Aiseya 14:12 - ALLALA KUMƐ

¹² “Ile Babilɔn mansɛ, ile min manɛ nun iko banda-ka-da-lole, i wara bɔ san-kole ma ka bui dugi ma. Fɔlɔ nun, i ya sibolenu nɔ kɔnɔ kaka, i wara fili dugi ma gbɛ!

Aiseya 14:12 ပူးပေါင်းရင်းမြစ်များ

Aiseya 13:10

Tɔn si sigi lolenuna malan la. Tele si fin banda-ka-dɛ ma. Karɛ si gbɛ.

Aiseya 34:4

San-kole si tunu yen, iko gbolo-kolonɛ la wa mini. Tele wo, karɛ wo, lolenu wo, wo bɛɛ si bunden. Lolenu si to yalanna iko toro-gbɔɛ anubɛ a yanbɛ si a ma nya min.

Yɛrɛmaya 50:23

Babilɔn mara kundu-wɛ la nun ka duninya bɛɛ ratiitii. Kɔnɔ kaka, kundu-wɛ wo ra si nyɛnsɛn gbesenkirin! Sibole bɛɛ kun ma si kɔ ka a tɛgɛ min bi nala mala nyamanɛ wo rɔ.

Yɛrɛmaya 51:53

Hali Babilɔn yɛlɛta ha ka ke banda-kole ma, anu ni kan-tina-layan-bɛ sɔ nyɔ, Mari ko a si mɔgɛnu nana nyɔ ka anu kasara. Mari kan le kɛ la.

Nimisa Koe 2:1

N Tigi Mari ya ala diminyɛ burun Yerusalɛm kuma iko banda-finyɛ. A ara Isirɛla mɔgɛnuna fen-kolomɛ bɛɛ to fu! Ata diminyɛ ara a ma, hali a Bato-Bɔn, a ara a kɔɛn bɔ wo wara-koe rɔ feufeu!

Isikiyɛli 26:17

Anu si saya-sigi kɛ sa Taya kɛnu ye ko, So-makawanɛ kɛ ara kasara. Ala yi-kuma-kulɔnnu bara firan yi kuma. So-burɔ-mɔgɛ kɛnu ya kɔgɔ-yi don anuna marɛ kɔrɔ nun gbede-gbede! Kɔgɔ-yi-dafɛ-sigilɛnu ya wo bɛɛ kumakɔ.

Hɔbadaya 1:4

Hali wole mirinɛ ko wola sigi tinɛnu bi san-kolo-wɛ ma iko kokɛ-nyagan tenbi lolenu tɛma san-kole rɔ. Kɔnɔ hali wo, ale Mari ko a si wo gbesi dugi la.

Luka 10:18

Yisa ya anu yabi ko, “N bara Setanɛ yen buila ka bɔ Arinyɛni tɔ iko san-gbalamɛ.

2 Pita 1:19

Woletɔ nɛbinu ya kumɛ min fɔ, ma lanɛ wo la bɛrɛkɛ! Ni wo si wo tole masɔ wo la, wo si bɛn bawo a mani de iko lɛnpu min malannɛ pinpi rɔ ha Kirasiti wa na wati min ata wan-takani-wɛ la ka to malanna wo yisi rɔ.

2 Pita 2:4

Melika minnu fɔlɔn ya hakɛ kɛ, Alla ma wonu yamasansan. A ya anu nakɛ Nyahanama rɔ ka yɔlɔkɛ kɛ anu ma pinpi rɔ kiti-tele makɔnɔ tinɛ nyɔ.

Lankɛnimayɛ 2:28

N si banda-ka-da-lole fanan di anu ma ka a yira anu na ko anu bara nɔlɛ kɛ.

Lankɛnimayɛ 22:16

Yisa ko, “Nde, Yisa ara nta melika sɔ ka koe kɛnu fɔ wo ye chɔchinu tɔ. Dawuda-bɔnsɔn-kinama-wɛ le nde la. Banda-ka-da-lole malannɛ le nde la.”

Lankɛnimayɛ 8:10

Wo kɔma, melika sawa nyɔgɛ ya ata buri fɛ. Lolo-wɛ buira ka bɔ san-kole rɔ. Tɛ sigira wo la iko kala-mɛlan. Bɛnu anubɛ tenke bɛɛ faranɛ sigi tina sawa la, lole wo buira wati min, a buira wonu sigi tina kelan kuma.

Lankɛnimayɛ 9:1

Wo kɔma, melika loli nyɔgɛ ya ata buri fɛ. N ya lole min yen bɔla san ma nun ka bui dugu-kole kuma, Alla ya denka-dan-yenbɛlɛ da-nyin di wo ma.