

Lankɛnimayɛ 14:8

Melika fila nyɔgɛ bilara a fɔlɔtɛ fɛ. A ye a fɔla ko, “A ara bui. Babilɔn-so-belebele ara bui fogbo! Ala yɛlɛnya-nata min si mɔgɔ bira iko baan, a ara wo di mɔgɛ bɛɛ ma alako anu ni anu min wo la.”

Lankɛnimayɛ 18:2

A gbele-gbelenta kan-ba la ko, “A ara bui! Babilɔn-so-belebele ara bui fogbo! A ara ma nyinɛnu anubɛ nyina-kɔsɔnɛnu barɛ la gbɛ! Koni-yogoma-su bɛɛ anubɛ koni-haramunɛnu denu gbansan ladɛnnɛ a rɔ kaka.

Lankɛnimayɛ 18:21

Wo kɔma, melika-sɛnbɛ-tigi ya kuru-belebele-wɛ bi ka a lakɛ kɔgɔ-yi rɔ fɔrɔsɛ la. A ko, “Babilɔn-so-belebele-wɛ la si bui sɛnbɛ la ka le. Wo kɔma, a ti yen tun.