Aiseya 11:16 - ALLALA KUMƐ

¹⁶ Isirɛla mɔgɛ minnu bi bɔla Asiriya, a si ma kila-wɛ la wonu ye. A si ma anu na iko a mara anu benbanu na, wo tumɛ anu bi bɔla Iyipiti.

Aiseya 11:16 ပူးပေါင်းရင်းမြစ်များ

Bɔ-Koe-Iyipiti 14:22

Isirɛla mɔgɛnu tenbira yi-farani filɛ wo tɛma kɛn-gbalanɛ wo kuma. Yi wo sankasankɛ layɛlɛta iko tarɛ, anu bolo-nyimɛ anubɛ anu maran rɔ.

Aiseya 1:9

Ni Mari Sɛnbɛ-Bɛɛ-Tigi ma mɔgɛ donu to anu kɛndɛ la nun, fɔ Yerusalɛm soe wa kasara nun pɔ! A ni ma iko Sɔdɔm anubɛ Kɔmɔra soenu mara nya min nun.

Aiseya 10:20

Wati ye nala, a Isirɛla mɔgɛ toe min bi tola wonu ti anu yigi sa nyamanɛ wo la min bara a raya anu kasara-koe ma. Wo wati le tɔ, anu si anu yigi sa Isirɛlata Mari Alla-sɛnimɛ rɔ.

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 19:23

Wo wati wa na, kila-gbonkan-bɛ si sa Iyipiti anubɛ Asiriyanu tɛma. Nyamani filɛ kɛnu si to ta-ni-sɛgi kɛla anu nyɔgɔn tɛma. Nyamani filɛ kɛnu si to batoli kɛla anu nyɔgɔn fɛ.

Aiseya 27:13

Wo tele-nyɛrɛ wa ke, buru-kan si bɔ min bi mɔgɛnu takelela ka bɔ Asiriya anubɛ Iyipiti nyamanɛnu tɔ, kɛlɛ tara minnu na, kɔni. Anu si na Mari bato Yerusalɛm soe burɔ ata kɔnkɔ-sɛnimɛ kuma.

Aiseya 49:11

A ko a si kila-wɛ sa kɔnkɔ-layan-bɛ kuma ka kila-fongban-bɛ rabɛn ata mɔgɛnu ye.

Aiseya 49:12

A ko ata mɔgɛnu si na ka bɔ wula-yan la. Anu si bɔ kantɔ anubɛ tele-yigi wara la ka bɔ Asuwan soe fanan dugula wara la.

Aiseya 51:10

Ile le ya kɔgɔ-yi-bolɔn do gbala a worɔn la wulɔn ka kilɛ sa a tɛma gbonkan! Wo ya a ma, ila mɔgɔ-kisinɛnu tɛgɛra nyɔ. Ila mɔgɛnu kunkara nyɔ.

Aiseya 57:14

Mari ko ala mɔgɛnu ni sɛgi a ma. Wo ni wola gbaran-fannu bɔ kilɛ la. Wo ni kilɛ rabɛn yɔnyɔn!

Aiseya 62:10

Wole Yerusalɛm kɛnu, wo bɔ soe burɔ. Minnu bi sɛgila ka bɔ biralɛ rɔ, wo ni kilɛ rabɛn wonu ye yɔnyɔn! Wo ni kurinu bɔ kila-kole la. Wo ni falafalɛ layɛlɛ san ma tamasereyɛ la sibolenu ye.

Sɛfanaya 2:7

Yuda nyamanita-mɔgɛ toe minnu bi tola, wonu si sigi wole, Filisitinuna nyamanɛ wo rɔ. Wonu si to anuna sagɛnu fɛ-birala nyɔ ka to kila wola bɔnnu na Asikalɔn soe burɔ. Anuta Mari Alla si to anu fɛ alako anu bara-koe ni to tala yarɔ.