Aiseya 11:15 - ALLALA KUMƐ

¹⁵ Mari si a ma, Kɔgɔ-Yi-Wulen bolɔn doi ni gbala todo! A si fɔn-kalamɛ lana min si Yufereti bɛ gbala todo! Fɔ yi-ni wɔrɔnfila, wonu denu dɔrɔn bi tola anu worɔn la. Mɔgɛ si a kian latenbi anu kuma.

Aiseya 11:15 ပူးပေါင်းရင်းမြစ်များ

Bɔ-Koe-Iyipiti 14:21

Musa ya a bole rasagan Kɔgɔ-Yi-Wulan wo kuma. Mari ya fɔn-belebele-wɛ do lana ka bɔ tele-bɔɛ wara la suyi wo nyɛrɛ rɔ ka Kɔgɔ-Yi-Wulan wo tɛ tɛgɛ fila la ka nyɔ gbala todo!

Bɔ-Koe-Iyipiti 14:22

Isirɛla mɔgɛnu tenbira yi-farani filɛ wo tɛma kɛn-gbalanɛ wo kuma. Yi wo sankasankɛ layɛlɛta iko tarɛ, anu bolo-nyimɛ anubɛ anu maran rɔ.

Bɔ-Koe-Iyipiti 14:29

Kɔnɔ wo ya a taran, Isirɛla mɔgɛnu bara ban tenbila kɛn-gbalanɛ wo kuma Kɔgɔ-Yi-Wulan tɛma nun. Yi labɛnta anu bolo-nyimɛ rɔ anubɛ anu maran rɔ.

Aiseya 19:16

Wati ye nala, Iyipiti kɛnu si anu famayigi iko musinu. Anu ba a yen ko Mari Sɛnbɛ-Bɛɛ-Tigi ara a kɔɛn kɔrɔbi anu kan ma, anu si yɛrɛyɛrɛn kilan bolo.

Aiseya 43:16

Bi ko ma, Mari ya kilɛ laka kɔgɔ-yi rɔ. A ya kinna-kilɛ sa yi-makawanɛ tɛma.

Aiseya 44:27

A ko a wa a karɛ laka ka a fɔ ko a ni gbala kɔgɔ-yi ma, wo si gbala todo!

Aiseya 50:2

A ko a tara i lakisi tinɛ lunyɛ min, nfenna i ma i tole masɔ a la? Nfenna i ma ala keleli labira? A ko ile miri ko i kisi-sɛnbɛ sa a bolo? A ko hali a kumara dɔrɔn, kɔgɔ-yi mumɛ si gbala todo! Bɛnu si yɛlɛma gbangban la. Yɛgɛ minnu bi yi wonu tɔ, wonu si faga.

Aiseya 51:11

I ya minnu niyi lakisi, wonu sewamatoe si ta Yerusalɛm. Anu si ta tolonna sewɛ la anu bolo. Anu sewanɛ si to habadan! Mɔnɛ anubɛ tɔrɛ si to-a-rɔ anu ma yen!

Aiseya 63:12

Mari min ya ata fanka mayira Musa rɔ ka kɔgɔ-yi fara fila la ha ala mɔgɛnu banta tenbila, wo ye mintɔ? Nba Mari ara a nyɛrɛ tɔgɔ lawanka kabana-koe wo fɛ.

Aiseya 7:20

“Wo wati wa ke, Mari ko a si Asiriya mansɛ masan ko wo ni na ka bɔ Yufereti bɛ kɔgɔma pon! A si na nyamanɛ sɛninya iko kun-siilɛ si kunyɛ gbana nya min anubɛ buyɛ anubɛ nyarasiyi.

Aiseya 8:7

a ko ale Mari si Asiriya mansɛ anubɛ ala kɛlɛ-dannu nana Yuda nyamanita-mɔgɛnu kan ma. A ko wole Yuda kɛnu si to kɛlɛ tɛma Yuda nyamanɛ rɔ iko Yufereti bɛ wa yanba gbesi ha ka ke mɔgɔ kanban-kunyɛ ma. Hali wo, Alla ya a kɔɛn lafulen Yuda nyamanɛ kuma ka nyamanɛ wo bɛɛ to a kanban kɔrɔ bawo ale Alla ye ma fɛ.

Isikiyɛli 29:10

nde, Mari mara a yoge la. Ado nfan, Nayɛli bɛ fanan yoge le nde la. Ka a bi Migidɔli soe min bi kan tɔ ha ka ke Asuwan soe min bi dugu la ha ka ke Sudan nyamanɛ-dabirɛ ma, n si Iyipiti nyamanɛ bɛɛ ma nyamani-kasaranɛ la.

Isikiyɛli 30:12

N si Nayɛli bɛ gbala a worɔn la todo! N si Iyipiti latenbi karagbɛlɛnu ma ka a mara. Sibolo-gbɛrɛ doinu si nyamanɛ wo bɛɛ tinya. Nde, Mari le wara kɛ fɔ.

Sakaraya 10:11

Ala mɔgɛnu ba wuli tɔrɔya-yi tɛgɛla, Nayɛli bɛ ye tugi min kɛla a rɔ anu kan ma, a ko ale nyɛrɛ si bɛ wo bira a rɔ a daga rɔ. A ni gbala todo! Asiriya min wasinɛ, a si wonu makimɛ. Iyipiti min kolo gbɛlɛ, a si wonu fanka latɛgɛ.

Lankɛnimayɛ 16:12

Wo kɔma, melika wɔrɔ nyɔgɛ ya ata pani-kunbɛ rawuya Yufɛrɛti-ba-wɛ rɔ. Bɛ wo gbalata ka kilɛ laka mansɛnu ye minnu bi nala ka bɔ tele-bɔɛ.