Aiseya 13:7 - ALLALA KUMƐ

⁷ Mɔgɛ bɛɛ bolo dunnɛ si to a la lɔsɔrɛ! Mɔgɛ bɛɛ yigi si tɛgɛ gbat!

Aiseya 13:7 ပူးပေါင်းရင်းမြစ်များ

Yaburi 58:7

Anu ni tunu yen, iko yi wa bon dugu ma. Anu tenbi anuna kalabɛn lakɛla, alamɛ anu foora.

Bɔ-Koe-Iyipiti 15:15

Idɔm kɛnu si kilan ha ka a dan-natenbi. Mohabu mɔgɔ-banu si yɛrɛyɛrɛn. Kenan kɛnu mankulan si bɔ anu ma kilan bolo.

Aiseya 19:1

Kilayɛ le kɛ la Iyipiti kɛnuna ko la. Mari si a mayigi banda-finyɛ rɔ, a ni ta tiriya Iyipiti nyamanɛ rɔ. Bɛsɛ min bɛɛ ye nyɔ, wonu si yɛrɛyɛrɛn a kɔrɔ, ado nyɔ-mɔgɛnu yisi si tɛgɛ gbat!

Aiseya 37:27

Mɔgɛ minnu bi so-kunbɛ wonu tɔ, wonu kumakɔra. Anu kilanta dɔgɔma-ma-de! Mɔgɛ wonu kun mayɛlɛmanɛ iko taraba-tele wa sɔ yerima-fɛrɛn san la.

Aiseya 51:20

Mɔgɛnu mɔlɔkɔn-mɔlɔkɔnnɛ ye belenna buila. Anu sanɛ belenna soe lu-kunyɛnu na dinkirɛ bɛɛ. Anu mani de iko soge wa bira gbɛrɛ la. Anu bara banna Allata fondo-bɔɛ lɔnna.

Yɛrɛmaya 50:43

Wo lamɔɛn Babilɔn mansɛ bolo, a mankulan bɔra a ma. Hɔnya sigira-a-la iko musi bui wa a lamaga.

Yɛrɛmaya 51:30

Babilɔn kɛlɛ-dannu munna si tɛgɛ. Anu si belenna sigila anuna so-latankanɛnu tɔ. Anu si ma iko musi. Tarɛ don-dɛnu si keri. Tɛ si na tugu bɔnnu na.

Isikiyɛli 21:12

Ile hadama-dan, i dɛ sa-a-rɔ di-kɛ-tinɛ. Faan kɛ ye nna mɔgɛnu denu kan ma, yɔ, ado a ye Isirɛla kun-tiginu fanan kan ma. Wonu fanan bi fagala le iko mɔgɛ doinu. I sisi ratugu yisi-tinya bolo.

Isikiyɛli 21:7

Anu ba i manyinika ko, ‘Nfen mara?’ I ni a fɔ ko, ‘N bara kuman-kan min namɔɛn, a tɛgɛnɛ wo le ma. Tɔrɔyɛ wo wa na tumɛ min, kilan si anu kumakɔ, anu bole si faga a la, anuna kerinteyɛ si anu baya, anu kian si to yɛrɛyɛrɛnna anu kɔrɔ, ado wo wati ara ke.’ ” Ale n Tigi Mari kan le kɛ la.

Isikiyɛli 7:17

Mɔgɛ bɛɛ bole ra si faga. Anu kunbelannu si to gbesila anu nyɔgɔn na kumakɔɛ bolo.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Nehami 2:10

Wole Ninɛfa kɛnu, wola soe ara kasara pɔ! Wo bɛɛ ara wo buri. Nyɔ ara ma tonbɔn la. Wo ara mɔlɔkɔn kilan bolo ka ma tulan!

Nehami 2:11

Wole Ninɛfa kɛnu, wola soe kɛ ye mintɔ gbɛ? Fɔlɔ nun, a manɛ iko yara-wɔrɛ. Fɔlɔ nun, a mani de iko yara-bulan de-nyini tinɛ. Fɔlɔ nun, wola soe kɛ lafɛrɛnɛ iko yara-denbɛ anubɛ a dan tenbi faran la,

Yasowa 2:11

Ma ya wo lamɔɛn wati min, ma dama kilanta. Ma yigi tɛgɛra feu! Sɛnbɛ ma taran ma bolo tun bawo ma ya a lɔn ko Mari Alla Min Bi Fan Bɛɛ Kuma san-kole rɔ anubɛ dugu-kole kuma, wo ye wole fɛ.