Aiseya 21:1 - ALLALA KUMƐ

¹ Sarakanɛ le kɛ la Babilɔn wara-koe rɔ. Kasarɛ si na firifirila iko tɔnkɔlɔn ka bɔ nyamani-makilannɛ do rɔ.

Aiseya 21:1 ပူးပေါင်းရင်းမြစ်များ

Yobu 37:9

Alla si a ma, fɔnyɔ ni bɔ a lamara tinɛ, kimɛ fanan ni bɔ a bɔ tinɛ.

Aiseya 13:1

Alla ya sarakanɛ don nde, Emɔsila den Aiseya bolo. Sarakanɛ wo tɛgɛnɛ Babilɔn kɛnu denu wara-koe ma.

Aiseya 13:13

A ko ale Mari Sɛnbɛ-Bɛɛ-Tigi wa diminya lunyɛ min, san-kole ra si maga. Dugi si bɔ a gbɛ rɔ.

Aiseya 14:1

Mari si kinikini Isirɛla mɔgɛnu ma tun ka anu ma atɛ la. A si a ma, anu ni sigi anu halala-nyamanɛ rɔ tun baff! Sibolo-gbɛrɛnu si sigi anu tɛma.

Aiseya 14:14

I ko i si yɛlɛ san-kole kuma pon ka ma iko Alla Sɛnbɛ-Bɛɛ-Tigi.

Aiseya 14:23

A si nyɔ bɛɛ ma iko boro-sumabɔnɛ la. Nyɔ si ma gbingbin-nyagannu barɛ la. A ko a si sɛɛrɛ bi ka Babilɔn nyamanɛ firan dugu-kole kuma. Mari Sɛnbɛ-Bɛɛ-Tigi kan le kɛ la.

Aiseya 17:1

Mari ko Damasika soe si ma tonbɔn la,

Aiseya 47:1

Mari ko, “Babilɔn soe, bɔ ila mansaya-waganɛ rɔ. I ni i sigi gbangban rɔ di-kɛ-tinɛ. I mani de nun iko kɔɛn-kurɛ. So-karantan le ile la nun, kɛlɛ ma ke bɛ min tɔ. I yereyere ma tun iko fɔlɔ. I ye yɔɔnyɛ le la gbɛ!

Aiseya 5:28

Anuna bɛɛnnu nasulennɛ boliboli! Anuna kalɛnu tabɛnnɛ. Anuna soeenu kiannu gbɛlɛyanɛ iko fara-kole. Anuna kirindi kiannu bi tintanna anu kɔrɔ iko tɔnkɔlɔn.

Yɛrɛmaya 51:1

Mari ko a ye fɔn-digidigi-wɛ latugula Babilɔn nyamanɛ anubɛ ala mɔgɛnu ma.

Yɛrɛmaya 51:42

Kɔgɔ-yi si tugu nyɔ kuma ka a yamatogon.

Yɛrɛmaya 51:51

Hali wo ye a fɔla ko wo ara yarabi bawo sibolo-gbɛrɛnu bara Bato-Bon-sɛnima-tinɛnu bi anu nyɛrɛ ye, wo ta tun.”

Isikiyɛli 1:4

N ya banda-fin-fɔn-bɛ yen nala bɔla kantɔ-wara la. N ya san yen a nyin masɔgɔla balubalu! Banda-nyin-masɔgɛ wo tɛmɛ, nyɔ-silɛ ye tiila a ma.

Isikiyɛli 30:11

Anubɛ ala kɛlɛ-den-karagbɛlɛnu si nyamanɛ wo tinya pɔ! Anu ba Iyipiti kɛlɛ, suyi si taran Iyipiti kan-tinɛ bɛɛ rɔ.

Isikiyɛli 31:12

Sibole do min karagbɛlɛ bɛɛ ko, wo si a tɛgɛ ka a sani to dugi ma fuyan! A bolon-kinamɛnu anubɛ a bolon-mɛsɛnu ta si nyɛnsɛn kɔnkɛnu anubɛ lɛɛnu tɔ nyamanɛ wo bɛɛ rɔ. Sibole min bɛɛ siginɛ a ninɛ kɔrɔ, wonu si ta anu kun fɛ.

Isikiyɛli 38:9

Anubɛ ala kɛlɛ-dannu anubɛ sibolo-siyamɛ minnu bi a fɛ, wonu si tonkore sɔ nyɔ la iko fɔnyɔ wa tonkore sɔ soe la.”

Daniyɛli 11:40

“Siriya mansɛ siyi-ban-wati wa gbɛrɛn, Iyipiti mansɛ si na a kɛlɛ. Siriya mansɛ wo si kɛlɛ kɛ a sɛnbɛ bɛɛ la. A si kirindinu anubɛ soeenu anubɛ kulun-belebelenu bi kɛlɛ wola ko la. Ale mansɛ si ala kɛlɛ-den-siyamɛnu tatii nyamani-siyaman kun na.

Sakaraya 9:14

Mari si bɔ gbɛ rɔ wole, ala mɔgɛnu kuma. Ala kalabɛn mɛnsan si ta tiila a ma iko banda-nyin-masɔgɛ. Ma Tigi Mari si kɛlɛ-buri fɛ. A si na tiriya iko fɔnyɔ min bi yɛlɛla a ma.