Aiseya 14:14 - ALLALA KUMƐ

¹⁴ I ko i si yɛlɛ san-kole kuma pon ka ma iko Alla Sɛnbɛ-Bɛɛ-Tigi.

Aiseya 14:14 ပူးပေါင်းရင်းမြစ်များ

Ko-Dabirɛnu 3:5

Alla ya wo fɔ kamasɔrɔn a ya a lɔn ko wo wa a dɔn tumɛ min, wo si hɛnkili sɔrɔn iko ale Alla ya ko-nyimɛ anubɛ ko-yogomɛ dan-nafarɛ lɔn nya min.”

Yobu 20:6

Hali a wa yanya, a kunyɛ ni tugu san-kole la, hali a kunyɛ tugura banda-finyɛ la,

Aiseya 21:1

Sarakanɛ le kɛ la Babilɔn wara-koe rɔ. Kasarɛ si na firifirila iko tɔnkɔlɔn ka bɔ nyamani-makilannɛ do rɔ.

Aiseya 47:1

Mari ko, “Babilɔn soe, bɔ ila mansaya-waganɛ rɔ. I ni i sigi gbangban rɔ di-kɛ-tinɛ. I mani de nun iko kɔɛn-kurɛ. So-karantan le ile la nun, kɛlɛ ma ke bɛ min tɔ. I yereyere ma tun iko fɔlɔ. I ye yɔɔnyɛ le la gbɛ!

Aiseya 47:8

Ile Babilɔn soe, i tole masɔ, sewɛ di ile min ye wɛ kɛ, kɔni, i miri ko i siginɛ lafɛrɛ rɔ. I ye i nyɛrɛ matagbala. I ko i rakɛn fenfen sa nyɔ. Ile ma a lɔn nun ni i si ma kɛɛ-musi la. I ma a lɔn ko i si foo ila dannu na.

Yɛrɛmaya 51:1

Mari ko a ye fɔn-digidigi-wɛ latugula Babilɔn nyamanɛ anubɛ ala mɔgɛnu ma.

Isikiyɛli 28:2

“Ile hadama-dan, i ni nde, wo Tigi Mari kuman-kan kɛ latenbi Taya mansɛ ma. A fɔ a ye ko a kɔrɔbinɛ wasinteyɛ la a bolo. A ye a nyɛrɛ mala Alla la. A ye a fɔla ko a siginɛ Allala mansaya-waganɛ rɔ, kɔgɔ-yi ye ala foolɛ rɔ. A ye a nyɛrɛ mala iko Alla, ado hadama-den-gbansan le ale la.

Isikiyɛli 31:10

“Nba, kɔlɔma wo min fulufele ye yɛlɛla wo la ka tugu banda-finyɛ la, min bi nala mala kɔlɔma wo la, nde, wo Tigi Mari ye nala wo fɔla i ye. A ye tala yanyala nya min, ala wasinteyɛ kuma ye tala yɛlɛla wo nya na le.

Daniyɛli 11:36

“Min ba diya ale Siriya mansɛ ye, a ye wo le mala. A si a wasi a la ko ale kolo bɛsɛ bɛɛ ko hali Alla nyɛrɛ Min Bi Fan Bɛɛ Kun Na. A si to a sɔn kɛ kun na furr, ha a tɔrɔya-wati ni ke Alla bolo. Alla si a latɛgɛ iko a miriyanɛ ye nya min.

Daniyɛli 11:37

Ale Siriya mansɛ si a kan-kɔ sɔ a benbanuta bɛsɛ la. Hali bɛsɛ min di musinu ye wɛ kɛ, ale le ko sa wo rɔ fanan, ado a si a kan-kɔ sɔ bɛsɛ wonu dama la bawo a ya a lɔn ko a kolo bɛsɛ wonu ko.

2 Tɛsalonaika 2:4

Mɔgɛnu bi bɛsɛ min bɛɛ matɔgɔla, anubɛ anu si min gbiliya Alla gbɛ rɔ, “Kirasiti-yogo-finma-wɛ” wo si wuli wo bɛɛ kan ma. A si a nyɛrɛ sigi wo bɛɛ kun na. A si a tui ka don Alla-Bato-Bɔn la ka a fɔ a nyɛrɛ ma ko Alla le ale la.