Aiseya 13:6 - ALLALA KUMƐ

⁶ Wo ni kurun dumɛ bolo. Marita lɔgɔ-latɛgɛnɛ ara gbɛrɛn. Mari Sɛnbɛ-Bɛɛ-Tigi si kasarɛ lana tele wo ma.

Aiseya 13:6 ပူးပေါင်းရင်းမြစ်များ

Yobu 31:23

N ti ko-yogo-sifa kɛ ma bawo n kilannɛ Allata tɔrɔyɛ la.

Aiseya 10:25

A ko wati-kundu-ni ba tenbi, a si a fara wo tɔrɔla. A ko wo kɔma, a ni a ya-lamunun Asiriyanu na ka anu tɔrɔ.

Aiseya 10:3

Alla wa a lasɔ wole tɔrɔla, wo si nfen ma gbɛ? A wa kasarɛ lana wo kuma ka bɔ nyamani-yan rɔ, wo si na nfen ma? Wo burimatoe si ta yon bara wo dɛnbɛn-koe rɔ? Wo si wola fen-da-gbɛlɛnu dogon mintɔ?

Aiseya 13:9

Marita lɔgɔ-latɛgɛnɛ ara gbɛrɛn. Wo wati si a taran, Mari yakɔrɛ sisinɛ dɔgɔma-ma-de! Duninya mumɛ bɛɛ ra si kolonya filili! Hakɛ-tigi bɛɛ si halaki.

Aiseya 14:23

A si nyɔ bɛɛ ma iko boro-sumabɔnɛ la. Nyɔ si ma gbingbin-nyagannu barɛ la. A ko a si sɛɛrɛ bi ka Babilɔn nyamanɛ firan dugu-kole kuma. Mari Sɛnbɛ-Bɛɛ-Tigi kan le kɛ la.

Aiseya 14:31

“Wole Filisiti so-burɔ-mɔgɛnu, wo ni wo dɛ sa-a-rɔ wo dɛnbɛn-koe la. Wo kun ma ni kɔ. Kirindinu bi nala gbangban tugula ka bɔ bolo-maran wara la, ado kɛlɛ-dan minnu bi nala wonu na, yuto-wo-yuto sa wonu tɔ.”

Aiseya 2:12

Wo tele wa ke, wasintenu wo, nyɛrɛ-kɔrɔtanɛnu wo, anubɛ sɛnbɛ-tiginu, Mari Sɛnbɛ-Bɛɛ-Tigi si wonu famayigi.

Aiseya 23:1

Sarakanɛ le kɛ la Taya kɛnuna ko la. Wole kulun-tawɔli-kɛlɛ minnu bi kɔgɔ-yi kuma, wo ni wo dɛ bolobɔ di-kɛ-tinɛ. Wo bɔra Taya soe min tɔ, wo ara kasara pɔ! Nyɔ-bɔnnu wo, a kulun-nasɔ-tinɛ wo, wo bɛɛ ara tinya pɔ! Wo wa sɛgi ka bɔ Saiparasi tumɛ min, wo si a mankan lamɔɛn.

Aiseya 34:2

Mari ara diminya sibole bɛɛ ma anubɛ anuna kɛlɛ-dannu. A ara anu dama kasara-koe latɛgɛ.

Aiseya 34:8

Mari si ata kɔnkɔ-sɛnimɛ lakanan wati kɛ le tɔ ka ala mɔgɛnuna yili sara anu yogenu na.

Aiseya 47:11

Kasarɛ si na i ma. Ila duruya fenfen ti a lasɛgi. Tɔrɔyɛ si na i ma fenfen ti ke i kunyɛ bɔla min tɔ. Halakiyi si na i ma tiriya, i ma kiyo wɛ halakiyi min sufa la wɛ, kɔni.

Aiseya 52:5

Wo ye Babilɔn nyamanɛ min tɔ kaka, ko-sifa wo le mara nyɔ fanan. Wonu ya wole, ata mɔgɛnu bira, wonu fanan ma wo sɔnkɔ di. Wo biralɛ kɛnu bi anu nyɛrɛ matɔgɔla. Anu bi ale Mari tɔgɔ tinyana tuma-wo-tuma.

Aiseya 61:2

Mɔgɛnu bi hɔrɔyala san min na, Mari ya n sɔ ka wo le wara-koe fɔ anu ye. Wo wati wa ke, Alla si karagbɛlɛnu tɔrɔ. Min bɛɛsi kɔrɔtɔnɛ, a ya n sɔ ka wonu manugu-nɛgɛ.

Aiseya 63:4

A ko ala mɔgɛnu tayili-sara-wati ara ke. Anu yogenu-tɔrɔ-wati ara ke.

Aiseya 65:14

Ata wɔli-kɛlɛnu si to a lawɔyɔla sewɛ bolo ka a tɛgɛ ko-nyimɛ min bi anu sɔndɔmɛ rɔ. Kɔnɔ wole karagbɛlɛnu ya-denkɛnu ta ti gbala yisi-tinya bolo. Wole karagbɛlɛnu si wo dɛ sa-a-rɔ lungbɔn!

Yɛrɛmaya 25:34

Wole kun-tigi minnu bɛnta ka ma Marita mɔgɛnu kandannɛ la, wo ni sɔnkɔ di-kɛ-tinɛ. Wo ni di ka wo forongbesi gbangban rɔ. Wo ratii-tumɛ ara ke. Anu si wo ratii iko bɔnku-dagɛ wa fɛrɛn dugi la.

Yɛrɛmaya 49:3

Hɛsibɔn kɛnu ni di sɔɛɛ! Eyai soe si na halaki. Raba musinu ni anu dɛ bolobɔ. Anu ni kasa-kurɛnu kɛ anu ma di-kɛ-tinɛ. Anu ni to yigi-ni-yɛlɛ kɛla kɔndɔfili bolo. A ko anu yogenu si ta anuna bɛsi Molɛki anubɛ a kɔlɛnu anubɛ anuna mɔgɔ-banu na.

Yɛrɛmaya 51:8

Tiriyante wo rɔ, Babilɔn soe si na bui ka tinya pɔ! Bɛɛ ni di ka a tɛgɛ bui-koe wo ma. Anu ni a tɛlɛnu makiri. Tumado a si kɛndɛya.

Isikiyɛli 13:5

Iko fira-wuli wonu, anuna foninya-wɔlɔyiya-kuma-fɔlɛnu sa tara-kerinɛ kandanna. Ni anu sa tarɛ wo sɔla tun alako nde, Mari si anu yogenu natugu anu kan ma tele min ma, soe wo ti kanan.

Isikiyɛli 21:12

Ile hadama-dan, i dɛ sa-a-rɔ di-kɛ-tinɛ. Faan kɛ ye nna mɔgɛnu denu kan ma, yɔ, ado a ye Isirɛla kun-tiginu fanan kan ma. Wonu fanan bi fagala le iko mɔgɛ doinu. I sisi ratugu yisi-tinya bolo.

Daniyɛli 5:26

Wo kɔrɛ le ka a fɔ, ‘A DAN,’ Alla ara ila mansaya-telenu dan, a ko a ara a bɔ.

Daniyɛli 5:9

Wo ya a ma, mansɛ kilanta ka tenbi a fɔlɔtɛ la. Ala mɔgɔ-ba wonu kɔndɔfilita dɔgɔma-ma-de!

Yowɛli 1:11

Wole sɛni-salɛnu, wo di soee, bawo wola sɛnita-fannu bara tinya pɔ! Wole ki-fen-kilɛnu, wo dɛ sa-a-rɔ lungbɔn, bawo wola ki-fannu na ara gbala nyawo! Ki-fannuna gbalɛ, wo le ya a ma, mɔgɛnu yisi ma ara gboya.

Yowɛli 1:13

Wole saraka-masɔlɛ minnu bi wɔlila saraka-mintan-tinɛ, wo ni kasa-kurɛnu don ka di biribiri! Wo ni to mata Alla Bato-Bɔn la ka ki dila kudu, bawo fui-fan anubɛ minni-fen, wonu fenfen sa nala Bato-Bɔn la tun.

Yowɛli 1:15

Marita wati ara gbɛrɛn. Tele wo nyɛrɛ wa ke, Mari Sɛnbɛ-Bɛɛ-Tigi si tinyalɛ kɛ, ado tinyalɛ wo, kasarɛ le ye a kɔma.

Yowɛli 1:5

Wole gbɛɛ-minna-wɛnu, wo di bawo kondɔnnu bara wola gbɛɛ-kurinu nato dogbe!

Yowɛli 2:1

Wo ni mɔgɛnu-nalɔn-buri fɛ Bato-Bɔn la Yerusalɛm soe burɔ. Wole Yuda nyamanita-mɔgɛnu, wo ni yɛrɛyɛrɛn kilan bolo bawo Mari natoe le, ado wo wati ara gbɛrɛn.

Yowɛli 2:11

Mari ye kumala ala kɛlɛ-dannu ye iko san-sɛran, ado kɛlɛ-dan wonu bi ata kumɛ birala. Anu kolo gbɛlɛ, ado anu siya. Marita tele-makilannɛ wo, yon si ke a muinna wo kɔrɔ?

Yowɛli 2:31

Yanni Marita tele-makilannɛ wo ni ke, tele si fin, karɛ si wulen iko yele.

Emɔsi 5:18

Nɛbi Emɔsi ya Mari kan latenbi, “Wo ko a sɔgɛ ye wo la, Mari ni na wo kiti kɔnɔ hali wo, a si gbɛlɛya wo kuma. Wo si tɔnɛ nyamintan sɔrɔn wo wati rɔ. Wo tele si ma tɔrɔya-tele la. A ti ma tele-nyimɛ la wo ye.

Sɛfanaya 1:14

Marita kiti-tɛgɛ-wati ara gbɛrɛn, ado a ti mɛ! Wo tele si gbɛlɛya kati! Hali kɛlɛ-den-tagbɛlɛmɛnu si di bawo anu yigi ara tɛgɛ tɔrɔya-sufa wonuna ko la.

Sɛfanaya 1:7

Marila kiti-tɛgɛ-tele ara gbɛrɛn ma ma wona, woletɔ mɔgɛ bɛɛ ni a sigi-a-la Mari ye don! Mari ara a rabɛn ka male ata mɔgɛnu ma sarakɛ la. A ara ma yogenu kele ma kan ma alako wonu ni na ma bolo-fannu bi ma bolo Yuda nyamanɛ rɔ.

Sakaraya 14:1

Marita kiti-tɛgɛ-tele ara gbɛrɛn. Wo tele nyɛrɛ rɔ, sibolo-gbɛrɛnu si bui Yerusalɛm soe ma ka wola fen-kolomɛnu tala wo ya la.

Malakayi 4:5

Yanni wo wati-makilannɛ ni ke tumɛ min, Mari ko a si Nɛbi Ilaya lana wo ma.

Yemesi 5:1

Nba, wole nɔnfulu-tiginu, wo ni wo tole masɔ bɛrɛkɛ! Wo ni gbele-gbelen ka di yakɔrɔ-mamɔɛ wola ko la min bi nala wo yarɔ!

Lankɛnimayɛ 18:10

Anu si anu sɔ wulɛ la pon alako anu kana do sɔrɔn ala nyagbɛ wo rɔ. Anu si a fɔ ko, “E, gbalo! Gbalo! Ile Babilɔn-so-belebele, so-sɛnbɛlamɛ, ila tɔrɔyɛ ara na kɛ i ma hawa kelen pe kɔrɔ!”