Aiseya 21:2 - ALLALA KUMƐ

² N ya min yen ko-rayirɛ wo rɔ, yanfɛ anubɛ kasarɛ. Ilam kɛlɛ-dannu, wo ni wo sɛbɛ don! Midiya kɛlɛ-dannu, wo ni wo bui soenu ma! Babilɔn kɛnu bara tɔrɔyɛ min nana, Alla si yili kiri wo dan la.

Aiseya 21:2 ပူးပေါင်းရင်းမြစ်များ

2 Mansɛnu 17:6

Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

Yaburi 119:158

N ya n yɛ sɔ yanfantenu na min kɛ, tɛ sigira n sɔn la bawo anu sa ila tɔnnu birala.

Yaburi 12:5

Mari ye a fɔla ko a ye nala anu dɛnbɛ tinɛ le gbɛ, bawo a la ara gbɛlɛya bolo-kolɔnnu kuma. Minnu yakɔrɔ-mamɔnɛ, anu bi kurunna dumɛ bolo. Anu bi anu nakanan-fan min nyinina, Mari ko a si wo di anu ma.

Yaburi 25:3

Min lanɛ i la a nya-bɛrɛbɛrɛ ma, i ti wo tigi baya mumɛ! Kɔnɔ minnu bi murutiyala ile ma, wonu bolo-labiranɛ si to.

Yaburi 60:3

I wara a ma, ita mɔgɛnu bara tɔrɔ kosɛbɛ! Ma ye tonko-tankanna iko gbɛɛtoe si tonko-tankan nya min.

Yaburi 79:11

I wɔlɔ matɔlɔ mɔgɔ-biranɛnu kurun-kan la. Minnu faga-koe la ara tɛgɛ, wonu kunyɛ bɔ lakira bonda-dɛ la i sɛnbɛ-makawanɛ la.

Hɛnkilimaya-Kumɛnu 13:15

Mɔgɛ si hɛnkilimɛ gbiliya kɔnɔ lanayɛ sa min tɔ, wola ban-bole si gbɛlɛya.

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 14:4

Mari wa wo ma tumɛ min, anu si Babilɔn mansɛ mayɛlɛn ko, “Mansa-karagbɛlɛ ara faga. A ti mɔgɔ-wo-mɔgɔ niyi ragbɛrɛn a ma tun!

Aiseya 14:7

Kɔnɔ tɔ-a-la, duninya mumɛ si taran a diya yisi-kimɛ bolo. Bɛɛ si sigi sa sewɛla ko la.

Aiseya 22:6

Ilam kɛlɛ-dannu bi nala anu siginɛ soeenu na. Kalabɛn ye anu dama bolo tɛrr! Kɛlɛ-dan minnu bɔra Kira nyamanɛ rɔ, wonu tabɛnnɛ kɛlɛ-kɛ-koe la anuna kɛlɛ-mirannu bi anu bolo.

Aiseya 24:16

Mɔgɛnu si na Yerusalɛm ka bɔ wula-yan-bɛnu na ka tantoli-bɛtinu bɔ nyɔ. Kɔnɔ yigi-wo-yigi sa nde, Aiseya ma. N fɛrɛ ye banna n ma. N yogenu bi tola n bolo labirala. Anuna wunduyogoyɛ kuma ye tala sala.

Aiseya 33:1

Ma yogenu si halaki. Hali mɔgɔ ma anu denu yanfa ka anu kankan, anu denu bi mɔgɛnu yanfala ka anu kankan. Kɔnɔ koe wo dama katoe le a-la bawo mɔgɛnu bi nala anu denu yanfala ka anu kankan.

Aiseya 35:10

Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Aiseya 47:6

Mari ko ale diminyanɛ male ata Isirɛla mɔgɛnu ma nun. Ma biranɛ a bolo iko ata ma ma la. A ko a ara ma kunyɛ don Babilɔn kɛnu bolo, ado anu ma kinikini ma ma. A ko hali mala kɛmɔgɛnu, anu bi wonu natofi-tafila.

Yɛrɛmaya 25:25

Simiri nyamanɛ wo, Ilam nyamanɛ wo, Midiya nyamanɛ wo, nyɔ-mansɛnu wo,

Yɛrɛmaya 31:20

Mari ko a diyana-den-bɛrɛbɛrɛ le Isirɛla mɔgɛnu na. A ko anu di a ye kosɛbɛ! A ko a nɛn-naban anu tɔgɔ ratɛgɛla, anuna keninteya ara don a rɔ. A ko a hɛnkili ti bɔ anu ko, ado anuna hinɛ si to a burɔ.

Yɛrɛmaya 31:25

Fanka sa minnu na, a si wonu kolo gbɛlɛya tun. Kɔnkɛ ara minnu bɔ anu su la, a si wonu buyi lafa.

Yɛrɛmaya 45:3

ile Baruki ko ale Mari ara dumɛ sa ila tɔrɔyɛ kuma. I ye a fɔla tun ko sulen-wo-sulen sa ile ma. I mun na ara tɛgɛ bandan bolo.

Yɛrɛmaya 49:34

Sɛdɛkaya mɛ mansɛ la Yuda nyamanɛ rɔ, a ma mɛ wo kɔma, Mari kumara nde, Yɛrɛmaya ye Ilam nyamanɛla ko la.

Yɛrɛmaya 49:35

A ko Ilam kalabɛn-nakɛla-wɛ minnu bara Ilam soe tɔgɔ bɔ, a ko a si wonu firan feya!

Yɛrɛmaya 50:14

Mari ko, “Wole kalabɛn-nakɛlɛnu, wo ni mini Babilɔn ma a kɛlɛ-tinɛ. Wo ni wola kalabɛn damasi lakɛ Babilɔn ma bawo a ara hakɛ kɛ nde, Mari la.

Yɛrɛmaya 50:34

Kɔnɔ minnu bi nala anu kunyɛ bɔla gbaran rɔ, wo sɛnbɛ kolo. A tɔgɛ Mari Sɛnbɛ-Bɛɛ-Tigi. Ale nyɛrɛ si anuna dunɛ bi ka yisi-kimɛ lana duninya rɔ. Kɔnɔ dunɛ si sa Babilɔn kɛnu kan ma.

Yɛrɛmaya 51:11

Mari ara Midiya mansɛnu natugu Babilɔn kɛnu ma bawo a miriya sa fenfen ma fɔ ka anu nato. Anu bara a Bato-Bɔn tinya min kɛ, a ye wo le yili-sarɛ la wo la. Midiya kɛlɛ-den-kunyɛnu si a fɔ ko, “Wo ni wola kalabɛnnu nasulen boiboi! Wo ni wola nɛgɛ-lufɛ bira wo bolo tɔ ka wo sɔ-bole rabɛn.

Yɛrɛmaya 51:44

Mari ko a si Babilɔn kɛnuna bɛsi Bɛli tinya. Mɔgɛnu ya min bɛɛ kankan bɛsi wo ye, anu si wo bɛɛ lasɛgi a tiginu ma. Sibolo-wo-sibolo ti a kɔ tun! Babilɔn tarɛnu si na bui.

Yɛrɛmaya 51:53

Hali Babilɔn yɛlɛta ha ka ke banda-kole ma, anu ni kan-tina-layan-bɛ sɔ nyɔ, Mari ko a si mɔgɛnu nana nyɔ ka anu kasara. Mari kan le kɛ la.

Nimisa Koe 1:22

“I ban n yogenu na ka anu halaki ka a tɛgɛ anuna karagbɛlɛyɛ ma anu bara min sigi n na. I ni anu tɔrɔ iko i ya n tɔrɔ nya min. N bi kɛ damasi fɔla tumɛ min, n bi kurunna yisi-tinya bolo.”

Daniyɛli 5:28

Ka a fɔ, ‘A TALA,’ wo kɔrɛ le, Alla ara ila nyamanɛ bi i bolo ka a ratala Midiya kɛnu anubɛ Pasiya kɛnu na.”

Daniyɛli 5:9

Wo ya a ma, mansɛ kilanta ka tenbi a fɔlɔtɛ la. Ala mɔgɔ-ba wonu kɔndɔfilita dɔgɔma-ma-de!

Daniyɛli 8:2

Nna ko-rayen kɛ rɔ, n tara tɛrɛna n nyɛrɛ la Susa soe burɔ tarɛ mininɛ min ma Ilam nyamanɛ rɔ. N bi yi-nɛ do dafɛ min tɔgɛ Wulai.

Daniyɛli 8:20

“I ya saga-yigi minnubɛ a kere filɛ yen wo la, wo tamasere le Midiya mansɛ anubɛ Pasiya mansɛ wara-koe la.

Lankɛnimayɛ 13:10

Min si ma yɔɔn la, wonu si ma yɔɔn la serr! Min si faga, wonu si faga serr! Allata mɔgɛnu ni anu munyu ka to dɛnkɛninyɛ rɔ koe kɛ bɛɛ rɔ.)

1 Samuwɛli 24:13

Anu bi sarandɛ min fɔla ko, ‘Ko-yogoma-kɛlɛ le si ko-yogomɛ ma,’ ile ya wo lɔn serr! Woletɔ nde ti ko-yogoma ma i la.