Aiseya 13:8 - ALLALA KUMƐ

⁸ Bɛɛ kun ma si kɔ. Anu si taran dumɛ rɔ iko musu-den-sɔrɔnmatoe. A bɛɛ yɛ si wuya-a-rɔ kilan bolo. Anu ti ke anu kunyɛ kɔrɔbila yisi-tinyɛ bolo.

Aiseya 13:8 ပူးပေါင်းရင်းမြစ်များ

2 Mansɛnu 19:26

Mɔgɛ minnu bi so-kunbɛ wonu tɔ, wonu kumakɔra. Anu kilanta dɔgɔma-ma-de! Mɔgɛ wonu kun-mayɛlɛmanɛ iko taraba-tele wa sɔ yerima-fɛrɛn san la.

Yaburi 48:7

iko kulɔn ye gbenke-gbenkela mɔgɛ minnu na yi kuma.

Aiseya 26:17

Kɔnɔ Mari, i wara a ma, ma ara ma dɛ sa-a-rɔ iko musi bui wa a lamaga.

Yɛrɛmaya 13:21

Wo ye a fɔla minnu ma ko wo diyana-mɔgɛ le, wonu ba sigi wo kun na, wo si nfen fɔ? Wo ti yakɔrɔ-mamɔɛ anubɛ dumɛ sɔrɔn? Wo dumɛ si ma wo bolo iko musi buyi wa a lamaga.

Yɛrɛmaya 30:6

Wo ni wo miri kumɛ kɛ ma. Kei si ke buyi bila ka dan sɔrɔn? Nfenna a ye kemini-tagbɛlɛmɛnu yenna anu bi anu buyi rabirala iko musi tenbi a nyɛrɛ masɔrɔnna? Nfenna bɛɛ yakɔrɛ manɛ fangbo iko furitɛ?

Yɛrɛmaya 4:31

N bi di-kɛ-kan lamɔɛnna iko musi tenbi a nyɛrɛ-masɔrɔnna. A ye dila iko nyaganɛ tenbi a fɔlɔtɛ sɔrɔnna. Yerusalɛm ye a niyi makawa-tinɛ le. A ara a bole rasagan ka a fɔ ko, “N bi kirɔnna-a-la le kɛ la. Anu bi n faga-tinɛ le kɛ la!”

Yɛrɛmaya 46:5

Mari ko a ya a kolan lata de pan! A ko Iyipiti kɛlɛ-dannu bi sɛgila anu burila kilan bolo. Anuna kɛlɛ-dannu bi anu burila. Anu pelapelɛ ye tala kumakɔɛ bolo. Anu ti ke anu yɛ lasɛgila anu kɔma.

Yɛrɛmaya 48:41

Anu si Mohabu soe bɛɛ bira-a-la anubɛ a so-latankanɛnu. Tele wo ma, Mohabu kɛlɛ-dannu si kilan iko musi buyi wa a lamaga.”

Yɛrɛmaya 49:22

Bɔsira kɛnu yogenu si yigi anu kuma iko kokɛ-kanban tafulennɛ tenbi yigila fii! Wulɔn tele, Idɔm kɛlɛ-dannu kun ma si kɔ iko musi buyi wa a lamaga.

Yɛrɛmaya 49:24

Damasika kɛnu si na ma kɔlɔbɔ! Anu si na anu buri kilan bolo. Anu si na anu sɔrɔkɔnna dumɛ bolo iko musi buyi wa a lamaga.

Yɛrɛmaya 50:43

Wo lamɔɛn Babilɔn mansɛ bolo, a mankulan bɔra a ma. Hɔnya sigira-a-la iko musi bui wa a lamaga.

Yɛrɛmaya 51:30

Babilɔn kɛlɛ-dannu munna si tɛgɛ. Anu si belenna sigila anuna so-latankanɛnu tɔ. Anu si ma iko musi. Tarɛ don-dɛnu si keri. Tɛ si na tugu bɔnnu na.

Isikiyɛli 20:47

A fɔ dugula gbɔngbɔn ye ko a ni a tole masɔ a Tigi Mari kan la. Nde si tɛ tugu a la. Tɛ si kɔlɔma bɛɛ mintan, a kuran wo, a gbalanɛ wo. Mɔgɔ-wo-mɔgɔ ti ke tɛ kɛ ladufenna. Tɛ wo si ta gbɔngbɔn mintanna ka bɔ dugi la ha ka ke kan tɔ. Wo wuyan si ke bɛɛ ma.

Hoseya 13:13

Wole Isirɛla mɔgɛnu, fɛrɛ ye wo bolo, wo ni to wo niyi la kɔnɔ wo sa sɔnna fɛrɛ wo la. Wo mani de iko dan min sɔrɔn-wati ara ke kɔnɔ a ni a ban bɔ-koe ma fɔnyɔ la.

Yowɛli 2:6

Anu tenbi gbɛrɛnna kan tinɛ min ma, nyɔ-mɔgɛnu bi kumakɔla kilan bolo.

Nehami 2:10

Wole Ninɛfa kɛnu, wola soe ara kasara pɔ! Wo bɛɛ ara wo buri. Nyɔ ara ma tonbɔn la. Wo ara mɔlɔkɔn kilan bolo ka ma tulan!

Yɔni 16:21

Ni musi ye a nyɛrɛ-masɔrɔn tinɛ, a yisi si gbala ata tɔrɔyɛla ko la. Kɔnɔ a wa dan sɔrɔn tumɛ min, a si nyina ala tɔrɔyɛ wo ko ka sewa bawo dan ara sɔrɔn a ye.

1 Tɛsalonaika 5:3

Mɔgɛnu tenbi a fɔla ko anu bi yisi-kimɛ anubɛ lafɛrɛ rɔ, nba, anu si tɛrɛna halakiyi la wo wati le tɔ, yɔ! A si ma iko musu-kolomɛ buyi wa a lamaga. Anu ti kisi Mari na-tumɛ rɔ.