Aiseya 14:13 - ALLALA KUMƐ

¹³ I wara ban a latɛgɛla nun ko fɔ i wa ta ila mansaya-waganɛ sigi lolenu kuma san-kole rɔ pon! I miri nun ko i si i sigi kantɔ-kɔnkɛ wo kuma pon ladɛn si kɛ kan min bɛsɛnu ye.

Aiseya 14:13 ပူးပေါင်းရင်းမြစ်များ

Yobu 20:6

Hali a wa yanya, a kunyɛ ni tugu san-kole la, hali a kunyɛ tugura banda-finyɛ la,

Yaburi 48:2

Allata kɔnkɛ kin, ado a layan. Mansa-makawanɛta soe ye sewɛ lanala duninya bɛɛ ma.

Aiseya 2:2

“Wati si na, Marita Bon-Sɛnimɛ sɔnɛ kɔnkɛ min kuma kɛ la, wo si ma kɔnkɔ-layan-bɛ la ka tenbi kɔnkɛ bɛɛsi la mɔgɛ bɛɛ yala. Sibolo-gbɛrɛ bɛɛ si na ke nyɔ.

Yɛrɛmaya 49:16

Anuna wasinteyɛ ara anu bolo labira bawo mɔgɔ-wo-mɔgɔ ti kilan anu na tun iko anu miriya ye nya min nun. Hali anu sigira fara-kolo-kɔnkɔ-layan-bɛnu kuma, hali anu yɛlɛta san ma pon iko kokɛ, Mari ko a si anu fɛrɛn dugi la. Mari kan le kɛ la.

Isikiyɛli 27:3

Taya soe sɔnɛ kɔgɔ-yi dafɛ le, ado anubɛ kɔgɔ-yi-fɛ-mɔgɛnu bi yilayɛ la anu nyɔgɔn tɛma. I ni nde, wo Tigi Marita kumɛ latenbi Taya kɛnu ma ko Taya soe taranta a diya la ala kinya-belebele-wɛ la.

Isikiyɛli 28:2

“Ile hadama-dan, i ni nde, wo Tigi Mari kuman-kan kɛ latenbi Taya mansɛ ma. A fɔ a ye ko a kɔrɔbinɛ wasinteyɛ la a bolo. A ye a nyɛrɛ mala Alla la. A ye a fɔla ko a siginɛ Allala mansaya-waganɛ rɔ, kɔgɔ-yi ye ala foolɛ rɔ. A ye a nyɛrɛ mala iko Alla, ado hadama-den-gbansan le ale la.

Isikiyɛli 28:9

Anu ba na a faga-tinɛ tumɛ min, a si to a fɔla ko Alla le ale la, wa? Anubɛ a fagalɛ yakɔrɛ wa ma kelen na, a si a lɔn worɔ ko hadama-den-gbansan le ale la. Alla ma ale la feu!

Isikiyɛli 29:3

Nde, i Tigi Marita kilayɛ kɛ latenbi a ma ko a yogo-finyɛ le nde la. Mɔgɔ-dɔn-banbɛ le ale mansɛ la min sanɛ bɛ rɔ. A ye a fɔla ko atɛ le Nayɛli bɛ la iko ale le ya a ladan.

Isikiyɛli 31:10

“Nba, kɔlɔma wo min fulufele ye yɛlɛla wo la ka tugu banda-finyɛ la, min bi nala mala kɔlɔma wo la, nde, wo Tigi Mari ye nala wo fɔla i ye. A ye tala yanyala nya min, ala wasinteyɛ kuma ye tala yɛlɛla wo nya na le.

Isikiyɛli 40:2

Isirɛla nyamanɛ rɔ ko-rayirɛ rɔ. A tara n sigi kɔnkɔ-layan-bɛ do kuma. N ya bɔn donu sɔnɛ yen n yarɔ dugula wara la ko-rayirɛ wo rɔ. Anu nadɛnnɛ iko soe.

Daniyɛli 11:36

“Min ba diya ale Siriya mansɛ ye, a ye wo le mala. A si a wasi a la ko ale kolo bɛsɛ bɛɛ ko hali Alla nyɛrɛ Min Bi Fan Bɛɛ Kun Na. A si to a sɔn kɛ kun na furr, ha a tɔrɔya-wati ni ke Alla bolo. Alla si a latɛgɛ iko a miriyanɛ ye nya min.

Daniyɛli 5:20

Kɔnɔ bawo a wasira ka ma tolo-gbɛlɛ anubɛ wunduyoge la, woletɔ Alla ya a bɔ ata sɔ tinɛ rɔ. A foora ala gbiliyɛ dama la.

Hɔbadaya 1:3

Wola mansa-soe manɛ farɛ la. Wola sigi tinɛnu manɛ kɔnkɔ-layan-bɛ la. Wo mirinɛ ko mɔgɔ-wo-mɔgɔ ti ke wo labuila kɔnɔ wola wasinteyɛ ara wo yanfa feu!”

Sɛfanaya 2:15

Minnu bi Ninɛfa soe burɔ, wonu wasinɛ dɔgɔma-ma-de! Anu mirinɛ ko laa-wo-laa sa anu na. Anu kɛnɛna a fɔla ko, “Mala soe kɛ makawara ka tenbi soe dama la.” Kɔnɔ tɔ-a-la, nyɔ si ma tonbon-bɛrɛbɛrɛ la. Fɔ sogenu dɔrɔn, wonu denu si taran nyɔ. Mɔgɔ-wo-mɔgɔ wa tenbi nyɔ, a si nyima a rɔ, wo kɔma, a si a bole sa a dɛ la ka a dɛ bosi a kɔrɔ.

Matiyu 11:23

Nba, ile Kapereniyam so-burɔ-mɔgɛnu! Wo ye a fɛ ka wo nyɛrɛ layɛlɛ ha ka ke Arinyɛni tɔ, nyɛ? Ade, Alla si wo lafili ka wo ladon nyahanama rɔ bawo kabana-koe minnu bara kɛ wole tɛma, ni wonu kɛra Sɔdɔm so burɔ nun, a ye nyɔ nun ha bi!

Luka 10:15

Kɔnɔ wole Kapereniyam so-burɔ-mɔgɛnu! Wo ye a fɛ ka wo nyɛrɛ layɛlɛ ha ka ke Arinyɛni tɔ, nyɛ? Ade, Alla si wo lafili ka wo ladon nyahanama rɔ!”

2 Tɛsalonaika 2:4

Mɔgɛnu bi bɛsɛ min bɛɛ matɔgɔla, anubɛ anu si min gbiliya Alla gbɛ rɔ, “Kirasiti-yogo-finma-wɛ” wo si wuli wo bɛɛ kan ma. A si a nyɛrɛ sigi wo bɛɛ kun na. A si a tui ka don Alla-Bato-Bɔn la ka a fɔ a nyɛrɛ ma ko Alla le ale la.