Aiseya 18:1 - ALLALA KUMƐ

¹ Mɔgɛ kɛnɛna kɔinkian kanbankan lamɔɛnna nyamanɛ do rɔ Sudan bɛnu kɔgɔma.

Aiseya 18:1 ပူးပေါင်းရင်းမြစ်များ

2 Mansɛnu 19:9

Asiriya Mansa Sɛnakaribu ya a lamɔɛn tumɛ min ko Sudan Mansa Teriheka ara na Iyipiti kɛlɛ-dannu na a bolo a kan ma Asiriya nyamanɛ rɔ, ale Mansa Sɛnakaribu ya kɛdi sɛbɛ Mansa Hɛsakaya ma Yuda nyamanɛ rɔ.

Yaburi 17:8

A ma, n ni to tankɛ rɔ iko mɔgɛ si a yɛ matanka nya min. N sigi i kanban kɔrɔ

Yaburi 36:7

E, Alla, ila keninteya-dannatɛgɛbɛlɛ sɔnkɔ ti sɔrɔn. Ma lakanannɛ i kanban kɔrɔ.

Yaburi 57:1

E, Alla, kinikini n ma bawo ile si n matanka. N bi i kanban kɔrɔ n matanka-koe la ha nna nyagbɛ kɛ ni bɔ n kuma.

Yaburi 61:4

Sɔn, n ni taran ila fani-bɔn kɔrɔ tuma-wo-tuma. N nakanan i kanban kɔrɔ.

Yaburi 63:7

bawo i wara n dɛnbɛ kati! N tenbi i kanban-ninɛ la, n si siginu sa i ye.

Yaburi 91:4

A si a kanbannu burun i kuma. A kanbannu si i lakanan. Ata lanayɛ, wo le ye i lakisila.

Aiseya 31:1

Minnu bi tala Iyipiti anu dɛnbɛn-koe rɔ, gbalo ye wonu kuma. Anu lanɛ Iyipiti kɛnuna soeenu anubɛ anuna kirindinu anubɛ anuna kɛlɛ-kɛ-dannu na dɔgɔma-ma-de! Kɔnɔ Isirɛlata Mari Alla-sɛnimɛ, anu ma la ale la. Anu ti a manyinika anu dɛnbɛn-koe la.

Aiseya 37:9

Asiriya Mansa Sɛnakaribu ya a lamɔɛn tumɛ min ko Sudan Mansa Teriheka ara na Iyipiti kɛlɛ-dannu na a bolo a kan ma Asiriya nyamanɛ rɔ, ale Sɛnakaribu ya kɛdi sɛbɛ Mansa Hɛsakaya ma Yuda nyamanɛ rɔ.

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Isikiyɛli 30:9

“Iyipiti kasara-tele wa na, Sudan kɛ minnu ma sui wɛ kɛlɛ ma, n si kilayɛnu nata kulɔnnu tɔ ka ta anu nalɔn. Wonu fanan kun ma si kɔ.

Sɛfanaya 2:12

Mari si a ma, Sudan kɛnu yogenu ni anu halaki.

Sɛfanaya 3:10

Ala mɔgɛ minnu bi nyamani-gbɛrɛnu tɔ wula-yan la, a ko a si na wonu na a bato-tinɛ. Hali Sudan kɛ minnu fɛ-yan, wonu fanan si na.

Matiyu 23:37

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Ruti 2:12

Alamɛ Mari ya i sara wo la. I wara na Isirɛla mɔgɛnuta Mari Alla wara ka don a kanban kɔrɔ i kisi-koe la. Alamɛ Alla ya i sara boi!”