Aiseya 19:21 - ALLALA KUMƐ

²¹ Mari si a nyɛrɛ yira Iyipiti mɔgɛnu na. Wo si a ma, anu ni a bato ka sarakɛ bɔ a ye ka kɔ-fannu di ale Mari ma. Anu si lanyirinu kiri a ye ka wonu natɔnbagaya.

Aiseya 19:21 ပူးပေါင်းရင်းမြစ်များ

1 Mansɛnu 8:43

i ni ala matarali-kan wo lamɔɛn san-kole rɔ. I ni anu makoe nyinya iko anu bi a fɔla i ye nya min. Woletɔ duninya-mɔgɛ bɛɛ si i tɔgɛ lɔn ka ila kumɛ bira iko Isirɛla mɔgɛnu bi ila kumɛ birala nya min. Anu si a lɔn worɔ ko n bara Bato-Bɔn min sɔ kɛ la, a bɛnta bɛɛ ni i bato nyɔ.

Yaburi 61:8

N si to i tanto-bɛtinu bɔla i ye tele-wo-tele ka to nna lanyiri latɔnbagayala i ye.

Yaburi 67:2

Woletɔ duninya-mɔgɛ bɛɛ si i kɛ-nya lɔn. Anu si a lɔn ko kisi-ko-sɛnbɛ ye i bolo.

Yaburi 68:31

Kun-tiginu si bɔ Iyipiti nyamanɛ rɔ. Sudan kɛnu si anu bole sigi Alla ye ka madiyali kɛ.

Yaburi 68:32

Wole sibolo-kurɔnnu, wo ni bɛtinu bɔ Alla ye. Wo ni tantoli-bɛtinu bɔ ma tigi ye.

Makawandili Kumɛnu 5:4

Ni mɔgɔ banta Alla yili-madiyala ko-wo-ko rɔ, a bɛnta, a ni wo latɔnbagaya tiriya! Alla ti sewa kun-takolon sufa wonu na. I kuman-kan latɔnbagaya.

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 11:9

Kɛnu fenfen ti ko ma anu nyɔgɔn na. Anu ti anu nyɔgɔn kasara Yerusalɛm kɔnkɔ-sɛnimɛ ma. Iko kɔgɔ-yi siya nya min, nyamanita-mɔgɛnu hɛnkili ye siyayala wo nya na le.

Aiseya 27:13

Wo tele-nyɛrɛ wa ke, buru-kan si bɔ min bi mɔgɛnu takelela ka bɔ Asiriya anubɛ Iyipiti nyamanɛnu tɔ, kɛlɛ tara minnu na, kɔni. Anu si na Mari bato Yerusalɛm soe burɔ ata kɔnkɔ-sɛnimɛ kuma.

Aiseya 37:20

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Aiseya 44:5

A ko mɔgɛnu si to a fɔla kelen-kelenyɛ ma ko Marita mɔgɛ le anu denu na. Anu si kofu male Isirɛla mɔgɛnu ma. Anu kelen-kelennamɛ-bɛɛ si Mari tɔgɛ sɛbɛ anu bole ma ka anu nyɛrɛ kele ko Allata mɔgɛ donu.

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Aiseya 55:5

Wo ma sibole minnu lɔn kɔrɔma la, wo si wonu kele kan-tina-kelen, ado sibole minnu ma wo lɔn, wonu burimatoe si na wo wara. Kɛ damasi si ma bawo wole Isirɛlata Mari Alla-sɛnimɛ le wara gbiliyɛ di wo ma.

Aiseya 56:7

a si ta wonu na ata kɔnkɔ-sɛnimɛ kuma. A si sewɛ di anu ma a madiya tinɛ, ado a si sɔn anuna sarakɛnu na anu bi minnu bɔla ata saraka-mintan-tinɛ kuma. Ata Bato-Bɔn si ma madiyali-bɔn la sibole bɛɛ ye.

Aiseya 60:7

Kedari kɛnuta sagɛ bɛɛ si ma itɛ la. Anu si na Nebayɔti kɛnuta saga-yiginu na ka anu di i ma. Wonu si ma saraka-mintan-suma-diyamɛ la Marita saraka-mintan-tinɛ kuma. A ko a si a Bato-Bɔn rabɛn yɔnyɔn, ka tenbi a fɔlɔtɛ la.

Aiseya 66:23

Bɛɛ si na Mari bato tinɛ. Anu si to nala a batola Karɛ-Kurɛ-Ladɛn kuma anubɛ Sulen-Tele bɛɛ ma.

Yona 1:16

Anu ya a yen min kɛ, fɔnyɔ ra ara to, anu kilanta Nɛbi Yonata Mari la dɔgɔma-ma-de! Anu ya sarakɛ bɔ ka lanyiri kiri Mari ye a matara koe la.

Habakuku 2:14

Iko kɔgɔ-yi-worɔn lafanɛ yi la nya min, duninya kɛ la si fa Marita gbiliyɛ-lɔn-koe la wo nya na le.

Sɛfanaya 3:10

Ala mɔgɛ minnu bi nyamani-gbɛrɛnu tɔ wula-yan la, a ko a si na wonu na a bato-tinɛ. Hali Sudan kɛ minnu fɛ-yan, wonu fanan si na.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

1 Samuwɛli 17:46

Bi tele kɛ rɔ, Mari si i don n bolo. N si i faga ka i kan natɛgɛ a dagɛ rɔ. N si Filisiti kɛlɛ-dannu suyi di konanu anubɛ sogenu ma. Duninya-mɔgɛ bɛɛ si a lɔn worɔ ko Alla ye Isirɛla mɔgɛnu kun na.