Aiseya 13:11 - ALLALA KUMƐ

¹¹ Mari ya a fɔ ko a si duninya mumɛ kasara ka wunduyogenu tɔrɔ anu hakɛla ko la. A ko min bɛɛ wasinɛ, a si wonu famayigi. A ko karagbɛlɛ bɛɛ si tɔrɔ tɛrr!

Aiseya 13:11 ပူးပေါင်းရင်းမြစ်များ

Yobu 40:12

Ni minnu ya anu nyɛrɛ lɔn fen na, i ni anu nayarabi. Karagbɛlɛnu sɔnɛ kan min, i ni anu gbesi a rɔ nyɔ.

Hɛnkilimaya-Kumɛnu 11:31

Ni telenbagɛnu ya tɔrɔyɛ sɔrɔn duninya kɛ rɔ karagbɛlɛ anubɛ hakɛ-tiginu bi tola mintɔ worɔ?

Hɛnkilimaya-Kumɛnu 8:13

Ni i ko i ni Mari gbiliya, fɔ i ni i ban ko-yogomɛ la. Wasinteyɛ anubɛ foninya-fɔɛ anubɛ ko-yogoma-kɛ, wonu ma di nde ye.

Aiseya 11:4

A si bolo-kolɔnnu kiti telenbagayɛ la. A si mɔgɔ-tɔrɔnɛnu dɛnbɛn anu yoe wara-koe rɔ. A wa ban min yilikila, wonu si tɔrɔyɛ le sɔrɔn, ado a si wunduyogenu faga.

Aiseya 14:21

Kan natɛgɛ da ni bira kaka! Ni i ya a yen ile mansɛla dannu bi fagala, wo tɛgɛnɛ anu benbanu denu sɔn ma. Anu do-wo-do ti ma mansa la dugu-kole kuma tun. Anu ti soe datɛgɛ anu nyɛrɛ ma.”

Aiseya 14:5

Kun-tigi-wunduyogenu bara mɔgɛ minnu tɔrɔ, Mari si ale kun-tigi wonuna fanka-dɛ makeri. Sibole minnu bi Babilɔn mansɛ fanka kɔrɔ nun, a tora wonu tɔrɔla wati wo rɔ.

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Aiseya 2:12

Wo tele wa ke, wasintenu wo, nyɛrɛ-kɔrɔtanɛnu wo, anubɛ sɛnbɛ-tiginu, Mari Sɛnbɛ-Bɛɛ-Tigi si wonu famayigi.

Aiseya 2:17

A si hadama-dannuna wasinteyɛ ban ka anuna nyɛrɛ-kɔrɔta-fan wonu kasara. Anuna bɛsɛ wonu si tunu yen! Mari kelen pe si to gbiliyɛ rɔ wo wulun tele.

Aiseya 22:14

Ma Tigi Mari Sɛnbɛ-Bɛɛ-Tigi nyɛrɛ le ya a fɔ n ye ko fananta anu bi anu niyi la, a ti anu makoto anu sɔn-yogomɛ kɛla ko la muk! Ale Mari Sɛnbɛ-Bɛɛ-Tigi kan le kɛ la.

Aiseya 23:9

Mari Sɛnbɛ-Bɛɛ-Tigi le ya a rabɛn. A ya ko-rabɛn-kɛ alako ka tɔn sigi ila wasinteyɛ la anubɛ ka ila mɔgɔ-banu namiliya.

Aiseya 24:21

Wati ye nala, Mari si duninya-kun-tiginu anubɛ san-kolo-sɛnbɛ-tiginu tɔrɔ.

Aiseya 25:3

Nyamani-makawanɛ-mɔgɛnu si i matɔgɔ. Hali karagbɛlɛnu siginɛ soe minnu tɔ, wonu si kilan i la.

Aiseya 25:5

Anu wuyan kolo iko tele-mara-tele. Kɔnɔ ile Mari ya yili kiri ma yogenu wara-koe dan la. I ya tɔn sigi anuna sɔnkɔ-sɔnkɛ la iko banda-finyɛ wa sa tele ya ma.

Aiseya 26:21

Mari ye nala bɔla ata kan-tina-sɛnimɛ rɔ san-kole rɔ. A ye nala mɔgɛnu tɔrɔla dugu-kole kuma anuta hakɛla ko la. Anu ya mɔgɛ min bɛɛsi faga dogɔn tɔ, wo bɛɛ si bɔ gbɛ ma wulɔn. Minnu bara faga nun, bɔnkɛ ti a sansan wonu ya ma tun mumɛ!

Aiseya 29:20

Minnu si mɔgɔ niyi ragbɛrɛn wo, minnu si Alla rasɛ wo, wonu wara-koe si ka-a-la feu! Hakɛ-tigi bɛɛ si kasara pɔ!

Aiseya 29:5

Sibolo-gbɛrɛ minnu bi nala ile Yerusalɛm kɛlɛla, wonu si fɛ iko fɔnyɔ wa ta gbangban la. Anuna kɛlɛ-den-makilannɛnu, fɔnyɔ si ta wonu na iko bin-gbalɛ. Wo dama si ma tiriya!

Aiseya 3:11

Kɔnɔ ko-yogoma-kɛlɛnu tinya-koe ara to a ma. Anu ya koe min sigi mɔgɛnu na fɔ wo wa sigi anu denu fanan ma.

Aiseya 5:15

Mɔgɛ bɛɛ si yarabi. Wasinte bɛɛ fama si yigi.

Aiseya 65:7

Ka a tɛgɛ wo benbanu hakɛ anubɛ wo hakɛ ma, Mari ko a si wo tɔrɔ. Wo benbanu ya isɛnti mintan bɛsɛnu ye kɔnkɛnu kun tɛma. Anu ya a ma, a miliyara kɔnkɛnu ye. Woletɔ a ye anu tɔrɔla iko a bɛnta, anu ni tɔrɔ nya min.

Yɛrɛmaya 48:29

Mohabu kɛ kɛnu wasira. Anu nyɛrɛ kɔrɔtanɛ. Anu ya anu nyɛrɛ kelen pe lɔn mɔgɛ la.”

Daniyɛli 4:34

“San wɔrɔnfila tenbinɛ, n ya n yɛ layɛlɛ san ma, n hɛnkili sɛgira a gbɛ rɔ. Alla Min Bi Fan Bɛɛ Kun Na, n ya gbiliyɛ di wo ma ka a tanto. N ko, ‘Allata mansayɛ ti ban. A si to mansayɛ la burubukai!

Habakuku 2:4

Kilayɛ wo le kɛ la. ‘Karagbɛlɛ wonu ti to anu niyi la kɔnɔ mɔgɔ-latelennɛnu si to anu niyi la bawo anu telennɛ nde, Alla sako-kɛ-tinɛ.’ ”