Aiseya 14:25 - ALLALA KUMƐ

²⁵ A ko a si Asiriyanu nunku ata kɔnkɛnu ma a tontɛ kɔrɔ Isirɛla nyamanɛ rɔ. A si ata mɔgɛnu bɔ kun-gbaran rɔ Asiriyanu bolo. Anu kunyɛ si bɔ dunu madunɛ kɔrɔ.

Aiseya 14:25 ပူးပေါင်းရင်းမြစ်များ

2 Ko-Kɔrɔta-Karan 32:21

Mari le ya melika do sɔ min ya Asiriya kɛlɛ-den-kunyɛnu anubɛ kɛlɛ-dannu faga. Wo le ya a ma, Asiriya mansɛ wo yarabinɛ sɛgira ala nyamanɛ rɔ. Min tenbira wo la, lunyɛ do, Mansa Sɛnakaribu ye ala bɛsi-kɔ-tinɛ tumɛ min, ala den-kei donu ya a faga faan la.

Aiseya 10:12

Kɔnɔ Mari ko min di a ye, a wa ban wo sigila Yerusalɛm kɛnu ma, a ni to a ya-lamununna Asiriya mansɛ kɛ la ka a tɛgɛ ala nyɛrɛ-matɔgɛ anubɛ ala wasinteyɛ ma.

Aiseya 14:5

Kun-tigi-wunduyogenu bara mɔgɛ minnu tɔrɔ, Mari si ale kun-tigi wonuna fanka-dɛ makeri. Sibole minnu bi Babilɔn mansɛ fanka kɔrɔ nun, a tora wonu tɔrɔla wati wo rɔ.

Aiseya 33:1

Ma yogenu si halaki. Hali mɔgɔ ma anu denu yanfa ka anu kankan, anu denu bi mɔgɛnu yanfala ka anu kankan. Kɔnɔ koe wo dama katoe le a-la bawo mɔgɛnu bi nala anu denu yanfala ka anu kankan.

Aiseya 52:2

I lasɔ gbangban rɔ ka i nyɛrɛ magbɔngbɔn. Ile so-birani-kɔrɛ, i lawuli. I mayigi ila mansaya-waganɛ rɔ. I kirinɛ yɔlɔkɛ min na nun, i ni wonu tatɛgɛ i ma.

Aiseya 9:4

Mari, i wara dunu-gbilima-wɛ bɔ anu kuma. I wara gbɛn da sawɛ bɔ anu kɔma. Sibolo-gbɛrɛ minnu bi anu yakɔrɔ-mamɔla, i wara wonu nabui anu kɔrɔ. I wara anu nabui iko i ya Midiyan kɛlɛ-dannu nabui nya min nun kɔrɔma la.

Isikiyɛli 32:22

“Asiriya kɛlɛ-dan minnu bi lakira nyɔ, anu dama kunyɛ tora kɛlɛ le tɔ nun, ado fɔlɔ nun, anu bi nyamanɛ bɛɛ rakilanna kɔnɔ anu denu kanbɛ tara le fɔ lakira kɔma pon!

Isikiyɛli 39:4

Ale Mansa Kɔgi anubɛ ala kɛlɛ-dannu anubɛ a dɛnbɛnɛnu si faga Isirɛla kɔnkɛ wonu tɔ. N si a ma, anu suyi wonu ni ma soge anubɛ konanu beli-fan la.

Maika 5:5

Ata mansayɛ si yisi-kimɛ lana Isirɛla mɔgɛnu tɛma. Asiriya kɛnu ba na bui mala nyamanɛ kɛ ma tumɛ min ka mala soenu tarɛ-dɛ keri, ma si mala kɛlɛ-kurugbɛnu nata anu kɛlɛ tinɛ.

Maika 5:6

Nimirɔdi ya Asiriya nyamanɛ min dabira, ma si nyɔ-mɔgɛnu nɔ mala kɛlɛ-kɛ-fannu na. Asiriya mɔgɛnu ba na bui ma ma tumɛ min, mala kun-tigi-wɛ wonu si ma kisi anu masibɛ ma.

Nehami 1:13

A ko a si Yuda mɔgɛnu kunyɛ bɔ wota Asiriya mansa-masibɛ kɔrɔ ka yɔlɔkɛnu tatɛgɛ, anu kirinɛ minnu na.

Sakaraya 10:11

Ala mɔgɛnu ba wuli tɔrɔya-yi tɛgɛla, Nayɛli bɛ ye tugi min kɛla a rɔ anu kan ma, a ko ale nyɛrɛ si bɛ wo bira a rɔ a daga rɔ. A ni gbala todo! Asiriya min wasinɛ, a si wonu makimɛ. Iyipiti min kolo gbɛlɛ, a si wonu fanka latɛgɛ.