Aiseya 14:23 - ALLALA KUMƐ

²³ A si nyɔ bɛɛ ma iko boro-sumabɔnɛ la. Nyɔ si ma gbingbin-nyagannu barɛ la. A ko a si sɛɛrɛ bi ka Babilɔn nyamanɛ firan dugu-kole kuma. Mari Sɛnbɛ-Bɛɛ-Tigi kan le kɛ la.

Aiseya 14:23 ပူးပေါင်းရင်းမြစ်များ

1 Mansɛnu 14:10

Ka a tɛgɛ Mansa Yɛrabowami sɔn kɛ ma, Mari ko a si gbalo lana anubɛ a kegeya keimɛ damasi kuma. Hali ala bonna-wɔli-kɛlɛnu, a si wonu fanan tɔrɔ. A ko a si anu tɔrɔndɔ iko tɛ si ninki-nyɛ-gbalɛ mintan nya min.

2 Mansɛnu 21:13

N si Yerusalɛm kɛnu tɔrɔ iko n ya Samariya kɛnu anubɛ Ehabu kegeyɛ tɔrɔ nya min nun. N si mɔgɛnu kian firan Yerusalɛm soe burɔ iko mɔgɛ ye fi rafiranna nya min ka a laburun.

Aiseya 13:20

Nyɔ si ma tonbɔn la. Hali Arabu minnu bi yilan-yilanna, anu ti anu daga makɛ nyɔ. Hali saga-fɛ-biralɛnu ti ta anuna sagɛnu na nyɔ.

Aiseya 13:6

Wo ni kurun dumɛ bolo. Marita lɔgɔ-latɛgɛnɛ ara gbɛrɛn. Mari Sɛnbɛ-Bɛɛ-Tigi si kasarɛ lana tele wo ma.

Aiseya 21:1

Sarakanɛ le kɛ la Babilɔn wara-koe rɔ. Kasarɛ si na firifirila iko tɔnkɔlɔn ka bɔ nyamani-makilannɛ do rɔ.

Yɛrɛmaya 50:26

Anu ni anu kɛlɛ a tɔnkɔn bɛɛ rɔ. Anu ni anuna fui-fen namara-tinɛnu takeri. Kɛlɛ-dannu ni anuna fen-kolomɛnu madɛn ka anu sigi anu nyɔgɔn kuma iko dɔn-fen-sendi. Anu ni nyamanɛ wo bɛɛ kasara. Anu kana fenfen to.

Yɛrɛmaya 50:3

“Sibole min bi kantɔ-wara la, wo si na kɛ Babilɔn kɛnu ma. A si Babilɔn nyamanɛ ma wula-da-rakolɔn la. Hadama-den wo, sogo wo, bɛɛ si a buri, ado hali mɔgɔ-den-kolo-kelan ti sigi nyɔ tun.”

Yɛrɛmaya 51:62

I wa ban a karanna anu ye, i ni Alla madiya anu yala ko, ‘Mari, i ko i si kan-tinɛ kɛ kasara. I wa ban a tinyana, a hadama-den wo, a sogo wo, wo fenfen ti to sigini a rɔ, ado i ko a si to wula-da-rakolonyɛ le la habadan!’

Sɛfanaya 2:14

A so-tɛma-sogo wo, a bintɔ-sogo wo, nyɔ si ma anu sa-tinɛ la. Bon-kore wonu si ma gbingbinnyagannu sa-tinɛ la. Wonu kuman-kan si to bɔla wundan-korenu na. Mansa-wala-konanu si to kumala bonda-da-korenu na. Fɛrɛn-hakikɛ minnu bi anuna dandan ma, anu yogenu si to wonu madununa.

Lankɛnimayɛ 14:8

Melika fila nyɔgɛ bilara a fɔlɔtɛ fɛ. A ye a fɔla ko, “A ara bui. Babilɔn-so-belebele ara bui fogbo! Ala yɛlɛnya-nata min si mɔgɔ bira iko baan, a ara wo di mɔgɛ bɛɛ ma alako anu ni anu min wo la.”

Lankɛnimayɛ 18:2

A gbele-gbelenta kan-ba la ko, “A ara bui! Babilɔn-so-belebele ara bui fogbo! A ara ma nyinɛnu anubɛ nyina-kɔsɔnɛnu barɛ la gbɛ! Koni-yogoma-su bɛɛ anubɛ koni-haramunɛnu denu gbansan ladɛnnɛ a rɔ kaka.