Aiseya 17:10 - ALLALA KUMƐ

¹⁰ Wole Isirɛla mɔgɛnu, Alla min bi iko mɔgɛ si dogon farɛ min kɔma, a ye wo lakananna ka wo kumafunfan, wole ara nyina wo ko salon! Yanni wo ni sɛgi Alla ma, fɔ wo ye nako-nyimɛnu nadanna sibolo-gbɛrɛnuna bɛsɛnu ye.

Aiseya 17:10 ပူးပေါင်းရင်းမြစ်များ

1 Ko-Kɔrɔta-Karan 16:35

Wo di Mari dala. Wo ni a fɔ ko, “Alla, ma lakisi. I ni ma kundɛn kan-tina-kelen. I ni ma tanka sibolo-gbɛrɛnuna masibɛ ma. Wo si a ma, ma ni baraka bira i ye ka i tɔgɔ-sɛnimɛ gbiliya.”

Yaburi 106:13

Kɔnɔ a ara min bɛɛ kɛ anu ye, anu nyinara wonu ko tiriya! Anu gbaranta anu nyɛrɛ la. Anu ma Allata makawandilɛ makɔni.

Yaburi 106:21

Alla min ya anu kisi ata sɛnbɛ-makawanɛ la Iyipiti, anu nyinara wo ko salon!

Yaburi 18:2

Mari le n natankalɛ la. Nna tarɛ le ale la, n si kisi ale le tɔ. Ale le si n tanka ko-yogomɛ ma. Nta farɛ le Alla la, n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

Yaburi 31:2

I wɔlɔ matɔlɔ n na. I ni n nakisi tiriya! I ni ma nna kisi tinɛ la.

Yaburi 65:5

Ma ya a lɔn ko i ye mala madiyalɛnu yabila bawo ma ye nɔlɛ sɔrɔnna ma yogenu kuma. I ye kabana-koenu nadanna ma ye alako ma si kisi nya min. Duninya-mɔgɛ bɛɛ lanɛ ile la, hali minnu bi kɔgɔ-yi kɔma.

Yaburi 79:9

E, Alla, ma dɛnbɛ. I ni ma lakisi. I ni ma lakanan. I ni ma makoto ka a tɛgɛ i nyɛrɛta gbiliyɛla ko ma.

Yaburi 85:4

E, ma kisilɛ Alla, i ni ma lasɛgi i ma tun! I fara i fonde bɔla ma kuma.

Yaburi 9:17

Karagbɛlɛ bɛɛ si a laban kanbɛ rɔ hali minnu bi Alla bɔrɔbɔla.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Aiseya 17:9

Wo wati wa ke, tara-hakikɛ mininɛ soe minnu ma nun, wo bɛɛ si ma tonbɔn la tɛrr, iko Hɛfanu anubɛ Amoranu ya anu buri Isirɛla kɛlɛ-dannu kɔrɔ nya min ka anuna soenu boloka.

Aiseya 18:5

Ki-fannu ba fere, yanni wonu keri-wati ni ke, wo si a taran, Sudan kɛnu yogenu bara ban anu kasarala. Anu si anu nɔ tiriya iko muri ye tɔnbɔnna kɔlɔma bolɔn rɔ nya min.

Aiseya 25:4

Bolo-kolɔnnu anubɛ fugarɛnu dimatoe ara na i wara anu dɛnbɛn-koe rɔ. Anu bi tɔrɔyɛ rɔ tumɛ min, i ya anu kumafunfan. Fɔn-digidigi-wɛ nanɛ, i mara anu ye bɔn la. Ala kunayɛ tele bolo anu kuma, i mara anu ye ninɛ la. Karagbɛlɛnu taranta anu kan ma iko banda tenbi gbesila dandan la.

Aiseya 26:4

La Mari la tolon! A si to ma lakananna burubukai!

Aiseya 30:29

Kɔnɔ wole Allata mɔgɛnu, wo si sewa-siginu sa iko wo duruta a mala wola ladiya-sɛnimɛnu kuma nya min. Wo si nyagalen iko wo tenbi tala Mari Bato-Bɔn la fuli kɛnɛ a rɔ. Isirɛlata farɛ le ale Mari la.

Aiseya 33:2

Mari, kinikini ma ma. Ma yigi bɛnnɛ ile le ma. To ma lakananna tele-wo-tele ka ma lakisi yakɔrɔ-mamɔɛ rɔ.

Aiseya 44:8

A ko ma kana kilan! Ma kana hɔn! Min bi nala mala ma la, a ye wonu fɔla ma ye tolon! A sere le male la kɛnuna ko la. Alla-gbɛrɛ ye nyɔ, wa? Alla-makawani-gbɛrɛ do ye nyɔ, a ma min wara-koe lamɔɛn bɛ?

Aiseya 51:13

Wo ma nyina ale Mari ko min ya wo dan? Ale le ya san-kole rafulen ka dugu-kole kurukɛ. Nfenna wo kumakɔnɛ tonɛ kilan bolo? Anu bi wo niyi ragbɛrɛnna. Anu tabɛnnɛ wo kasara-koe ma. Kɔnɔ anuna kɔnkɔn ti ko-wo-ko ma wo la.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Aiseya 62:11

Mari ye a fɔla duninya mumɛ bɛɛ ye ko a ye nala Yerusalɛm kɛnu nakisila, ado a ara minnu kunyɛ bɔ biralɛ rɔ, a ye nala wonu na tun.

Yɛrɛmaya 12:13

Mɔgɛnu si fui-fan fui kɔnɔ anu ti fenfen tɛgɛ binyɛ kɔma. Anu si wusi tirindi kɔnɔ ko-wo-ko ti bɔ anu tɔrɔ-gbɛ wo rɔ. Anu si miliya anuna dɔn-fen-sɔrɔnbɛlitayɛla ko la kɔgɔrɔyɔlɔ! N yisi-bɔɛ le ye a mala, kɛ dama ye nala sigila anu ma.”

Yɛrɛmaya 17:13

Mari, Isirɛla mɔgɛnu yigi le ile la. Mɔgɔ-wo-mɔgɔ wa a kan-kɔ sɔ i la, wo tigi si miliya. Min bi a bɔla ile Marita kilɛ fɛ, wo tigi mani de iko tɔgɛ min sɛbɛnɛ gbangban rɔ. Wo sa mɛla bawo a ara ile Mari boloka. Tenke-kimanɛ le ile Mari la.

Yɛrɛmaya 2:32

Sunkurɔn ti nyina a makiri-fan ko. Kɔɛn-kurɛ ti nyina ala kɔnyɔ-masɔ-kurɛnu ko. Kɔnɔ Mari ko ata mɔgɛnu nyinara a ko bi-ko-ma,

Yɛrɛmaya 3:21

Mɔgɛnu si wo di-kɛ-kan lamɔɛn kɔnkɛnu kun tɛma. Wole Isirɛla mɔgɛnu bi wo dɛ sala-a-rɔ madiyali-kɛ-tinɛ. Wo sɔn ara yogoya ka a dan-natenbi. Wo ara nyina wota Mari Alla ko.

Isikiyɛli 22:12

Anu bi donu sarala mɔgɛnu faga-koe la. Donu bi tɔnɛ sala anuna yili-donnɛnu kuma anu ta-nyɔgɔn Isirɛla mɔgɛnu bolo, ado donu bi mala-a-la wo le tɔ. Anu bara nyina nde, Mari ko. Nde, anu Tigi Mari kan le kɛ la.

Isikiyɛli 23:35

“ ‘Bawo i wara i kan-kɔ sɔ n na ka nyina n ko, i si tɔrɔya ka a tɛgɛ ila kei-koyɛ anubɛ ila yɛlɛnyɛ ma.’ ”

Hoseya 4:6

Gbalo ye nta mɔgɛnu kuma bawo anu ma nde, Alla lɔn wole, saraka-masɔlɛnu bolo. N lɔn-sɔgɔ sa wole, saraka-masɔlɛnu na. Wo ara wo kan-kɔ sɔ nta karan la. Woletɔ wo ye wo banna a la. Hali wota dannu, n ti wonu yatɛ saraka-masɔla la.

Hoseya 8:14

“Wole Isirɛla mɔgɛnu bara bon-hakikɛnu sɔ wo nyɛrɛ ye ka nyina nde, wo Dali-Mari ko salon! Wole Yuda kɛnu fanan bara wola so-latankanɛnu sɔ kɔnɔ nde, Mari si tɛ layigi ka bon-hakikɛ wonubɛ so-latankanɛ wonu mintan gburr!”

Yowɛli 1:17

Mala suginu bara ban tinyana bawo dugi ra ara gbala todo! Mala bondɔnnu bara tinya bawo fenfen sa ma bolo ma si min nadon anu na.

Saraka-Masɔlɛnuta Tɔnnu 26:16

n si wo tɔrɔya. N si yakɔrɔ-mamɔɛ lana wo kuma iko kiraya-yogomɛ sufa min ti dandan, anubɛ fɛrɛma-kaliyɛ min si wo fiyonya ka wo bara wao! Wo si wola suginu fui kɔnɔ wo ti fenfen sɔrɔn bawo wo yogenu si bui wo ma ka wola dɔn-fen-sabatinɛnu bi wo bolo ka ta anu na.

Saraka-Masɔlɛnuta Tɔnnu 26:20

Wo ye wɔli-gbɛlɛmɛ minnu kɛla, fenfen ti bɔ wonu tɔ bawo wola fui-fannu anubɛ ki-fen-gbɔɛnu ti sabati dugi rɔ.

Emɔsi 5:11

Wo ara bolo-kolɔnnu tɔrɔ ka anuna dɔntɛnu bi anu bolo fufafu! Wo ara wo ma min kɛ, woletɔ Mari ko wo ara bon-hakikɛ minnu sɔ, wo ti don anu na. Wola ki-fen-hakikɛ minnu bi wo bolo, wo ti wonu dɔn.

Habakuku 3:18

kɔnɔ hali wo, n si nyagalen ka sewa bawo Mari Alla le nna kisilɛ la.

Sɛfanaya 1:13

A yogenu si a bolo-fannu bi ka ala bon-nakolɔn to. A si bɔn sɔ kɔnɔ a ti ki a la. A si nɔnbɔ-gbɔ-sɛnɛnu sa kɔnɔ a ti a yi min.

Tɔn-Fɔɛ-Fila-Nyɔgɛ 28:30

“Wo si musinu mabira kɔnɔ kei-gbɛrɛkɛ donu si anu furu. Wo si bɔnnu sɔ kɔnɔ wo ti don anu kɔrɔ. Wo si wola ki-fannu ki kɔnɔ hali anu gbɔ kelan, wo ti ke a dɔnna.

Tɔn-Fɔɛ-Fila-Nyɔgɛ 32:15

“Wole Marita mɔgɛnu mara nɔnfulu-tiginu na kɔnɔ hali wo, wo murutiyara a ma. Wo ara tɔlɔ ha wo bu-dagɛnu bara sigi kɔnɔ hali wo, wo ya ale Dali-Mari boloka. Wota Fara-Kole min ya wo lakisi, wo ya wo ban wo la.

Tɔn-Fɔɛ-Fila-Nyɔgɛ 32:18

Wo ara nyina wota Alla ko min ya niyi di wo ma, ale Farɛ min ya wo matanka, kɔni.

Tɔn-Fɔɛ-Fila-Nyɔgɛ 32:31

Wo yogenu ya a lɔn ko fanka sa anuta bɛsɛnu na. Anuta farɛnu mani ma iko wota Fara-Kole Mari ye nya min.

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

Tɔn-Fɔɛ-Fila-Nyɔgɛ 6:12

Wo ni a ma wo fɛrɛma, wo kana nyina Mari ko min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 8:11

“Wo ni a ma wo fɛrɛma de! Wo kana nyina wota Mari Alla ko. N bara ata tɔn minnu takaran wo ye kɛ la bi, wo kana anu boloka.

Tɔn-Fɔɛ-Fila-Nyɔgɛ 8:14

wonu ka a ma, wo ni wasi ka nyina wota Mari Alla ko min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 8:19

“Wo kana wota Mari Alla boloka ka wo madu bɛsɛnu kɔrɔ. N bi wo makawandila bi bɛrɛkɛ, ni wo ya wo ma, wo si kasara, yɔ! Sika mumɛ sa wo rɔ!