Aiseya 14:20 - ALLALA KUMƐ

²⁰ Anu ma i togon iko mansɛ doinu bara togon nya min bawo i ya ila nyamanɛ kasara ka ila nyamanita-mɔgɛnu faga. I sɔn ye ila denbayɛ bɛɛsi bolo ma. Wo fenfen ti to a niyi la.

Aiseya 14:20 ပူးပေါင်းရင်းမြစ်များ

2 Mansɛnu 9:35

Kɔnɔ minnu tara musi wo furi bi tinɛ ka a togon, wonu ma fenfen taran nyɔ fɔ a kun-kole anubɛ a bolo-kole anubɛ a kin-kole.

Yobu 18:16

A si ma iko kɔlɔma min suli ye gbalala. A bolon-mɛsɛnu ma ye fɔsɔla.

Yobu 18:17

Bɛɛ si nyina a wara-koe la. Mɔgɔ-wo-mɔgɔ miriya ti ke a ma.

Yobu 18:19

A kegeya fenfen ti taran tun, ado a siginɛ kan min nun, mɔgɔ-wo-mɔgɔ ti to a niyi la nyɔ.

Yaburi 109:13

Alamɛ a kegeyɛnu tora fagala. Alamɛ a tɔgɛ tununta a kɔma-mɔgɛnu tɛma yen!

Yaburi 21:10

Anu kegeya-wo-kegeya ti to. Mansɛ si anu ban fegba!

Yaburi 37:28

bawo koe min telennɛ, wo di Mari ye. Wo le si a ma, a ti ata mɔgɔ-telennɛnu boloka. A si to anu natankala burubukai! Kɔnɔ a si karagbɛlɛnuna dannu wara-koe firan nyamanɛ wo rɔ.

Makawandili Kumɛnu 6:3

Hali mɔgɔ wa den kɛmɛ sɔrɔn, a ni kɔrɔya kɔbɔkɔbɔ, ni a ma a bolo-fen-diya bɔ, ado a ma togon a kilɛ fɛ, hali dan min suyi si bɔ a na burɔ, wo fisa ale ko.

Aiseya 1:4

Wole Isirɛla mɔgɛnu, hakɛ-tigi anubɛ ko-yogoma-kɛlɛnu le wole la. Gbalo ye wo kuma. Wola hakɛ ye tala wo lasɛgila wo kɔma. Wo ara wo ban Mari la, Isirɛlata Alla-sɛnimɛ, kɔni. Wo ara wo kan-kɔ sɔ a la.

Aiseya 31:2

Mari wa kasarɛ lana tumɛ min, a ya a lɔn a ye min mala. Alla wa mɔgɔ-yogomɛnu anubɛ anu kumafunfannɛnu niyi-ragbɛrɛn-koe fɔ tuma-wo-tuma, a si a kan wo latɔnbagaya.

Aiseya 9:17

Woletɔ Mari ti sɔn kemini-mɛsɛ wo fenfen kunyɛ ni bɔ a rɔ muk! Hali kelennɛnu anubɛ kɛɛ-nyaganɛnu, a ti kinikini wonu ma bawo Alla-lɔnbɛlɛ anubɛ karagbɛlɛ le mɔgɛ damasi la. Anu darɔ-kan bɛɛ yogo. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.