Aiseya 11:11 - ALLALA KUMƐ

¹¹ Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 11:11 ပူးပေါင်းရင်းမြစ်များ

Ko-Dabirɛnu 10:10

Ale Nimirɔdi ya so-karantan sawɛ datɛgɛ Babilɔn nyamanɛ rɔ, Babɛli wo, Ɛreki wo, anubɛ Akadi.

Ko-Dabirɛnu 11:2

Anu tara tele-bɔɛ wara la ka anu sigi lɛɛ do rɔ Babilɔn nyamanɛ rɔ.

Ko-Dabirɛnu 14:1

Mansa Amirofɛli min bi Babilɔn nyamanɛ kun na wo, Mansa Ariyoki min bi Ilasa nyamanɛ kun na wo, Mansa Kɛdolama min bi Ilam nyamanɛ kun na wo, Mansa Tidali min bi Koyim nyamanɛ kun na wo, mansa nanɛ kɛnu ya anu kundɛn kan-tina-kelen so loli kɛlɛ-koe la.

Ko-Dabirɛnu 2:13

Bɛ doi fanan tɔgɛ le Kiyɔn. Bɛ wo le tara ha Kusi nyamanɛ rɔ ka basan a la.

2 Mansɛnu 17:24

So loli kɛnu, Babilɔn, Kuti, Ifa, Hamati, anubɛ Sifafeyim, Asiriya mansɛ ya ala nyamanita-mɔgɛ donu bi nyɔnu tɔ. A tara wonu to Samariya soenu tɔ Isirɛla nyamanɛ rɔ ka anu sɔ Isirɛla mɔgɛnu gbɛ rɔ. Asiriya mɔgɛ kɛnu ya Isirɛla so-kunbɛnu bi ka wonu ma anu halalɛ la.

Ɛsita 10:1

Mɔgɛ minnu siginɛ kɔgɔ-yi da la wo, minnu siginɛ nyamanɛ tɛma wo, Mansa Sakasi ya wonu nawɔli fɔrɔsɛ la.

Yaburi 68:22

Ma tigi ara a fɔ nun ko a si na ma yogenu na ka bɔ Basan nyamanɛ rɔ. A ko a si na anu na ka bɔ kɔgɔ-yi fanan kɔrɔ

Aiseya 1:9

Ni Mari Sɛnbɛ-Bɛɛ-Tigi ma mɔgɛ donu to anu kɛndɛ la nun, fɔ Yerusalɛm soe wa kasara nun pɔ! A ni ma iko Sɔdɔm anubɛ Kɔmɔra soenu mara nya min nun.

Aiseya 10:20

Wati ye nala, a Isirɛla mɔgɛ toe min bi tola wonu ti anu yigi sa nyamanɛ wo la min bara a raya anu kasara-koe ma. Wo wati le tɔ, anu si anu yigi sa Isirɛlata Mari Alla-sɛnimɛ rɔ.

Aiseya 10:9

Kalano soe wo, Kakemisi soe wo, Hamati soe wo, Arapadi soe wo, Samariya soe wonubɛ Damasika soe, n bara soe kɛ bɛɛ bira-a-la.

Aiseya 11:16

Isirɛla mɔgɛ minnu bi bɔla Asiriya, a si ma kila-wɛ la wonu ye. A si ma anu na iko a mara anu benbanu na, wo tumɛ anu bi bɔla Iyipiti.

Aiseya 19:21

Mari si a nyɛrɛ yira Iyipiti mɔgɛnu na. Wo si a ma, anu ni a bato ka sarakɛ bɔ a ye ka kɔ-fannu di ale Mari ma. Anu si lanyirinu kiri a ye ka wonu natɔnbagaya.

Aiseya 19:22

Mari si Iyipiti kɛnu tɔrɔ. Wo kɔma, a ni anu dandan. Anu si anu kɔ-sɛgi a ma, wo kɔma, Mari si a wɔlɔ matɔlɔ anu na ka anu dandan.

Aiseya 21:2

N ya min yen ko-rayirɛ wo rɔ, yanfɛ anubɛ kasarɛ. Ilam kɛlɛ-dannu, wo ni wo sɛbɛ don! Midiya kɛlɛ-dannu, wo ni wo bui soenu ma! Babilɔn kɛnu bara tɔrɔyɛ min nana, Alla si yili kiri wo dan la.

Aiseya 22:6

Ilam kɛlɛ-dannu bi nala anu siginɛ soeenu na. Kalabɛn ye anu dama bolo tɛrr! Kɛlɛ-dan minnu bɔra Kira nyamanɛ rɔ, wonu tabɛnnɛ kɛlɛ-kɛ-koe la anuna kɛlɛ-mirannu bi anu bolo.

Aiseya 24:15

Minnu bi tele-bɔɛ wara la, wonu si a tanto. Minnu siginɛ kɔgɔ-yi dafɛ, wonu si Isirɛlata Mari Alla matɔgɔ.

Aiseya 37:31

ko a mɔgɛ toe min tonɛ Yuda nyamanɛ rɔ, wonu si sabati iko ki-fan min bi a suli layigila dugi rɔ pon, ka gbɔ-nyimɛ kɛ.

Aiseya 42:10

Wo ni bɛti-kurɛ bɔ Mari ye. Duninya mumɛ bɛɛ ni a matɔgɔ-bɛti bɔ! Min bɛɛ ye kulɔn laburila yi kuma, wo bɛɛ ni a matɔgɔ! Nima-fan min bɛɛ ye kɔgɔ-yi rɔ, wo bɛɛ ni Mari matɔgɔ! Mɔgɔ min bɛɛsi ye nyamani-yannu tɔ, wo ni a matɔgɔ-bɛti bɔ!

Aiseya 42:12

Mɔgɛ min bɛɛsi ye yi-tɛma-duginu tɔ, wo ni Mari gbiliya ka a matɔgɔ.

Aiseya 42:4

A yigi ti tɛgɛ, ado ala kerinteyɛ ti dasa. A si telenbagayɛ ki dugu-kole kuma. A lakaran-sɔgɛ si wula-yanna-mɔgɛnu bira sokesoke!

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Aiseya 49:12

A ko ata mɔgɛnu si na ka bɔ wula-yan la. Anu si bɔ kantɔ anubɛ tele-yigi wara la ka bɔ Asuwan soe fanan dugula wara la.

Aiseya 66:19

Minnu bara to anu niyi la, a si tamasere sa wonu ma ka wo donu nata sibolo-toenu ma. Anu si donu nata Tasisi, anubɛ Libiya, anubɛ Ludi, anubɛ Misɛki, anubɛ Rɔsi, anubɛ Tubali, anubɛ Kirisi. A si donu nata kɔgɔ-yi-dafɛ-sigilɛnu ma minnu bi wula-yan la. A ko a si anu nata mɔgɛ donu ma kan tinɛ wonu tɔ minnu ma a mankan anubɛ ata gbiliyɛ wara-koe lɔn bɛ. Anu ba ke nyɔnu tɔ, anu si ata gbiliyɛ wara-koe rakaran anu ye.

Yɛrɛmaya 25:25

Simiri nyamanɛ wo, Ilam nyamanɛ wo, Midiya nyamanɛ wo, nyɔ-mansɛnu wo,

Yɛrɛmaya 31:10

Wole nyamani-gbɛrɛkɛ-mɔgɛnu, wo ni wo tole masɔ Mari kan la. Wo ni kilayɛ kɛ lake yi-kɔgɔma-mɔgɛnu ma. Ale Mari ko a ara ata mɔgɛnu tanyɛnsɛn kɔnɔ a si anu kundɛn tun. A si anu fɛ-bira iko saga-kandannɛ si ala sagɛnu fɛ-bira nya min.

Yɛrɛmaya 44:1

Wole Isirɛla mɔgɛ minnu siginɛ Migidɔli anubɛ Tapanisi anubɛ Mɛmfisi soenu burɔ Iyipiti nyamanɛ rɔ anubɛ minnu bi dugula nyɔ, Mari kumara nde, Yɛrɛmaya ye ka a tɛgɛ wola ko ma.

Yɛrɛmaya 49:23

Mari ya kɛ le fɔ Damasika kɛnuna ko rɔ. Hamati so-burɔ-mɔgɛnu wo, Arapadi so-burɔ-mɔgɛnu wo, wonu kun ma si kɔ ka a tɛgɛ anu bara yisi-tinya-kumɛ min namɔɛn. Hɔnya ye tugula anu kan ma iko gboron-gboronna-yi. Sulen sa anu ma.

Isikiyɛli 27:6

Anu ya Ɔki kɔlɔmanu bɔ Basan nyamanɛ rɔ ka kɔn-gbɛlɛmɛ wonu ma kulɔn wo laburi-fannu na. Anu ya pain-fɛrɛn-hakikɛnu bɔ Saiparasi yi-tɛma-dugi rɔ ka wo ma kulɔn wo kole-ladan-fan la ka sogo-ba-nyin basan wo la tala.

Isikiyɛli 29:14

N si a ma, anu kun ni dɛn Iyipiti nyamanɛ dugu la, anu bakuri bɔra kan min, kɔni. Anuna nyamanɛ ra si faga

Isikiyɛli 30:14

N si Iyipiti dugulɛ ma tonbɔn la. N si tɛ tugu Sowa soe la min bi Iyipiti kan tɔ. Anuna so-karantan min tɔgɛ Tibisi, n si wo tɔrɔ feu!

Isikiyɛli 32:24

“Ilam kɛlɛ-dannu fanan bi lakira nyɔ. Alla-lɔnbɛlɛ kɛnu bi anu niyi la tumɛ min, anu bi mɔgɛnu takilanna kɔnɔ anu dama kunyɛ tora kɛlɛ rɔ nun. Kaka, anu faganɛ sanɛ lakira miliyɛ rɔ, ado anuna ban-bole anubɛ kɛlɛ-dannutɛ mara kelen na.

Isikiyɛli 38:8

San-siyaman ba tenbi, a wati-bɛrɛ wa ke, Isirɛla mɔgɛ minnu nara ka bɔ sibolo-siyamɛnu tɛma, a ni ta bui wonu ma, ado wonu bara mɛ sigini lafɛrɛ rɔ, anu yili-wo-yili sa kɛlɛ ma tun. Isirɛla kɔnkɔ-nyamanɛ min tinyanɛ ara mɛ, ado mɔgɛnu nafɛrɛnɛ siginɛ a rɔ kaka, anu si bui nyɔ ma.

Daniyɛli 1:2

Ma tigi Alla le sɔnta Yuda Mansa Yahoyakim anubɛ ala kɛlɛ-dannu bira-koe ma anubɛ Alla Bato-Bɔn fen-kolomɛ donu bi-koe ma. Mansa Nɛbukanasa tara fen-kolomɛ wonu namara ata bɛsi-kɔ-bɔn la Babilɔn nyamanɛ rɔ.

Daniyɛli 11:18

Wo kɔma, sibole minnu siginɛ kɔgɔ-yi fɛ, a si bui wonu ma ka anu kɛlɛ. Kɔnɔ tɔ-a-la, kɛlɛ-kurugbɛ do si bɔ sibolo-gbɛrɛkɛ rɔ ka na tɔn sigi ala wasinteyɛ la. Ala wasinteyɛ si sɛgi a nyɛrɛ ma.

Daniyɛli 8:2

Nna ko-rayen kɛ rɔ, n tara tɛrɛna n nyɛrɛ la Susa soe burɔ tarɛ mininɛ min ma Ilam nyamanɛ rɔ. N bi yi-nɛ do dafɛ min tɔgɛ Wulai.

Hoseya 1:11

Yuda bɔnsɔn-mɔgɛnu anubɛ Isirɛla bɔnsɔn-mɔgɛnu si na ma kelen na tun. Bɔnsɔn filɛ wonu si kun-tigi kelen yabɔ anu tɔ. Wo kɔma, anu si sabati ka ta yarɔ anuna nyamanɛ wo rɔ tun. Wasalɛ ye nala kɛla Yɛsɛreli tele min ma, tele wo si ma tele-makawanɛ la anu bolo.

Hoseya 11:10

“N ba nyɛɛ wo yogenu ma iko yarɛ min bi wɔrɔndɔla, wo si bila n fɛ. Wo si wo buri nala ka bɔ tele-yigi wara la.

Hoseya 11:11

Wo burimatoe si na ka bɔ Iyipiti anubɛ Asiriya nyamanɛ rɔ iko kangbɔɛ. N si a ma, bɛɛ ni sigi a halala-soe rɔ. Nde, Mari nyɛrɛ kan le kɛ la.”

Maika 7:12

Wo na-kelen-nyɔgɛnu si na ka bɔ Asiriya nyamanɛ rɔ anubɛ Iyipiti nyamanɛ rɔ ha ka ta ke Yufereti bɛ ma ka anu sigi wo tɛma. Anu si na ka bɔ duninya-tonko-nanɛ bɛɛ rɔ.

Sɛfanaya 2:11

Mari si a ma, anu ni kilan dɔgɔma-ma-de! A si a ma, duninya-mɔgɛnuna bɛsɛnu bara-koe ni to dɔgɔyala ha fenfen ti to tun. Wo kɔma, duninya sibole bɛɛ si ale bato tun anuna nyamanɛnu tɔ.

Sakaraya 5:11

A ko, “Anu bi tala a la Babilɔn nyamanɛ rɔ, anu bi bɛsi-kɔ-tinɛ sɔla a ye kan min. Anu ba bɔn wo laban, anu si digi wo sigi a sigi-tinɛ rɔ nyɔ.”

Sakaraya 8:7

Anu tara wole, ala mɔgɛnu na kan tinɛ minnu tɔ, ale Mari Sɛnbɛ-Bɛɛ-Tigi ko a si ke wo kunyɛ bɔla gbaran rɔ nyɔnu tɔ. A ko ala mɔgɛ minnu bi tele-yigi anubɛ tele-bɔɛ waralɛ rɔ,

Sakaraya 9:2

hali Hamati soe min bi Hadiraki wo dafɛ. Hali anu hɛnkili kolo nya-wo-nya, a si tɔrɔyɛ lana Taya anubɛ Saidon soenu ma fanan.

Romu 11:15

ado Alla ya a ban Isirɛla mɔgɛnu na tumɛ min, wole sibolo-gbɛrɛnu mara Alla diyana-mɔgɛnu na. Alla wa anu tabira tun ka anu ma ata mɔgɛnu na, wo si ma iko furi niyi wa sɛgi a rɔ!

Romu 11:26

Isirɛla mumɛ bɛɛ si kisi nya min, wo le kɛ la. Iko a sɛbɛnɛ Allala kitabu rɔ nya min, a ko, “Kunkalɛ si bɔ Yerusalɛm. A si ko-yogomɛ bɛɛ ban Yakoba bɔnsɔn rɔ.

2 Kɔrɛnti 3:16

Kɔnɔ mɔgɔ wa yɛlɛma ka bila Mari fɛ, fan wo si bɔ a hɛnkili ma.

Tɔn-Fɔɛ-Fila-Nyɔgɛ 9:29

Min sanɛ wo kuma, ita mɔgɔ-bɛrɛbɛrɛ le kɛnu na. Ile le tɔrɔta mɔgɛ kɛnu na ka anu nabɔ Iyipiti ita fanka-makawanɛ la.’ ”