Aiseya 14:1 - ALLALA KUMƐ

¹ Mari si kinikini Isirɛla mɔgɛnu ma tun ka anu ma atɛ la. A si a ma, anu ni sigi anu halala-nyamanɛ rɔ tun baff! Sibolo-gbɛrɛnu si sigi anu tɛma.

Aiseya 14:1 ပူးပေါင်းရင်းမြစ်များ

Ɛsita 8:17

Anu ya mansɛla kɛdi kɛ karan kan tinɛ min bɛɛ rɔ, Yahudiyanu ya tolon-belebele-wɛ ladan ka ladiyɛ kɛ nyɔnu tɔ. Mɔgɔ-siyaman ya anu sibole yɛlɛma ka ma Yahudiya la bawo bɛɛ ara fɔlɔ kilanna Yahudiyanu na.

Yaburi 102:13

I si i lakɔɛnma ka kinikini Yerusalɛm soe ma. A wati ara ke ka kinikini a ma. Wati-yabɔnɛ ara ke, yɔ!

Yaburi 102:14

Hali Yerusalɛm soe ara tinya, nyɔ di Isirɛla mɔgɛnu ye. Hali nyɔ ara tii bolo-wo-bolo, ala kinikinɛ ye Isirɛla mɔgɛnu tɔ.

Yaburi 143:12

N yogenu faga n ye ka a tɛgɛ ila keninteya-wɛla ko ma. N niyi-ragbɛrɛnnɛnu kasara n ye bawo ila wɔli-kɛlɛ le nde la.

Yaburi 98:3

A tora ata keninteyɛ anubɛ lanayɛ yirala Isirɛla mɔgɛnu na. Duninya-mɔgɛ bɛɛsi ara mata Allata nɔ-koe yen.

Aiseya 19:18

Wo wati wa ke, anu si Hiburu-kan fɔ Iyipiti so-kunba loli tɔ, ado mɔgɛnu si anu gboro Mari Sɛnbɛ-Bɛɛ-Tigi tɔgɛ rɔ. Anu si a fɔ so loli wo kelen ma ko, “Teleta Soe.”

Aiseya 21:1

Sarakanɛ le kɛ la Babilɔn wara-koe rɔ. Kasarɛ si na firifirila iko tɔnkɔlɔn ka bɔ nyamani-makilannɛ do rɔ.

Aiseya 27:6

Wati ye nala, Yakoba kebilɛnu, Isirɛla mɔgɛnu, kɔni, anu si anu suli layigi pon iko kɔlɔma. Anu si gbusu ka fere. Anu gbɔɛ min bi sɔrɔnna nyɔ, duninya mumɛ si tɔnɛ sɔrɔn wo rɔ.

Aiseya 41:8

Kɔnɔ Marita wɔli-kɛlɛ ye Isirɛla mɔgɛ minnu na, a ara wonu denu yabɔ. A diyana-mɔgɛ Iburayima kebilɛ le wole la.

Aiseya 41:9

A ko a ya wo ladɛn ka wo bɔ dugi-tonko nanɛ bɛɛ rɔ. A ya a fɔ wo ye ko ala wɔli-kɛlɛ le wole la. A ko a ma a ban wo la fɔ ka wo yabɔ.

Aiseya 44:1

Mari ko “Wole Isirɛla mɔgɛnu, nta wɔli-kɛlɛnu, kɔni, wo ni wo tole masɔ. Nta mɔgɔ-yabɔnɛ le wole Yakoba kebilɛnu na.”

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Aiseya 47:1

Mari ko, “Babilɔn soe, bɔ ila mansaya-waganɛ rɔ. I ni i sigi gbangban rɔ di-kɛ-tinɛ. I mani de nun iko kɔɛn-kurɛ. So-karantan le ile la nun, kɛlɛ ma ke bɛ min tɔ. I yereyere ma tun iko fɔlɔ. I ye yɔɔnyɛ le la gbɛ!

Aiseya 49:10

Kan-nagbalɛ anubɛ kɔnkɛ ti anu bira. Tele anubɛ tele-mara-tele ti anu tɔrɔ bawo anu di anu makandannɛ ye. A si ta anu na tenke-dɛ la.

Aiseya 49:13

San-kole ni a dɛ sa-a-rɔ sigi sa tinɛ. Dugu-kole ni a lawɔyɔ sewɛ bolo. Kɔnkɛnu ni sigi-sɛ dabira anu sɛbɛ-kuna-wɛ la. Mari si ala mɔgɛnu nafɛrɛ ka kinikini ata mɔgɔ-tɔrɔnɛnu ma.

Aiseya 49:15

Woletɔ Mari ye anu yabila ko denba-tigi si nyina ata dan ko, wa? A si ke a banna a sɔrɔn-dan la? Hali a mara, musi ni nyina ala dan ko kɔnɔ Mari ti nyina male ko muk!

Aiseya 49:25

Mari ko wo ye nala mala le yati! Mɔgɔ-biranɛ si a porokɔlɔ kɛlɛ-nyana bolo. Kɛlɛ-dannu ya min bi kɛlɛ kuma, wo si toronde anu na. Mari ko mɔgɔ-wo-mɔgɔ ya ile Yerusalɛm kɛlɛ, ale fanan si wo tigi kɛlɛ. A si to ila dannu kunyɛ bɔla gbaran rɔ.

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Aiseya 54:3

Wo ni wo karan bawo i ma si kofu i maran anubɛ i bolo-nyimɛ rɔ. Ila dannu si sibolo-gbɛrɛnu mara. Ila dannu si sigi tonbon-kɔrɛnu tɔ.

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Aiseya 56:3

Sibolo-gbɛrɛ fenfen min bara a nyɛrɛ kofu wole Marita mɔgɛnu ma, wo tigi kana a fɔ ko mabɛ Marita mɔgɛnu, kelen de ma la. Kei-tɛgan fanan kana a fɔ ko bawo a ma den sɔrɔn, Allata sa ale wara-ko rɔ.

Aiseya 60:10

Ile Yerusalɛm, sundannu si i tarɛ sɔ-kurɛ-kɛ tun. Anuna mansɛnu si to wɔlila i kɔrɔ. Mari ko a fonde bɔnɛ wati min, a ya i tɔrɔ kɔnɔ kaka, a si kinikini i ma ka ko-nyimɛ kɛ i ye.

Aiseya 60:14

Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Aiseya 66:20

Wonu tenbi sɛgila, anu si sɛgi wo ta-nyɔgɛ Isirɛla mɔgɛnu na anu bolo. Anu si to nala ata kɔnkɔ-sɛnimɛ kuma Yerusalɛm. Minnu bi nala anu dununa, wo le kɛnu na, soee wo, kirindi wo, maka wo, sofɛlɛ wonubɛ nyomɛ. Anu si ma iko fui-fen-sarakɛ mɔgɛnu bi nala min na miran-sɛnimɛ rɔ Mari Bato-Bɔn la.

Yɛrɛmaya 16:15

Kɔnɔ wo si a kele ko, “Alla min ya ma bɔ kantɔ-nyamanɛnu tɔ anubɛ nyamanɛ doinu a ara ma ranyɛnsɛn kan min,” ado Mari ko a si a ma, a ya nyamanɛ kɛ min di wo benbanu ma, wo ni sɛgi nyɔ rɔ tun, yɔ!

Yɛrɛmaya 29:14

A ko a si a ma, wo ni a yen. A si wo bɔ biralɛ rɔ ka sɛgi wo la wo halala-nyamanɛ rɔ yan. A ko hali a ara wo fɔrɔsɛ ko wo ni bɔ Yerusalɛm, a si wo yatɔnbɔn sibolo-gbɛrɛnu tɛma. A ya wo lata biralɛ rɔ kan tinɛ minnu tɔ, a ko a si wo kundɛn kan-tina-kelen ka na wo la Yerusalɛm yan. Ale Mari kan le.

Yɛrɛmaya 30:8

Mari Sɛnbɛ-Bɛɛ-Tigi ko wo tumɛ wa ke, sara-ninki kanma-kɔlɔma min bi wole, ala mɔgɛnu kan ma, a si wo bɔ wo kan ma anubɛ a yɔlɔkɛnu. Wo ti ma yɔɔnnu na sibolo-gbɛrɛnu ye tun!

Yɛrɛmaya 31:4

A ko a si wole, a diyana-mɔgɛnu nasɔ kurɛ kɛ tun. Wo si wola wasanbɛ bi ka tolɔn buta a ma tun.

Yɛrɛmaya 50:33

Mari Sɛnbɛ-Bɛɛ-Tigi ko Isirɛla mɔgɛnu anubɛ Yuda mɔgɛnu niyi ra ara gbɛrɛn anu ma. Anu maranɛ minnu bolo, anu buru-kunya sa ka bɔ wo bolo.

Yɛrɛmaya 51:51

Hali wo ye a fɔla ko wo ara yarabi bawo sibolo-gbɛrɛnu bara Bato-Bon-sɛnima-tinɛnu bi anu nyɛrɛ ye, wo ta tun.”

Isikiyɛli 16:60

Kɔnɔ kebi i dennɛ, ma ya sarama-kan min kiri ma nyɔgɔn tɛma, n si n baralɛ latɔnbagaya. Sarama-kan wo ti yɛlɛma muk!

Isikiyɛli 47:22

A ni ma wo halala-nyamanɛnu na tolon! Sibolo-gbɛrɛ minnu siginɛ wo tɛma, ado min bara dannu sɔrɔn wo tɛma nyɔ, wonu fanan ni anuta nyamanɛ sɔrɔn. Wo ni anu bira iko wo ye Isirɛla mɔgɛnu birala nya min. Wonubɛ Isirɛla mɔgɛnu ni korɔn lakɛ wo nyɔgɔn tɛma ka dugi ratala.

Sakaraya 1:17

Mari Sɛnbɛ-Bɛɛ-Tigi ko ala soenu si sabati tun. A ko a si wole Yerusalɛm kɛnu dɛnbɛ ka wola soe wo ma a halalɛ la tun. Kere Nani Yen-Koe

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Luka 1:54

Ma benbanu anubɛ Alla sarata min na, a ma nyina wo ko. A nara ka kinikini ala wɔli-kɛlɛ Isirɛla ma.

Luka 2:32

I wara ila waan raka min si a ma, sibolo-gbɛrɛnu ni ila kilɛ yen anubɛ ka gbiliyɛ di ita Isirɛla mɔgɛnu ma!”