Aiseya 21:17 - ALLALA KUMƐ

¹⁷ Hali a kalabɛn-lakɛla-wɛ minnu bi Kedari, wonu dande le si to anu niyi la. Ale Mari Isirɛlata Alla kan le kɛ la.

Aiseya 21:17 ပူးပေါင်းရင်းမြစ်များ

Yaburi 107:39

Allata mɔgɛnu, anu yogenu ya anu nɔ ka anu namiliya. Ka a tɛgɛ wo ma, anu niyi ragbɛrɛnta ka tɔrɔyɛ sɔrɔn.

Aiseya 1:20

Kɔnɔ ni wo bilara a la, fɔ wo kunyɛ wa to kɛlɛ rɔ serr! Ale Mari kan le kɛ la.

Aiseya 31:2

Mari wa kasarɛ lana tumɛ min, a ya a lɔn a ye min mala. Alla wa mɔgɔ-yogomɛnu anubɛ anu kumafunfannɛnu niyi-ragbɛrɛn-koe fɔ tuma-wo-tuma, a si a kan wo latɔnbagaya.

Aiseya 34:16

Wo ni Marita dali-fannuta buku bi ka a karan. Nima-fan kɛ su bɛɛ si taran nyɔ. Nima-fan bɛɛnubɛ ala musi si taran nyɔ. Mari nyɛrɛ ara ban a latɛgɛla wo nya na le. Ale nyɛrɛ-nyɛrɛ le si anu kele nyɔ.

Aiseya 45:23

A ko tonyɛ le ata lanyiri la, a ti ma kuma-fila-fɔlɛ la. A ko a fotɛ a nyɛrɛ rɔ ko mɔgɛ bɛɛ si na anu nyɛnkin a kɔrɔ. Anu si lanyiri kiri ko anu ti bɔ a wara-ko rɔ.

Yɛrɛmaya 44:29

Mari ko a ye nala wo kasarala nya min, a si wo tamasere yira wo la, a ko fɔ a wa wo tɔrɔ yan serr!

Yɛrɛmaya 49:28

Mari ya kɛ le fɔ Kedarinu anubɛ Hesɔ soela ko la, Babilɔn Mansa Nɛbukanasa ye nala minnu nɔla, kɔni. A ko anu ni na Kedarinu kɛlɛ, minnu siginɛ tele-bɔɛ wara la, kɔni.

Sakaraya 1:6

Ala wɔli-kɛlɛ wonu minnu bi ata nɛbiyɛ la, a ko wonu ya wo benbanu makawandi-siyaman kɛ ka tɔn fanan di anu ma kɔnɔ anu ya wonu kan bɔrɔbɔ ka tɔrɔya-belebele sɔrɔn. Wo kɔma, a ko anu ya anu sɔ anu hakɛ la ka a fɔ ko anu ya tɔrɔyɛ min sufa sɔrɔn Mari Sɛnbɛ-Bɛɛ-Tigi bolo, wo bɛnta le, yɔ, ado wo bɔra-a-la iko ale Mari ya a miri a ma nya min! Soeenu Yen-Koe

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Matiyu 24:35

San-kole anubɛ dugu-kole si tenbi kɔnɔ nna kumɛ ti tenbi mumɛ!