Aiseya 20:2 - ALLALA KUMƐ

² San sawa yanni wo ni ke, Mari ya a fɔ nde, Emɔsila den Aiseya ye ko n ni nna sanbarɛ bɔ n kian rɔ ka nna kasa-duruki bɔ n kan na. N ya Mari kan to a gbɛ rɔ. N kin-takolɔn anubɛ n gbu-makolɔn tara.

Aiseya 20:2 ပူးပေါင်းရင်းမြစ်များ

2 Samuwɛli 15:30

Mansa Dawuda dimatoe ya Ɔlifi kɔnkɛ yɛlɛ. A salɛ yamatogonnɛ, ado a tonta-rakolɔn ye tagamana ka a yira ko a yisi tinyanɛ. Minnu damasi bilara a fɛ, wo dama kunyɛ yamatogonnɛ wo nya na le.

2 Samuwɛli 6:20

Mansa Dawuda fanan tara ala bɔn la ka ta ala mɔgɛnu kɔndɔn. Ala musi Mikali nara a taran. A ya a fɔ ala kei ma ko, “Isirɛla mansɛ ara tɔgɔ sɔrɔn bi. A ara a nyɛrɛ gbu makolonya ala mɔgɔ-banuna yɔɔn-musinu yala iko yuwɛ.”

2 Mansɛnu 1:8

Anu ya a fɔ a ye ko, “Gbolo-siyimɛ donnɛ a kan na. A bu takirinɛ gbole la.” Mansɛ ya a fɔ wo le ma ko, “Tisibi kɛ Nɛbi Ilaya le wo la, yɔ!”

Yaburi 30:11

I wara nna diyi yɛlɛma n ye sewɛ la. I wara di-kɛ-bɔrɛ bɔ n kan na ka sewa-bɔrɛ don n kan na wo gbɛ rɔ.

Bɔ-Koe-Iyipiti 3:5

Alla ko, “I kana i madon yan na. Ila sanbarɛ bɔ i kian rɔ kamasɔrɔn i sɔnɛ kan tinɛ min tɔ kɛ la, dugu-sɛnimɛ le wo la.”

Aiseya 1:1

Alla ya sarakanɛ minnu don Emɔsila den Aiseya bolo ka a tɛgɛ Yuda nyamanɛ anubɛ Yerusalɛm soela ko ma, wonu denu sɛbɛnɛ buku kɛ rɔ. Kɛnu fɔra Mansa Yusaya anubɛ Mansa Yotam anubɛ Mansa Ehasi anubɛ Mansa Hɛsakayanuta wati le tɔ, anu bi Yuda nyamanɛ kun na wati min.

Aiseya 13:1

Alla ya sarakanɛ don nde, Emɔsila den Aiseya bolo. Sarakanɛ wo tɛgɛnɛ Babilɔn kɛnu denu wara-koe ma.

Aiseya 37:2

Ilayakim min bi bolon-mafɛlɛnna wo, anubɛ Sɛbana min bi ala kɛdi-sɛbɛla wo, anubɛ saraka-masɔla-kun-tiginu wo, Mansa Hɛsakaya ya wonu nata nde, Emɔsila den Nɛbi Aiseya ma. Wonu fanan tara kasa-kurɛ la anu kan na.

Yɛrɛmaya 48:37

Bɛɛ si a kunyɛ gbana ka anu buyɛ matɛgɛ. Bɛɛ ye nala a bole matɛgɛ-tɛgɛla di-kɛ-tinɛ ka kasa-kurɛ kɛ a ma.

Isikiyɛli 24:17

ado mɔgɔ-wo-mɔgɔ kana i yen yɛlɛla a ma fekufeku! I kun-nakolɔn kana to anubɛ i kin-takolɔn kana to fanan iko mɔgɛnu si a ma nya min saya-di-kɛ tinɛ. Mɔgɔ kana a lɔn defan ko i ye di-kɛ le kun na. I kana i yakɔrɛ dogon. I kana saya-di-kɛlɛnuta fen dɔn.”

Isikiyɛli 24:23

Wo kun-nakolɔn ti to anubɛ wo kin-takolɔn ti to fanan min si a yira mɔgɛnu na ko diyi ye wo yisi rɔ. A ko wo si bara ka a tɛgɛ wo hakɛnu ma, ado wo si to gbɛngbɛrɛnna wo nyɔgɔn ma.

Isikiyɛli 4:1

Mari ya a fɔ n ye ko, “Ile hadama-dan, bɔnku-bulɔku bi. I ni a sigi i yakɔrɔ. I ni Yerusalɛm soela muninyɛ ladan a ma.

Maika 1:11

“Sefira soe wo tɔgɔ-kɔrɛ mani de iko ‘nyagalen.’ Anu tenbi tala nyɔ-mɔgɛnu na, anu si ta anu mɛlannu na. Anu kɔgɔrɔyɔlɛ si ta miliyɛ bolo. Seyanan soe wo tɔgɔ-kɔrɛ mani de iko ‘bɔ yan.’ Nyɔ-mɔgɛnu ti sisi bɔla soe kɔma kilan bolo. Bɛti-Isili soe wo tɔgɔ-kɔrɛ mani de iko ‘kan-tina-latankanɛ.’ Wo wa soe wo mɔgɛnu wɔrɔndɔ-kan lamɔɛn tumɛ min, wo ni la a la ko mɔgɔ ti ta nyɔ-kisi-koe la worɔ.

Maika 1:8

Maika nyɛrɛ ya a fɔ ko, “Min bi a tola, n bi wɔrɔndɔla di-kɛ-tinɛ bawo Samariya ye nala tinyana. Min si a to, mɔgɛnu ni a lɔn ko kinikinɛ ara don n tɔ, n si n gbu-makolonya, n kin-takolɔn si tagama. N si n kuli mayɛlɛ di-kɛ-tinɛ iko gbingbinnyagan tenbi kumala.

Sakaraya 13:4

Wo wati wa ke, nɛbi-wo-nɛbi ti a nyɛrɛ matɔgɔ ata ko-rayirɛ la. A ti nɛbiya-kasa-bɔrɔ-kurɛnu kɛ a ma alako a kana mɔgɛ yanfa nya min.

Matiyu 16:24

Wo kɔma, Yisa ya a fɔ ala karan-dannu ye ko, “Ni mɔgɔ-wo-mɔgɔ ye a fɛ ka bila n fɛ, fɔ a ni a nyɛrɛ wara-koe boloka ka a nyɛrɛ faga-kɔn bi ka bila n fɛ,

Matiyu 3:4

Duruki min nadannɛ nyomo-siyi la, Yɔni ya wo don a kan na ka a butɛ kiri sogo-gbole la. A taranta kɔndɔnnu anubɛ liyi dɔnna nun.

Yɔni 21:7

Yisa diyana-karan-dan, wo ya a fɔ Pita ye ko, “Mari le.” Saimon Pita ya wo lamɔɛn tumɛ min ko Mari le, a ya ala duruku-ba mamɔrɔ a ma bawo a ara a labɔ a ma nun. A gbanta ka yigi yi rɔ.

Kɛwɔlɛnu 19:16

Nyina-yogomɛ ye kei min fɛ, wo buira anu ma sɛnbɛ la. A ya anu dama tanban. Anu burimatoe bɔra ala bɔn la, anu nakolɔn.

Kɛwɔlɛnu 21:11

A ya Pɔlila butɛ-kiri-fan bi ka a nyɛrɛ kiannu anubɛ a bolenu kiri wo la. A ko, “Allata Ni-Sɛnimɛ le ya a fɔ n ye ko Yahudiyanuna kun-tigi donu si butɛ-kiri-fan kɛ tigi kiri ka le. Anu si wo ma Yerusalɛm soe burɔ ka a don sibolo-gbɛrɛnu bolo.”

Yasowa 5:15

Marila kɛlɛ-den-kun-tigi ya a fɔ a ye ko, “Ila sanbarɛ bɔ i kian rɔ. I sɔnɛ kan min wo la, dugu-sɛnimɛ le wo la.” Yasowa ya a ma iko kei wo ya a fɔ a ye nya min.

Lankɛnimayɛ 11:3

N si nna nɛbi fila lata minnu fɛrɛya bɔnɛ kasa-kurɛ la. Wonu si Allala kumɛ fɔ tele waga kelen ani tele kɛmɛ fila ani tele bi-wɔrɔ (1,260) kɔrɔ.”

1 Samuwɛli 19:24

A ya a gbu-makolonya ka dɔn-kɛ anubɛ wɔlɔyiya-kuma-fɔɛ dabira Samuwɛli yakɔrɔ. A gbu-makolɔn sani tora, tele kelen, su kelen. (Woletɔ mɔgɛnu tora a fɔla Mansa Sɔli ma ko, “Sɔli le fanan kofunɛ nɛbinu ma kɛ la?”)