Aiseya 15:1 - ALLALA KUMƐ

¹ Kilayɛ le kɛ la Mohabu kɛnuna ko la. Ari soe anubɛ Kira soe kasarata su kelen de kɔrɔ. Mohabu nyamanɛ mumɛ bɛɛ siginɛ a la yen!

Aiseya 15:1 ပူးပေါင်းရင်းမြစ်များ

2 Mansɛnu 3:25

Anu ya anuna soenu halaki. Anu tenbi belenna sɛni-dugu-nyimɛ minnu na, wo kelen-kelennamɛ-bɛɛ si kuri bi ka a lakɛ dugi wo rɔ. Anu ya anuna dugu-nyimɛ bɛɛ lafa kuri la. Anu ya anuna tenkenu gberen ka anuna ki-fan bɛɛ tinya. Fɔ anuna so-karantan min tɔgɛ Kiri-Harɛsɛti min tora. Kɔnɔ tɔ-a-la, lenfiran-tiginu ya a mini so-karantan wo ma ka wuli anu kan ma.

Aiseya 11:14

Anu dama si ta anu nyɔgɔn fɛ ka bui Filisitinu ma tele-yigi wara la. Anu si ta anu yogenu bolo-fan toronde anu na tele-bɔɛ wara la. Idɔm kɛnu wo, Mohabu kɛnu wo, Amonnu wo, wonu damasi si to anuna sɛnbɛ kɔrɔ.

Aiseya 13:1

Alla ya sarakanɛ don nde, Emɔsila den Aiseya bolo. Sarakanɛ wo tɛgɛnɛ Babilɔn kɛnu denu wara-koe ma.

Aiseya 14:28

Mansa Ehasi ya so-sɛgi-kɛ san min na, Alla ya kilayɛ kɛ sɔ san wo le la.

Aiseya 16:11

N bi kurunna Mohabu kɛnuna ko la iko anu tenbi bɔlɔn fɔla saya-koe kuma. N yisi tinyanɛ Kiri-Harɛsɛti soela ko la.

Aiseya 16:6

Yuda kɛnu ko, “Ma ya a lamɔɛn ko Mohabu kɛnu wasira dɔgɔma-ma-de! Hali anu wasinɛ ka a dan-natenbi kɔnɔ anu kɔgɔ-raka-koe, fufafu le wo la.”

Aiseya 16:7

Mohabu kɛnu si di ka a tɛgɛ anuna tɔrɔyɛ ma. Anu ba anu miri dɔn-fen-diyamɛnu bara-koe ma anu duruta min dɔnna Kiri-Harɛsɛti soe burɔ, wo si a ma, anu yisi ma ni gboya dɔgɔma-ma-de!

Aiseya 25:10

Mari si ata kɔnkɔ-sɛnimɛ lakanan kɔnɔ Mohabu kɛnu ta si tɛntɛn iko binyɛ anubɛ ninki-nyɛ yabasannɛ ninki kɔrɔ nya min.

Aiseya 25:12

A si Mohabu so-latankanɛ bɛɛ tii mɛmɛ hali tarɛ min bi yɛlɛla fulufele! Wo bɛɛ si bui gbangban rɔ.

Yilan-Yilan Koe 21:28

Ala kɛlɛ-dannu bɔra Hɛsibɔn iko tɛ ka Ari soe kasara Mohabu nyamanɛ rɔ. Anu ya kɔnkɔrɔ-mɔgɛnu damasi faga minnu bi Anɔn ba-kunyɛ wara la.

Tɔn-Fɔɛ-Fila-Nyɔgɛ 2:18

‘Bi, wo dama si tenbi Mohabu nyamanɛ tɔnkɔn rɔ ka ta tenbi Ari soe fanan na.

Tɔn-Fɔɛ-Fila-Nyɔgɛ 2:19

Wo wa tenbi nyɔ la, wo ara gbɛrɛn Amonnuna nyamanɛ ma. Lɔti bɔnsɔn le wonu na. Wo kana yakɔrɔ-mamɔɛ anubɛ nanparan sanba anu ma bawo Mari ti anuna nyamanɛ di wo ma. A ya nyɔ di anu denu ma pe.’ ”

Tɔn-Fɔɛ-Fila-Nyɔgɛ 2:9

Mari ya a fɔ n ye fanan ko, ‘Wo kana Mohabu mɔgɛnu yakɔrɔ-mamɔ. Lɔti kegeyɛ le wonu na. Wo kana anu kɛlɛ de! N bara Ari soe di anu ma. Hali anuna nyamanɛ sibiri-kunduni, wo ti a sɔrɔn.’ ”