Aiseya 17:5 - ALLALA KUMƐ

⁵ Isirɛla nyamanɛ si ma iko nyɔ-sangban. A ra si kolonya iko mɔgɛnu tara dɔn-fannu torondo nya min Rɛfayim lɛɛ rɔ.

Aiseya 17:5 ပူးပေါင်းရင်းမြစ်များ

2 Samuwɛli 5:18

Filisiti kɛlɛ-dan wonu tara Rɛfayim lɛɛ bira-a-la ka anu daga makɛ nyɔ.

2 Samuwɛli 5:22

Wo kɔma, Filisiti kɛlɛ-dannu sɛgira Rɛfayim lɛɛ wo bira-a-la tun ka anu daga makɛ nyɔ rɔ tun.

Hɛnkilimaya-Kumɛnu 27:25

Mɔgɛ tenbi binyɛ tɛgɛla ka a sa ala kolo-fan kɔrɔ, do ye matiila wo gbɛ rɔ. A si ta kɔnkɛnu tɔ fanan ka binyɛ madɛn.

Aiseya 17:11

Hali bagɛ wonu gbusura yona ka anu fere-nyimɛ labɔ, fenfen ti ma-a-la nyɔ. Fɔ tɔrɔyɛ anubɛ duma-dandanbɛlɛ tolon!

Yɛrɛmaya 51:33

Babilɔn yogenu si anu tatɛgɛtɛgɛ ka anu tɛn iko fui-fan min tenbi gbere-kole ma, ado wo sa mɛla tun. Ale Mari Sɛnbɛ-Bɛɛ-Tigi Isirɛlata Alla kan le kɛ la.

Yɛrɛmaya 9:22

Mari ko n ni a fɔ wo ye ko furinu bolokanɛ ye tala iko ninki-nyɛ. Anu bolokanɛ ye tala gbɛ ma iko fui-fen-tɛgɛlɛ ye bolofɛ tola a kɔma nya min. A madɛnna fenfen ti taran.

Hoseya 6:11

“Wole Yuda mɔgɛnu, ka a tɛgɛ wo ara min ma, n bara wo tɔrɔya-lɔgɔ latɛgɛ.”

Yowɛli 3:13

Anu wunduyogo dɔgɔma-ma-de! Wo ni anu kunyɛ tɛgɛ a daga rɔ iko fui-fen-tɛgɛtɛ. Wo ni anu burun sagbayi, iko mɔgɛ wa numunu-siyamɛ burun, a yi-lamara-tinɛ la ni fa, ado ni anu hakɛnu mara yi wo la, a lamara tinɛ bɛɛ la si fa tɛf!”

Matiyu 13:30

Wo ni a to fɔlɔn. Anu filɛ ni koloya anu nyɔgɔn fɛ ha a tɛgɛ-tumɛ. Nba, n si a fɔ nna wɔli-kɛlɛnu ye worɔ ko anu ni binyɛ fɔlɔn dɛn ka a lakiri. Anu ni a lakɛ tɛ rɔ. Wo kɔma, anu ni ki-fen-bɛrɛ tɛgɛ ka a sa nna birɛ rɔ.’ ”

Yasowa 15:8

ha ka tenbi Hinom lɛɛ la min bi kɔnkɛ wo dugu la Yebusi mɔgɛnuna soe Yerusalɛm bi kan min. Dan wo le yɛlɛta kɔnkɛ kuma Hinom lɛɛ tele-yigi wara la min bi Rɛfayim folo-kunyɛ la.

Yasowa 18:16

Dan wo le yigira tun kɔnkɛ kɔrɔ min yɛ layiginɛ Hinom lɛɛ ma min bi Rɛfayim folo-kunyɛ la. Ka bɔ nyɔ, a tara dugu la ka tenbi Hinom lɛɛ la ka ta ke kɔnkɔ-bolɔn do ma min bi Yerusalɛm soe kantɔ ha ka ta ke Ɛnrogɛli tenke ma.