Aiseya 13:18 - ALLALA KUMƐ

¹⁸ fɔ ka anu denu wara-koe ka-a-la kalabɛn la. Dennɛnuna hina sa donna anu tɔ mumɛ!

Aiseya 13:18 ပူးပေါင်းရင်းမြစ်များ

2 Mansɛnu 8:12

Hasiyɛli ya a manyinika, a ko, “N fa, i ye dila nfen na?” Nɛbi Ilaisa ko, “Ile ye nala koe min sigila Isirɛla mɔgɛnu ma yarɔ, wo le ye a mala, n bi dila ka. Ile si tɛ tugu anuna so-hakikɛnu na. I si Isirɛla kemini-mɛsɛnu mɔnima-fagɛ-kɛ, ado i si anuna dannu bi ka anu gbesi dugi la ha anu ni faga. I si nyaganɛ-kolomɛnu buyi laka.”

2 Ko-Kɔrɔta-Karan 36:17

Wo le ya a ma, Mari ya Babilɔn mansɛ latugu anu kan ma. Ala kɛlɛ-dannu tora Yuda kemini-mɛsɛnu fagala hali minnu bi Bato-Bɔn la. Anu ma kinikini mɔgɔ-wo-mɔgɔ ma. Kei wo, musi wo, denni wo, kina wo, a kirayato wo, Alla ya wonu damasi kunyɛ don anu bolo.

Yaburi 127:3

Mari le si dannu di mɔgɛnu ma, ado duwa-bɛrɛbɛrɛ le wonu na.

Aiseya 13:16

Mari ko anu si to anuna dannu tapɔsikɛnna anu ya la. Anu si anu wasakara maka anuna bɔnnu na. Anu si digin anuna musinu ma anu ya la.

Aiseya 47:9

Ko fila si sigi i ma anu nyɔgɔn fɛ nya-kun-kelen, i si foo ila dannubɛ ila kei la filili! Ado nfan, ila duruyɛ anubɛ ila kofo-denyɛ ti ke i lakisila muk!

Aiseya 5:28

Anuna bɛɛnnu nasulennɛ boliboli! Anuna kalɛnu tabɛnnɛ. Anuna soeenu kiannu gbɛlɛyanɛ iko fara-kole. Anuna kirindi kiannu bi tintanna anu kɔrɔ iko tɔnkɔlɔn.

Yɛrɛmaya 18:21

Nba, i ni a ma, anuna dannu ni faga kɔnkɛ bolo. I ni a ma, anu yogenu ni anu nɔ kɛlɛ rɔ. A ma, anuna musinu ni foo anuna dannu na. Anu ni ma kɛɛ-musinu na fanan. A ma, Yuda mɔgɛnu manyimanɛ ni faga. Anuna kemini-mɛsɛnu kunyɛ ni to kɛlɛ rɔ.

Yɛrɛmaya 5:16

Kaburu-soe le anuna kalabɛn-bɔrɛ la wo ye. Kɛlɛ-nyana le anuna kɛlɛ-dannu na.

Yɛrɛmaya 50:30

Woletɔ a fonikenu furu-bolokanɛ si to belenna luyinu ma. Ala kɛlɛ-dannu si kasara wulɔn tele kelan ma. Mari kan le kɛ la.

Yɛrɛmaya 50:42

Anu bara na anuna kalabɛn anubɛ anuna faannu na. Anu wunduyogo, ado anu ti kinikini. Anu siginɛ soee minnu na, wonu na-kan mani de iko kɔgɔ-yi tenbi tugula a rɔ. Anu bara anu kɔnkɔn Babilɔn kɛlɛ-kan ma.

Yɛrɛmaya 6:23

Anu bi nala kalabɛn anubɛ tanbɛ la anu bolo. Anu karagbɛlɛ dɔgɔma-ma-de! Hina-wo-hina sa anu tɔ. Anubɛ anuna soeenu na-kan mani de iko kɔgɔ-yi tenbi tugula a rɔ. Kɛlɛ-dan wonu bara sɔ anu sansan-yili ma wo kɛlɛ-kan ma. Anu bi nala wole, Yerusalɛm kɛnu kɛlɛ-koe la.”

Isikiyɛli 9:10

N ti kinikini anu ma. N si a ma anu na iko anu denu fanan bara a ma doinu na nya min.”

Daniyɛli 7:5

“Wo kɔma, n ya sogo-ferema fila nyɔgɛ min yen, wo mani de iko yarama-yɛlɛnkan. Wo sɔnɛ a kɔma kin filɛ kun na. Kɔgɔ-barasa-kolo sawa kankannɛ a dɛ la. Soge wo ya kuman-kan lamɔɛn ko, ‘Ta, i ni soge dɔn iko a di i ye nya min.’

Hoseya 13:16

Wola Samariya so-karantan si tɔrɔ ka a tɛgɛ ala murutiyɛ ma nde, Alla ma. Wole Samariya kɛnu kunyɛ si to kɛlɛ rɔ ka wola dannu gbesi dugi la ka wola musu-kolomɛnu buyi laka faan la.”

Nehami 2:1

E, Ninɛfa kɛnu, Ninɛfa tiilɛ ara na. Wo ni wo sɔ-tinɛnu bi tarɛ kuma. Wo yɛ bɛnnɛ ni to kilɛ ma wo yogenuna ko la. Wo ni wo rabɛn kɛlɛ yarɔ. Wo ni wola kɛlɛ-dannu kundɛn kan-tina-kelen.

Nehami 3:10

Kɔnɔ hali wo, ale Tibisi kɛnu yogenu tara anu dununa pon! Anu yogenu ya anuna dannu bi ka anu gbesi dugi la ha anu fagara. Anu ya wo ma kan-tina-siyaman tɔ soe wo burɔ. Anu ya anuna mɔgɔ-banu kiri yɔlɔkɛnu na. Wo kɔma, anu ya mɔgɔ-ba wonu tatala koron-nakɛ fɛ.