Aiseya 18:7 - ALLALA KUMƐ

⁷ Dugi kɛ min talanɛ bɛnu na, wati ye nala, nyamanita-mɔgɛ wonu si kɔ-fannu nana Mari Sɛnbɛ-Bɛɛ-Tigi ma, ado mɔgɛ wonu tagbɛlɛ, anu yan. Anu fɛrɛ nunkunɛ. Duninya-mɔgɛ mumɛ bɛɛ kilannɛ anu na. Anu si ta Yerusalɛm kɔnkɔ-sɛnimɛ kuma, mɔgɛnu si Mari Sɛnbɛ-Bɛɛ-Tigi bato kan min.

Aiseya 18:7 ပူးပေါင်းရင်းမြစ်များ

2 Ko-Kɔrɔta-Karan 32:23

Mɔgɔ-siyaman nara kɔ-fannu na Mari ye anubɛ fen-kolomɛnu na Mansa Hɛsakaya ye Yerusalɛm soe burɔ. Ka a dabira wati wo ma, sibolo-gbɛrɛnu tora Mansa Hɛsakaya gbiliyala kosɛbɛ!

Yaburi 68:32

Wole sibolo-kurɔnnu, wo ni bɛtinu bɔ Alla ye. Wo ni tantoli-bɛtinu bɔ ma tigi ye.

Aiseya 16:1

Mohabu kɛ minnu siginɛ Sela soe burɔ wulɛ rɔ, wonu tara saga-dan la Yerusalɛm mansɛ sanbayɛ la ka a kɔntɔ diya bawo anu bara taran a kɔrɔ.

Aiseya 18:2

Anu si mɔgɔ-banu sɔ ka bɔ nyamanɛ wo rɔ kulɔnnu tɔ minnu nadannɛ sensere la Nayɛli bɛ kuma. Kɔnɔ wole nyamani-yɛnu, wo sɛgi wo warɛ sarakanɛ kɛ la wo bolo. Wola mɔgɛnu tagbɛlɛ, anu yan, ado anu fɛrɛ nunkunɛ anu ma pinapina! Duninya-mɔgɛ mumɛ bɛɛ kilannɛ anu na. Wola nyamanɛ talanɛ bɛnu denu na.

Aiseya 18:4

Mari ya a fɔ n ye ko a si a kolan layigi ka bɔ Arinyɛni tɔ a fɛrɛma iko duri tenbi yigila dɔn-fen-tɛgɛ-wati la nya min anubɛ iko tele-wuyan tele-latelan rɔ.

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Maika 4:13

Wole Yerusalɛm kɛnu, wo ni wo lasɔ wo yogenu kɛlɛ-koe la. Mari si wo kolo gbɛlɛya iko turɛ min kere gbɛlɛ iko nɛgɛ. A kin-turi gbɛlɛyanɛ iko silɛɛ. Wole Isirɛla mɔgɛnu si wo yogenu bunden gburr! Wo ye fan minnu bila anu bolo kɛlɛ rɔ, wo si wonu natenbi duninya-tigi-Mari ma.

Habakuku 1:7

Mɔgɛ minnu ba anu mankan lamɔɛn, anu kun ma si kɔ kilan bolo. Babilɔn kɛnu wasinɛ. Anu denu mirinɛ ko anu ya ko-wo-ko ma, wo telennɛ anu yala.

Sɛfanaya 3:10

Ala mɔgɛ minnu bi nyamani-gbɛrɛnu tɔ wula-yan la, a ko a si na wonu na a bato-tinɛ. Hali Sudan kɛ minnu fɛ-yan, wonu fanan si na.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Matiyu 2:11

Anu donta bɔn la dennɛ anubɛ a na Mariyama ye kan min. Anu ya dennɛ yen min kɛ, anu ya anu nyɛnkin ka a bato. Wo kɔma, anu ya anuna bɔrɛnu naka ka a sanbɛnu di a ma. Anu ya a sanba sɛnɛ la, anubɛ isɛnti min tɔgɛ farankinsɛnsɛ, anubɛ tulu-suma-diyamɛ min tɔgɛ mira.