Aiseya 11:14 - ALLALA KUMƐ

¹⁴ Anu dama si ta anu nyɔgɔn fɛ ka bui Filisitinu ma tele-yigi wara la. Anu si ta anu yogenu bolo-fan toronde anu na tele-bɔɛ wara la. Idɔm kɛnu wo, Mohabu kɛnu wo, Amonnu wo, wonu damasi si to anuna sɛnbɛ kɔrɔ.

Aiseya 11:14 ပူးပေါင်းရင်းမြစ်များ

Aiseya 14:29

A ko, “Wole Filisitinu, hali wo gbesinɛ gbeleka-kundi min na, wo ra ara keri, wo kana ma wo sewa-kunya la. Ni duguma-fen-yogomɛ do fagara, do si bɔ a gbɛ rɔ min yogo ale ko. Mansa-kurɛ min bi sigila, wo marɛ si tenbi doi kɛtɛ la.

Aiseya 15:1

Kilayɛ le kɛ la Mohabu kɛnuna ko la. Ari soe anubɛ Kira soe kasarata su kelen de kɔrɔ. Mohabu nyamanɛ mumɛ bɛɛ siginɛ a la yen!

Aiseya 16:14

Mari ara a fɔ kaka tun ko, “San fila a sawa nyɔgɛ, Mohabu kɛnuna nɔnfuli si ban anu bolo feufeu! Mɔgɔ-dande le si to a niyi la, ado wonu fanan ta si faga kuluba!”

Aiseya 25:10

Mari si ata kɔnkɔ-sɛnimɛ lakanan kɔnɔ Mohabu kɛnu ta si tɛntɛn iko binyɛ anubɛ ninki-nyɛ yabasannɛ ninki kɔrɔ nya min.

Aiseya 33:1

Ma yogenu si halaki. Hali mɔgɔ ma anu denu yanfa ka anu kankan, anu denu bi mɔgɛnu yanfala ka anu kankan. Kɔnɔ koe wo dama katoe le a-la bawo mɔgɛnu bi nala anu denu yanfala ka anu kankan.

Aiseya 59:19

Wo si a ma, tele-yigi warala-mɔgɛnu ni kilan Mari la. Tele-bɔɛ-warala-mɔgɛnu ni a gbiliya. Mari si na tiriya iko bɛ fanɛ ye yigila a burila nya min, ado Mari karata fɔnyɔ le ye a mala, bɛ ye yigila fanka la wo nya na.

Aiseya 60:14

Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Aiseya 63:1

Yon bi nala kɛ la ka bɔ Idɔm nyamanɛ rɔ? A bɔra Idɔm so-kunyɛ le la min tɔgɛ Bɔsira. A makirinɛ kura-wulen-hakikɛ la. A ye tagamana a sɛbɛ-kuna-wɛ la. A ye a fɔla ko Mari le ale la min bi tonyɛ gbonkanna. A ko wo lakisi-sɛnbɛ ye ale le bolo.

Aiseya 9:12

Siriya minnu bi tele-bɔɛ wara la anubɛ Filisiti minnu bi tele-yigi wara la, wonu bara anu dɛ sa-a-ma fagba, Isirɛla mɔgɛnu dɔn-koe la. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Yɛrɛmaya 40:11

Isirɛla mɔgɛ minnu bi Mohabu nyamanɛ anubɛ Amon mɔgɛnuna nyamanɛ anubɛ Idɔm mɔgɛnuna nyamanɛ rɔ, anubɛ minnu bi nyamanɛ donu tɔ, wonu dama ya a lamɔɛn ko Babilɔn mansɛ ara sɔn Isirɛla mɔgɛ donu to-koe ma Yuda nyamanɛ rɔ. Anu ya a lamɔɛn fanan ko nyɔ kerifanɛ Kɛdalaya la.

Yɛrɛmaya 48:40

Mari ko, “Wo ni wo yɛ lata kɛlɛ-dannu mayigila Mohabu kan ma iko kokɛ-kanban tafulennɛ tenbi yigila fen kan ma.

Yɛrɛmaya 49:2

Wati ye nala, mɔgɛ minnu siginɛ Amonnuna so-karantan Raba burɔ, Mari ko a si a ma, wonu ni kɛlɛ-sɔnkɛ lamɔɛn. Soe wo si to tonbonyɛ la. A dafɛ-so-mɛsɛnu si mintan gburr! Minnu ya kan-tinɛ wonu bi Isirɛla mɔgɛnu bolo nun, Isirɛla mɔgɛnu fanan si anu gben nyɔ.

Yɛrɛmaya 49:22

Bɔsira kɛnu yogenu si yigi anu kuma iko kokɛ-kanban tafulennɛ tenbi yigila fii! Wulɔn tele, Idɔm kɛlɛ-dannu kun ma si kɔ iko musi buyi wa a lamaga.

Yɛrɛmaya 49:28

Mari ya kɛ le fɔ Kedarinu anubɛ Hesɔ soela ko la, Babilɔn Mansa Nɛbukanasa ye nala minnu nɔla, kɔni. A ko anu ni na Kedarinu kɛlɛ, minnu siginɛ tele-bɔɛ wara la, kɔni.

Isikiyɛli 25:14

Nta Isirɛla mɔgɛnu si anu tayili sara Idɔm kɛnu na n ye. Anu denu si a ma, Idɔm kɛnu ni nna yisi-bɔɛ dan-natenbi lɔn. Idɔm kɛnu si a lɔn n si n tayili sara mɔgɛnu na nya min. Nde, wo Tigi Mari le ya kɛ fɔ.

Daniyɛli 11:41

Hali lanyiri-nyamanɛ, anubɛ ala kɛlɛ-dannu si ta bui nyɔ ma. A si mɔgɔ waga-yirika-siyaman faga nyɔ rɔ. Kɔnɔ Idɔm kɛnu wo, Mohabu kɛnu wo, anubɛ Amon toenu, kɛlɛ ti anu bira.

Yowɛli 3:19

Mari ko Iyipiti si ma wula-da-rakolɔn la. Idɔm si ma nyamani-kasaranɛ la. Wo ye mala bawo anu nara bui Yuda nyamanɛ ma ka mɔgɔ-magbalanɛnu faga nyɔ.

Emɔsi 9:12

A ko Idɔm nyamani-toe min tora a bibɛlɛ nun, ata Isirɛla mɔgɛnu si wo fanan nɔ ka anubɛ sibole doinutɛ ma anutɛ la. Mari ko a nyɛrɛ gbɛ le wo bɛɛ la.

Habakuku 1:8

“Anuna soeenu bi anu burila ka tenbi kuli la. Soee wonu makilannɛ ka tenbi suluku-kɔnkɔtoe la. Anuna so-laburilɛnu nara le ka bɔ wula-yan la pon! Soee wonu bi anu matɛnna buri-kɛ-koe la. So-laburilɛnu anubɛ anuna soee wonu si yigi anu yogenu kan ma fii iko tanbakɔrɔmanɛ si yigi sisi-dan kan ma nya min!

Sɛfanaya 2:5

Wole Filisiti mɔgɛ minnu siginɛ kɔgɔ-yi dafɛ, wo ara ban donna saya-kiti kɔrɔ. Mari ara ban wo latɛgɛla feu! A ko a si wo kasara, hali mɔgɔ-den-kelen ti to a niyi la.

Sɛfanaya 2:7

Yuda nyamanita-mɔgɛ toe minnu bi tola, wonu si sigi wole, Filisitinuna nyamanɛ wo rɔ. Wonu si to anuna sagɛnu fɛ-birala nyɔ ka to kila wola bɔnnu na Asikalɔn soe burɔ. Anuta Mari Alla si to anu fɛ alako anu bara-koe ni to tala yarɔ.

Sɛfanaya 2:9

Isirɛlata Mari Sɛnbɛ-Bɛɛ-Tigi ya a keli ko a si Mohabunu anubɛ Amonnu kasara iko a ya Sɔdɔm kɛnu anubɛ Kɔmɔra kɛnu kasara nya min. A ko a si a ma, dɔn-fen ti ma-a-la anuna nyamanɛ wo rɔ muk, fɔ wɔnɛ anubɛ kɔgɛ gbansan! A ko ata mɔgɛ minnu bi tola anu niyi la, wonu si ta bui Mohabunu anubɛ Amonnu ma ka anu bolo-fannu anubɛ anuna nyamanɛ bi anu bolo.

Yilan-Yilan Koe 24:17

‘N bi wula-yanna-koenu yenna nala kɔnɔ a ma ke wɛ fɔlɔn. N bi mansɛ do yenna nala ka bɔ Isirɛla mɔgɛnu tɛma kɔnɔ a fɛ-yan fɔlɔn. A ye malanna iko lolo-malanni-wɛnu. A si Mohabu kun-tiginu kunyɛ ratii. A si mɔgɔ-wasinɛnu anubɛ kɛlɛ-tɛgɛlɛ kɛnu tinya feu!

Matiyu 8:11

Wo ni wo hɛnkili to kɛ ko! Mɔgɔ siyaman si na ka bɔ duninya fan bɛɛ rɔ ka ladiyɛ kɛ Iburayima anubɛ Isiyaka anubɛ Yakoba fɛ Allata mansayɛ rɔ min bi Arinyɛni tɔ.

Kɛlɛ-Kurugbɛnu 6:3

Isirɛla mɔgɛnu ba ta sɛni sa tinɛ kan-bo-kan, Midiyan anubɛ Amalɛki kɛnu anubɛ sibolo-gbɛrɛ donu si bɔ tele-bɔɛ wara la ka ta anu kɛlɛ nyɔ.