Aiseya 14:24 - ALLALA KUMƐ

²⁴ Mari Sɛnbɛ-Bɛɛ-Tigi ara a keli ko a ara ban min miriya la fɔ wo wa ma le serr!

Aiseya 14:24 ပူးပေါင်းရင်းမြစ်များ

Ko-Dabirɛnu 41:32

I kiyora ko filɛ minnu na kɛ la, Alla ara ban a latɛgɛla. A sa mɛla tun kiyo kɛ damasi kɔrɛ si bɔ-a-la.

Yobu 23:13

Alla ti yɛlɛma, ado mɔgɔ ti ke a sɔla a la. Mɔgɔ ti ke a lakalala.

Yaburi 110:4

Mari nyɛrɛ ya lanyiri kiri, ado a ti wo tinya muk! A ko ale mansɛ si ma saraka-masɔlɛ la habadan iko Mɛlikisidaki.

Yaburi 33:10

Mari ya sibolo-gbɛrɛnuna miriya-yogenu tinya. A ya a ma, anuna miriya-yogenu tora anu burɔ.

Yaburi 92:5

Ila ko-ladan-bolenu makawara. I miriya-kɔrɔ ti yen muk!

Bɔ-Koe-Iyipiti 17:16

A ko, “Bawo Amalɛkinu bara wuli Mari kan ma, a si to anu tɔrɔla tolon!”

Hɛnkilimaya-Kumɛnu 19:21

Mɔgɛ si a miri le kɔnɔ Mari, wo le ye a latɛgɛla le.

Hɛnkilimaya-Kumɛnu 21:30

Ni Mari ye min kan ma, hali hɛnkili ye wo tigi bolo, a ya ko lɔn, wonu ti ko nyinya a ma.

Aiseya 10:5

Mari ko wole Asiriya kɛnu! A ko a fonde bɔnɛ mɔgɛ minnu kan ma, a si wole bi ka wo ma gbelekɛ la anu kɛlɛ tinɛ.

Aiseya 19:12

Ile Iyipiti mansɛ, i makawandila hɛnkilimɛnu bi mintɔ? Miriya min bi Mari Sɛnbɛ-Bɛɛ-Tigi la ka a bɛn Iyipiti ma, tumado anu denu si wo yira i la.

Aiseya 19:17

Mari Sɛnbɛ-Bɛɛ-Tigi ara ban min natɛgɛla Iyipiti kɛnu kan ma, ni anu ya anu hɛnkili bila wo la, anu si kilan Yuda kɛnu na.

Aiseya 55:8

Mari ko wo miriya anubɛ ale miriya kelen ma anu na. Wo kɛ-nya anubɛ aletɛ, kelen ma anu na.

Aiseya 55:9

Iko san-kole anubɛ dugu-kole fɛ-yan anu nyɔgɔn na nya min, a kɛ-nya anubɛ a miriya fɛ-yan wotɛnu na wo nya na le pon!

Yɛrɛmaya 23:20

ado tɔrɔyɛ wo ti bɔ anu kuma fɔ a wa ban a miriya lawɔlila. Wo wati rɔ, wole Marita mɔgɛnu si ata miriyanu nya-yen ka a ragbɛ.

Yɛrɛmaya 29:11

Ale le kelen pe ya a miriya lɔn wola ko la. A miriya ye wo la yarɔma-ta-koe le ma, kasarɛ ma de! A ye a fɛ, wo ni yigi-bɛrɛbɛrɛ sɔrɔn yarɔma.

Yɛrɛmaya 44:26

Mari ara a keli a nyɛrɛ rɔ ka a tɛgɛ wole, Yuda mɔgɛnu ma minnu bi Iyipiti nyamanɛ rɔ yan. Wo ni wo tole masɔ lanyiri wo la. A ko a ti sɔn wo ni a tɔgɛ rakele lanyiri-kiri-tinɛ. Ka a fɔ ko, “A ye mabɛ ma tigi Alla tɛma,” wo ti ma tun!

Yɛrɛmaya 49:20

Mari ko a ara koe min tabɛn Idɔm kɛnu kan ma, hali minnu siginɛ Timan soe burɔ, anu ni anu tole masɔ wo la. Hali anuna dannu, anu yogenu si wonu sagan dugi la. Bɛɛ kun ma si kɔ.

Yɛrɛmaya 50:45

Mari ko a ara koe min tabɛn Babilɔn kɛnu kan ma, anu ni anu tole masɔ wo la. Hali anuna dannu, anu yogenu si wonu sagan dugi la. Bɛɛ kun ma si kɔ.

Nimisa Koe 3:37

Yon si ke kumɛ fɔla, a ni bɔ-a-la, ni n Tigi Mari ma sɔn wo ma fɔlɔ nun, ba?

Isikiyɛli 12:25

Anuta Mari kan le kɛ la. N ba min fɔ, wo le ye mala. A makɔnɔ-wati-wo-wati sa nyɔ tun. N bara mɔgɔ-murutiyanɛnu makawandi minnu ma, fɔ n ba wonu ma le anu siyi-tele-bɛɛ kɔrɔ serr! Nde, anu Tigi Mari kan le kɛ la!”

Isikiyɛli 39:4

Ale Mansa Kɔgi anubɛ ala kɛlɛ-dannu anubɛ a dɛnbɛnɛnu si faga Isirɛla kɔnkɛ wonu tɔ. N si a ma, anu suyi wonu ni ma soge anubɛ konanu beli-fan la.

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Emɔsi 8:7

Wole fɛlɛtenɛnu, Isirɛla mɔgɛnuta Mari Alla ya lanyiri kiri wo ye a kila-bɛrɛbɛrɛ fɛ. A ko a ti nyina yila wonuna ko-yogomɛnu ko mumɛ!

Matiyu 11:25

Wo wati ya a taran, Yisa ya a fɔ ko, “E, n Fa, san-kole anubɛ dugu-kole Mari! N bi baraka birala i ye bawo i wara koe min dogon hɛnkilimɛnu anubɛ mɔgɔ-karannɛnu ma, i wara wo yira karanbɛlɛnu na.

Kɛwɔlɛnu 4:28

I wara ban koe min bɛɛ latɛgɛla i sɛnbɛ anubɛ i sako rɔ, anu ya anu nadɛn ko anu ni wo ma.

Hiburunu 4:3

Male min dɛnkɛninyanɛ, male si sulan wo sɔrɔn. Hali Alla ara ban sulen tinɛ wo rabɛnna nun kebi duninya-dan-wati, minnu ma dɛnkɛninya a ma, Alla ya a fɔ wonu denu ye ko, “N yisi bɔnɛ ya n keli ko kɛnu ti don nyamanɛ wo rɔ mumɛ, anu si anu sulen kan min!”

Yasowa 11:20

Mari ya Isirɛla yogenu yisi gbɛlɛya alako anu ni Isirɛla mɔgɛnu kɛlɛ. Wo le ya a ma, Isirɛla mɔgɛnu si anu bira ka anu nato dogbe! Anu ma anu buri anu kɔrɔ. Mari ya a fɔ Musa ye nun ko anu kana kinikini anu fenfen ma.