Aiseya 19:2 - ALLALA KUMƐ

² Mari ko a si na-kelen-nyɔgɛnu nakɛ anu nyɔgɔn ma ka sigi-nyɔgɔma-gbansan fanan nakɛ anu nyɔgɔn ma. A ko a si soenu natugu anu nyɔgɔn ma. Nyamanɛnu si anu nyɔgɔn kɛlɛ.

Aiseya 19:2 ပူးပေါင်းရင်းမြစ်များ

1 Mansɛnu 16:21

Isirɛla mɔgɛnu tafarata kurun fila la. Kɛnu ko Kinatila den Tibini ni ma mansɛ la. Doinu fanan ko Hɔmɔri ni ma mansɛ la.

2 Ko-Kɔrɔta-Karan 15:6

Sibole donu bi sibole donu kɛlɛla. Soe donu bi soe donu kɛlɛla bawo Mari ye tɔrɔyɛ lanala wo ma.

Aiseya 3:5

Mɔgɛnu si to anu nyɔgɔn niyi ragbɛrɛnna. Kemini-mɛsɛnu si yo kinanu ma. Kuntannu si yo mɔgɔ-gbiliyanɛnu ma.

Aiseya 9:21

Hali Manasa kegeyɛ anubɛ Ifɛrɛm kegeyɛ si anu nyɔgɔn kɛlɛ. Wati do wa ke, anu na si kofu ka Yuda kɛnu kɛlɛ. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Yɛrɛmaya 46:12

Duninya ye anuna miliya-koe lamɔɛnna. Bɛɛ ye anu di-kɛ-kan lamɔɛnna. Kɛlɛ-dannu si to fɛrɛnna anu nyɔgɔn na. Anu ni bui anu nyɔgɔn fɛ fugbu!

Yɛrɛmaya 51:46

Anu bi kumɛ minnu namɔɛnna, wonu kana anu nakilan. San-bo-san, anu si kuma-kurɛnu namɔɛn ka a bɛn kɛlɛ wara-koe ma. Mɔgɛnu bi a fɔla ko karagbɛlɛyɛ ye nyamanɛ donu tɔ. Mansɛ do ye mansɛ do kɛlɛla nyamanɛ donu tɔ.

Isikiyɛli 38:21

A ko a si ale Mansa Kɔgi kumakɔ nyagba-su bɛɛ la. Ale Mari kan le kɛ la. Ale Mansa Kɔgila kɛlɛ-dannu si to anu nyɔgɔn kɛlɛla.

Sakaraya 8:10

A ko yanni wo wati ni ke, hali wole anubɛ wola kolo-fannu masan-wodi ma kolo wo bolo. A ko mɔgɔ ma ke a halala-wɔlɛ kɛla bawo wo yogenu taranta wo kan ma kan tinɛ bɛɛ rɔ. A ko ale le ara mɔgɛnu nakɛ anu nyɔgɔn ma nun.

Matiyu 10:21

“Mɔgɛnu si anu na-kelen-nyɔgɛnu kunyɛ madon anu yogenu bolo alako anu ni anu faga. Fanu si wo nyɔgɔn ma anuna dannu na. Dannu si wuli anu sɔrɔnnɛnu kan ma hali ka anu nadon sayɛ rɔ.

Matiyu 10:36

I yogo-bɛrɛbɛrɛ si taran ila denbayɛ tɛma.

Matiyu 12:25

Anu bi anu mirila min ma, Yisa ya wo lɔn. Woletɔ a ya a fɔ anu ye ko, “Ni mɔgɛnu bi anu nyɔgɛnu kɛlɛla nyamani-wo-nyamani rɔ ka dan-nafarɛ sa anu nyɔgɔn tɛma, nyamanɛ wo ti mɛ! Ni so-burɔ-mɔgɛnu bi anu nyɔgɛnu kɛlɛla, ni wo ma, denbayɛ ka dan-nafarɛ sa anu nyɔgɔn tɛma, wo si tinya pɔ!

Matiyu 24:7

Sibolo-gbɛrɛnu si wuli anu nyɔgɔn kan ma. Nyamanɛnu si wuli anu nyɔgɔn kan ma. Kɔnkɔ-fitinɛ si na. Dugu-yɛrɛyɛran si kɛ kan tina siyaman tɔ.

Maraka 3:24

Ni mɔgɛnu bi anu nyɔgɔn kɛlɛla nyamani-wo-nyamani rɔ, wo nyamanɛ ti mɛ.

Kɛlɛ-Kurugbɛnu 7:22

Kidiyɔn anubɛ ala kɛlɛ-dannu bi buru-fɛyɛ wo kun na, Mari ya a ma, anu yoge wonu donta anu nyɔgɔn kɛlɛla. Anu tara anu yogenu gbenna Sɛrɛrati kilɛ la ha Bɛti-Siti soe ma. Anu tara anu dan Abɛli-Mɛhola soe burɔ min bi Tabati soe dafɛ.

Kɛlɛ-Kurugbɛnu 9:23

Wo kɔma, Alla ya gboyanayɛ ladon Sɛkɛm mɔgɛnu anubɛ anuna mansɛ Abimɛlɛki tɛma bawo anu ya a na-kelen-nyɔgɛnu faga. Murutiyɛ wo mara a tayili-sarɛ la Alla bolo.

1 Samuwɛli 14:16

Mansa Sɔlita kɛlɛ-dan minnu bi Kibiyon makandanna Bɛnyamɛta nyamanɛ rɔ, wonu ya Filisitinu burimatoe basannɛ yen nyɔ la kumakɔɛ bolo.

1 Samuwɛli 14:20

Tiriyante wo rɔ, Mansa Sɔli anubɛ ala kɛlɛ-dannu tara Filisitinu kan ma. Kɔndɔfili kelan kɛ ya a ma, Filisitinu donta anu nyɔgɔn kɛlɛ rɔ.