Aiseya 17:13 - ALLALA KUMƐ

¹³ Hali sibolenu bi tugula a rɔ Isirɛla kan ma wo nya, Alla wa anu makuma, anu si sɛgi anu kɔma iko fɔnyɔ wa gbangban kɔ, ni wo ma, iko tɔnkɔlɔn wa bin-gbalɛ fɔrɔn.

Aiseya 17:13 ပူးပေါင်းရင်းမြစ်များ

Yobu 21:18

Mɔgɔ ti Alla yen anu fɛla iko bin-gbalɛ ni wo ma, iko fɔnyɔ ye tala gbangban min na.

Yobu 38:11

N ya a fɔ kɔgɔ-yi ye ko, “I dan le kɛ la, ado i kana tenbi yan kun na de! I ye tugi min kɛla i rɔ, wo dan le kɛ la.”

Yaburi 1:4

Kɔnɔ karagbɛlɛnu mani ma iko mɔgɛ kɛ. Wonu mani de iko fɔnyɔ si ta fen-gbalɛ min na.

Yaburi 35:5

Mari, ita melika tenbi n yogenu gbenna, alamɛ anu mara iko bin-gbalɛ, fɔnyɔ ye tala min na pon!

Yaburi 65:7

Kɔgɔ-yi tugun-kan a rɔ, i si wo rade don! Hali sibolo-gbɛrɛnu kurun-kan, i si wo fanan tade don!

Yaburi 65:8

I wara kabana-koe minnu kɛ, duninya bɛɛ kawanɛ wonu ma. Ka a bi duninya tɔnkɔn doi ma ka a sigi a tɔnkɔn doi la, i ye mɔgɛnu nasewala.

Yaburi 9:5

I wara sibolo-gbɛrɛnu yiliki ka ko-yogoma-kɛlɛnu kasara ka anu tɔgɛ latunu yen!

Aiseya 14:25

A ko a si Asiriyanu nunku ata kɔnkɛnu ma a tontɛ kɔrɔ Isirɛla nyamanɛ rɔ. A si ata mɔgɛnu bɔ kun-gbaran rɔ Asiriyanu bolo. Anu kunyɛ si bɔ dunu madunɛ kɔrɔ.

Aiseya 21:15

Kalabɛn wo, faan wo, kɛlɛ-masibɛ wo, mɔgɛ kɛnu bi anu burila wonu denu kɔrɔ.

Aiseya 22:18

A si i lamondo ka i lakɛ-a-rɔ nyamani-wɛ do rɔ iko bɔli. I yɛ bɔnɛ kirindi min bɛɛ la, i si faga wonu dafɛ. I wara yarabiyi ladon i tigi warɛ bɔn la.

Aiseya 27:1

Ninkinankɛ min bi kɔgɔ-yi rɔ, hali a ye a mamagala a buri tinɛ, wo wulɔn nyɛrɛ rɔ, Mari si wo tɔrɔ ata faan-damɛ sɛnbɛmɛ la.

Aiseya 29:5

Sibolo-gbɛrɛ minnu bi nala ile Yerusalɛm kɛlɛla, wonu si fɛ iko fɔnyɔ wa ta gbangban la. Anuna kɛlɛ-den-makilannɛnu, fɔnyɔ si ta wonu na iko bin-gbalɛ. Wo dama si ma tiriya!

Aiseya 30:28

A si fɔn-digidigi-wɛ lana a yarɔ iko yi-fɛ min bi tala fan bɛɛ la. A si nyamanɛnu tafiran ka tɔn sigi anuta miriya-yogomɛnu na.

Aiseya 34:17

Mari si nyamanɛ wo ratala nima-fan wonu na. Bɛɛ si ata sɔrɔn. Nyɔ si ma anu halalɛ la. Anu si to sigini nyɔ tolon!

Aiseya 40:15

Fenfen ma sibolenu na Mari yala. Anu mani de iko yi-tinti kelan. Yi-tɛma-duginu fɛyanɛ iko gbangban.

Aiseya 40:24

Mansɛ wonu mani de iko ki-fan min bɔ-san anu suli labɔla. Mari wa fɔn-fɛlɛfɛlɛnɛ lana, anu si gbala iko bin-gbalɛ. Fɔnyɔ wo ni ta anu na pon!

Aiseya 41:11

Minnu kɔrɔtɔnɛ wo ma, a ko wonu si a lɔn miliyɛ ye min na. Mɔgɔ-wo-mɔgɔ ya wo kɛlɛ, wo si faga.

Aiseya 8:7

a ko ale Mari si Asiriya mansɛ anubɛ ala kɛlɛ-dannu nana Yuda nyamanita-mɔgɛnu kan ma. A ko wole Yuda kɛnu si to kɛlɛ tɛma Yuda nyamanɛ rɔ iko Yufereti bɛ wa yanba gbesi ha ka ke mɔgɔ kanban-kunyɛ ma. Hali wo, Alla ya a kɔɛn lafulen Yuda nyamanɛ kuma ka nyamanɛ wo bɛɛ to a kanban kɔrɔ bawo ale Alla ye ma fɛ.

Daniyɛli 2:35

Tiriyante wo rɔ, a bɔnku wo, a nɛgɛ wo, a sila wo, a wodi-gbɛ wo, a sɛnɛ wo, wo damasi ranyɛnsɛnta ka ma gbangban la iko gbere-kole si ma gbangban la nya min telemɛ rɔ. Fɔnyɔ tara gbangban wo dama la a yala. Fenfen ma to. Kɔnɔ farɛ wo min kerita a la wo la, wo koloyara ka ma kɔnkɛ la. Kɔnkɛ wo kera duninya tonke bɛɛ rɔ.”

Hoseya 13:3

Ka a tɛgɛ wo ma, anu si tunu yen, iko duri. Anu si ma iko fɔrɔn, fɔnyɔ ye tala min na. Anu mani de iko ta-sisi min bi bɔla nyandan-bɔn kuma.