Aiseya 2:21 - ALLALA KUMƐ

²¹ Mari wa na dugu layɛrɛyɛrɛn tinɛ tumɛ min, mɔgɛnu si na anu dogon farannu na kɔnkɛnu tɔ. Anu bi dugu-kɔrɔ-kilɛnu sala alako anu ni bɔ Marita fondo-bɔɛ kɔrɔ. Anu sɛbɛ donnɛ ka anu dogon Marita sɛnbɛ anubɛ gbiliyɛ kɔrɔ.

Aiseya 2:21 ပူးပေါင်းရင်းမြစ်များ

2 Samuwɛli 22:46

Yigi-tɛgɛ ya a ma, anu yɛrɛyɛrɛnmatoe bɔra anu dogon-kɛ-tinɛnu tɔ kumakɔɛ bolo.

Yobu 30:6

Anu siginɛ farannu tɔ. Anu si yi-woron-gbalanɛnu ma anu barɛnu na.

Yobu 9:6

Alla si dugu-yɛrɛyɛran lana min si dugu-kole bɛɛ layɛrɛyɛrɛn. A si duninya-sɛnbɛrɛn-kɔn bɛɛ layɛrɛyɛran sikisiki!

Bɔ-Koe-Iyipiti 33:22

Yanni nna gbiliyɛ ni tenbi i la, n si i layigi fara-woe rɔ. N si n bole burun i kuma ha n ni ban tenbila.

Keninteya-Siginu 2:14

I manɛ iko wondere minnu dogonnɛ fara-woenu tɔ kɔnkɛ kuma. N ni i yakɔrɔ-nyimɛ yen. N ni ila kuma-tuninyanɛnu namɔɛn.

Aiseya 2:10

Wole Isirɛla mɔgɛnu, wo ni wo dogon farannu na kɔnkɛnu tɔ. Wo ni dugu-kɔrɔ-kilɛnu sa alako wo si bɔ Marita fondo-bɔɛ kɔrɔ nya min. Wo ni wo dogon ala sɛnbɛ anubɛ ala gbiliyɛ kɔrɔ.

Aiseya 2:19

Mari wa na dugu layɛrɛyɛrɛn tinɛ tumɛ min, mɔgɛnu si na anu dogon farannu na kɔnkɛnu tɔ. Anu bi dugu-kɔrɔ-kilɛnu sala alako anu ni bɔ Marita fondo-bɔɛ kɔrɔ. Anu bi anu dogonna ala sɛnbɛ anubɛ ala gbiliyɛ kɔrɔ.

Aiseya 24:18

Min tenbi a burila ko-makilannɛ do kɔrɔ, wo ye tala buila denkɛ rɔ. Min tenbi bɔla denkɛ rɔ, wo ye tala birala gbɛrɛ la. San-kole si a dɛ bɔ bandɛ kɔrɔ, ado dugu-kurukɛ-tinɛ nyɛrɛ si yɛrɛyɛrɛn.

Aiseya 33:10

Mari nyɛrɛ ye a fɔla sibolo-gbɛrɛnu ye ko a si atɛ ma. A ko ale si a yira anu na ala fanka ye nya min.

Aiseya 7:19

A ko anu na si dɛn kɔnkɔ-gbɛran tɔ anubɛ farannu na. Anu si anu daga makɛ wɔnɔ-firɛnu dafɛ anubɛ yi-bi-tinɛnu tɔ.

Yɛrɛmaya 16:16

Mari ko a ti mɛ tun, a si kilayɛ lata yɛgɛ-biralɛnu ma alako wonu ni na wole, Yuda mɔgɛnu bira. Wo kɔma, a si kilayɛ lata donsenu ma alako wonu ni na bui wola nyamanɛ kɛ bɛɛ ma. Donse wonu si to wole, Yuda mɔgɛnu napɛrɛnna kɔnkɛnu anubɛ farannu ma.

Hoseya 10:8

Wola bɛsi-kɔ-tinɛ minnu bi kɔnkɛ kuma Bɛti-Efɛn soe dafɛ, wo si hakɛ kɛ kan min, wonu si kasara pɔ! Nyɔnu si ma wɔnɔ-firɛ anubɛ binyɛ la. Wo ye nala a fɔla kɔnkɛnu ma ko, “Wo ni wo keri ma kuma alako ma wara-koe ni ka-a-la.”