Aiseya 13:22 - ALLALA KUMƐ

²² Mɔgɔ ti fenfen namɔɛn anuna bon-nayan-bɛnu tɛma fɔ sulukinu di-kan. Babilɔntɛ ye nala banna kɛ la feu! A ara to se, ata wati ni ban.

Aiseya 13:22 ပူးပေါင်းရင်းမြစ်များ

Yaburi 44:19

Kɔnɔ wo bɛɛ rɔ, i wara ma bolokanɛ to sogo-feremɛnu tɛma. I wara ma bolokanɛ to pinpi-burunnɛ-bɛfu le tɔ.

Aiseya 14:23

A si nyɔ bɛɛ ma iko boro-sumabɔnɛ la. Nyɔ si ma gbingbin-nyagannu barɛ la. A ko a si sɛɛrɛ bi ka Babilɔn nyamanɛ firan dugu-kole kuma. Mari Sɛnbɛ-Bɛɛ-Tigi kan le kɛ la.

Aiseya 25:2

I wara soenu ma sundu-kunyɛ la ka so-latankanɛnu kasara pɔ! Ma yogenu ya bon-hakikɛ min bɛɛ sɔ, wo bɛɛ ara tii mɛmɛ!

Aiseya 32:14

Hali mansɛla bolon-rakolonyanɛ si to, ado wola so-karantan fanan si ma wo nya. Mɔgɛnu siginɛ bɔn minnu na anubɛ anuna kila-mafɛlɛn-bɔnnu si ma tonbɔn la. Bintɔ-sofɛlɛnu anubɛ kolo-fannu dɔrɔn si to anu de-nyinina nyɔ.

Aiseya 34:13

Wɔnɔ-sufa bɛɛ si fɛrɛn kun-tiginuna bɔn la anubɛ tarɛ mininɛ soe minnu ma. Fɔ sulukinu anubɛ gbingbinnyagan denu dɔrɔn si taran nyɔ.

Aiseya 34:14

Sogo-feremɛnu si to yilan-yilanna nyɔ. Nyinɛnu si to anu nyɔgɔn takelela nyɔ. Nyina-musu-kɔrɛ si to tala a sulenna nyɔ.

Aiseya 35:7

Kɛnkɛn-kalimɛ si ma dalɛ la. Tenkenu si taran nyamani-tagbalanɛ wo kan tinɛ bɛɛ rɔ. Fira-wulinu sigi tinɛ si ma gbofɛ la.

Aiseya 43:20

A ko yi-wa sa nyɔ kuma male ata mɔgɛnu ye, hali bintɔ-sogenu si a gbiliya. Sulukinu anubɛ selekonanu si a gbiliya.

Yɛrɛmaya 48:16

Mohabula ban ye nala. A ye nala banna tiriya!

Yɛrɛmaya 51:33

Babilɔn yogenu si anu tatɛgɛtɛgɛ ka anu tɛn iko fui-fan min tenbi gbere-kole ma, ado wo sa mɛla tun. Ale Mari Sɛnbɛ-Bɛɛ-Tigi Isirɛlata Alla kan le kɛ la.

Yɛrɛmaya 9:11

Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Nimisa Koe 4:3

Hali suluki, a si ala dan susun kɔnɔ Yerusalɛm denbɛnu ma kinyɛ di anuna dannu ma iko selekona min si a kɛwɔli-bolokanɛ to ka ta a ye.

Maika 1:8

Maika nyɛrɛ ya a fɔ ko, “Min bi a tola, n bi wɔrɔndɔla di-kɛ-tinɛ bawo Samariya ye nala tinyana. Min si a to, mɔgɛnu ni a lɔn ko kinikinɛ ara don n tɔ, n si n gbu-makolonya, n kin-takolɔn si tagama. N si n kuli mayɛlɛ di-kɛ-tinɛ iko gbingbinnyagan tenbi kumala.

Habakuku 2:3

A sɛbɛ bawo koe min bi nala mala, wo wati ma ke wɛ. Kɔnɔ a ti mɛ tun, wati wo si ke. N bi nala koe minnu yirala i la, wonu si ma, yɔ! A si ma i yala iko a sa mala tiriya kɔnɔ a makɔnɔ tun!

Sɛfanaya 2:14

A so-tɛma-sogo wo, a bintɔ-sogo wo, nyɔ si ma anu sa-tinɛ la. Bon-kore wonu si ma gbingbinnyagannu sa-tinɛ la. Wonu kuman-kan si to bɔla wundan-korenu na. Mansa-wala-konanu si to kumala bonda-da-korenu na. Fɛrɛn-hakikɛ minnu bi anuna dandan ma, anu yogenu si to wonu madununa.

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!