Aiseya 19:22 - ALLALA KUMƐ

²² Mari si Iyipiti kɛnu tɔrɔ. Wo kɔma, a ni anu dandan. Anu si anu kɔ-sɛgi a ma, wo kɔma, Mari si a wɔlɔ matɔlɔ anu na ka anu dandan.

Aiseya 19:22 ပူးပေါင်းရင်းမြစ်များ

2 Mansɛnu 20:5

“Mansa Hɛsakaya min bi nna mɔgɛnu kuma, sɛgi i kɔma wo wara. I wa ke, i ni a fɔ a ye ko nde, a benba Dawudata Mari Alla ko n bara ata matarali-kan lamɔɛn ka a ya-yi yen. A fɔ a ye ko n si a lakɛndɛya ken! Tele fila a sawa nyɔgɛ, a si ke tala n Bato-Bɔn la.

Yobu 22:23

Nba, kaka gbɛ, i ni i sɛgi Alla Sɛnbɛ-Bɛɛ-Tigi ma famayigi rɔ. I ye ko-yogomɛ min kun na nun, i ni tɔn sigi wo la ila bɔn la.

Yobu 5:18

Alla min bi mɔgɛ tanbanna, Alla le si ala tɛlɛ dandan. Alla ye i rafɛrɛnna a kɔɛn min na, a kɔɛn kelan wo ye i lakɛndɛyala le tun.

Bɔ-Koe-Iyipiti 8:4

Turukɔɔkɔ wonu si to gbangbanna ale anubɛ ala mɔgɔ-banu anubɛ ala nyamanita-mɔgɛnu kuma.”

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 27:13

Wo tele-nyɛrɛ wa ke, buru-kan si bɔ min bi mɔgɛnu takelela ka bɔ Asiriya anubɛ Iyipiti nyamanɛnu tɔ, kɛlɛ tara minnu na, kɔni. Anu si na Mari bato Yerusalɛm soe burɔ ata kɔnkɔ-sɛnimɛ kuma.

Aiseya 30:26

Wulɔn karɛ si gbɛ iko tele, ado wulɔn tele, waan si ma iko tele wɔrɔnfila tele ye nya min. Mari sɔnta ala mɔgɛ minnu tanban-koe ma, a si wonu dandan wulɔn-tele rɔ.

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Aiseya 57:18

A ko hali wo ye wo sɔn-yogomɛ da kun tɔ, a ko hali wo, a si to wo lakɛndɛyala. A ko a si wo bila kila-telennɛ fɛ ka wo lafɛrɛ.

Aiseya 6:10

Wo kɔma, a ya a fɔ n ye ko n ni a ma, fan do ni sa mɔgɛnu miriya-ya ma alako anu kana ko nya-yen. N ni a ma, anu tole ni gbere alako anu kana na ko lamɔɛn. N ni a ma, fen ni sa anu yɛ ma alako anu kana na ko ragbɛ. A ko n ni kɛnu ma alako anu kana anu ya-lamunun ale Mari la anu nakɛndɛya-koe la.

Isikiyɛli 29:13

N Tigi Mari ya a fɔ ko, “San bi-nanɛ kɛ wa ban, n si Iyipiti kɛnu kundɛn anuna nyamanɛ wo rɔ tun.

Hoseya 14:1

Wole Isirɛla mɔgɛnu, wo ni wo sɛgi wota Mari Alla ma bawo wo hakɛ ara wo tonko-tankan ka wo labui.

Hoseya 5:15

A ko a si a kɔɛn bɔ wo wara-koe rɔ feufeu, ha wo ni kɔrɔtɔ wo yisi rɔ. Tɔrɔyɛ wo wa wo rabɔ tumɛ min, wo ni na to ale Mari nyinina. A ko tumado ni wo tɔrɔta, wo si a nyini de worɔ.

Hoseya 6:2

Tele fila, sawa wa tenbi tumɛ min, ma si fisaya. Wo kɔma, ma si taran ma kɛndɛ la Mari fɛ.

Tɔn-Fɔɛ-Fila-Nyɔgɛ 32:39

Mari ko ale kelen pe le wota Mari Alla la. Fufafuyi le wola bɛsɛnu na. Ale le si mɔgɛ faga, ale le si mɔgɛ lakɛndɛya. Ale le ye mɔgɛ tanbanna, ale le ye mɔgɛ dandanna. Mɔgɔ ti ke ale rasɛla.

Hiburunu 12:11

Ma tenbi kolole kɔrɔ, a ti ma sewɛ la ma ye wo wati kɔrɔ. A gbɛlɛ, ado a si ma ladiminya. Kɔnɔ tɔ-a-la, min bara a munyu kolole wo kɔrɔ, wonu si yisi-kimɛ sɔrɔn bawo wonu bi ko-latelennɛ le kɛla.