Aiseya 14:31 - ALLALA KUMƐ

³¹ “Wole Filisiti so-burɔ-mɔgɛnu, wo ni wo dɛ sa-a-rɔ wo dɛnbɛn-koe la. Wo kun ma ni kɔ. Kirindinu bi nala gbangban tugula ka bɔ bolo-maran wara la, ado kɛlɛ-dan minnu bi nala wonu na, yuto-wo-yuto sa wonu tɔ.”

Aiseya 14:31 ပူးပေါင်းရင်းမြစ်များ

Aiseya 13:6

Wo ni kurun dumɛ bolo. Marita lɔgɔ-latɛgɛnɛ ara gbɛrɛn. Mari Sɛnbɛ-Bɛɛ-Tigi si kasarɛ lana tele wo ma.

Aiseya 14:29

A ko, “Wole Filisitinu, hali wo gbesinɛ gbeleka-kundi min na, wo ra ara keri, wo kana ma wo sewa-kunya la. Ni duguma-fen-yogomɛ do fagara, do si bɔ a gbɛ rɔ min yogo ale ko. Mansa-kurɛ min bi sigila, wo marɛ si tenbi doi kɛtɛ la.

Aiseya 16:7

Mohabu kɛnu si di ka a tɛgɛ anuna tɔrɔyɛ ma. Anu ba anu miri dɔn-fen-diyamɛnu bara-koe ma anu duruta min dɔnna Kiri-Harɛsɛti soe burɔ, wo si a ma, anu yisi ma ni gboya dɔgɔma-ma-de!

Aiseya 20:1

Asiriya kɛlɛ-kurugbɛ ya ala Mansa Sarakɔnna kumɛ bira. A ko anu ni ta bui Filisitinuna soe Asadadi ka a bira-a-la.

Aiseya 24:12

Anuna soe si ban kasarala feufeu! A don-dɛ si keri.

Aiseya 26:1

Wati ye nala, mɔgɛnu si to bɛti kɛ bɔla Yuda nyamanɛ rɔ. Mala soe ragbɛlɛ. Alla nyɛrɛ-nyɛrɛ ye ala tarɛ kumafunfanna.

Aiseya 3:26

Kiti-fɔ-tinɛnu si ma di-kɛ-tinɛnu na. Yerusalɛm soe rakolonyanɛ si to iko anu bara digin musi min ma.

Aiseya 34:16

Wo ni Marita dali-fannuta buku bi ka a karan. Nima-fan kɛ su bɛɛ si taran nyɔ. Nima-fan bɛɛnubɛ ala musi si taran nyɔ. Mari nyɛrɛ ara ban a latɛgɛla wo nya na le. Ale nyɛrɛ-nyɛrɛ le si anu kele nyɔ.

Aiseya 45:2

ale nyɛrɛ-nyɛrɛ si kilɛ laka a ye ka kɔnkɛnu anubɛ gburukulinu tii a yarɔ. Tarɛ min don-dɛ ladannɛ silɛɛ la, Mari ko a si wonu keri ale Sairasi yarɔ. A balan-fan min nadannɛ nɛgɛ la, a si wonu takerikeri.

Yɛrɛmaya 1:14

Mari ya a fɔ n ye tun ko, “Kasarɛ si bɔ kantɔ-wara la. Kasarɛ si ke mɔgɛ bɛɛ ma nyamanɛ kɛ rɔ.

Yɛrɛmaya 47:2

A ko n ni n yɛ lata kɛlɛ-dannu tɔkɔkɛ ma nala ka bɔ kantɔ-wara la iko gboron-gboronna-yi ye tugula a rɔ nya min. Mɔgɔ ti ke dugi yenna kɛlɛ-dan wonuna siyayɛ bolo. Soenubɛ mɔgɛnu si to anuna sɛnbɛ kɔrɔ. Mɔgɛnu si anu dɛ sa-a-rɔ dɛnbɛn-koe la. Anu dama si di biribiri!

Yɛrɛmaya 47:4

Filisitinuna nyamanɛ kasara-wati ara ke. Minnu tora anu niyi la ka Saidon anubɛ Taya kɛnu dɛnbɛ, wonu nato-wati ara ke. Mari ko ale nyɛrɛ si Filisitinu halaki, minnu bɔra Kariti nyamanɛ rɔ, kɔni.