Aiseya 10:6 - ALLALA KUMƐ

⁶ A ko a ara wo latugu Alla-lɔnbɛlɛ donu kan ma bawo anu bara a ladiminya. A ara wo lata bumalɛ anubɛ kankanyɛ anubɛ Yuda kɛnu tatɛntɛn tinɛ ka anu ma iko gbangban.

Aiseya 10:6 ပူးပေါင်းရင်းမြစ်များ

2 Samuwɛli 22:43

N ya anu bunden iko fɔnyɔ ye tala gbangban min na. N ya anu tadon iko bore min bi kilɛ la.

2 Mansɛnu 18:25

A fɔra le ko male nara kan tinɛ kɛ kasara tinɛ ma nyɛrɛ ma le ni Mari ma male lana? Mari nyɛrɛ le ya a fɔ ma ye ko ma ni na wola nyamanɛ kɛ kasara pɔ!”

Aiseya 19:17

Mari Sɛnbɛ-Bɛɛ-Tigi ara ban min natɛgɛla Iyipiti kɛnu kan ma, ni anu ya anu hɛnkili bila wo la, anu si kilan Yuda kɛnu na.

Aiseya 22:5

Ko-Rayira-Lɛɛ wo rɔ, fenfen sa nyɔ fɔ kumakɔɛ anubɛ nɔ-koe anubɛ yisi-tɛgɛ, ado ma Tigi Mari Alla Sɛnbɛ-Bɛɛ-Tigi ya wonu nana ma kuma. Tarɛ min mininɛ mala soe ma, wo ara bui. Diyi min bɛɛ kɛra, kɔnkɛnu ya wo kuli wonu nabira.

Aiseya 24:5

Duninya la ara tinya bawo mɔgɛnu bara Allata tɔnnu tinya ka ata habadan-sarama-kan boloka.

Aiseya 29:13

Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Aiseya 32:6

Kun-takolɔn si kuntanya-kumɛ le fɔ ka a miri ko-yogomɛnu ma. A kɛ-nya anubɛ a darɔ-kan, wo bɛɛ manɛ Alla manyini-fan le la. Mɔgɛ wo ti dɔgɔma di kɔnkɔtoe ma. A ti yi di kan-nagbalatoe ma.

Aiseya 33:1

Ma yogenu si halaki. Hali mɔgɔ ma anu denu yanfa ka anu kankan, anu denu bi mɔgɛnu yanfala ka anu kankan. Kɔnɔ koe wo dama katoe le a-la bawo mɔgɛnu bi nala anu denu yanfala ka anu kankan.

Aiseya 33:14

Yerusalɛm hakɛ-tiginu bi yɛrɛyɛrɛnna kilan bolo. Anu bi a fɔla ko, “Marita kiti mani de iko tɛ min ti sa mumɛ! Ta-sufa wo si male do to a niyi la?”

Aiseya 41:25

“Nde, Mari ara mɔgɛ do tɔnbɔn tele-bɔɛ wara la. A si wo kɛlɛ dabira kantɔ-wara la. Wo wa na, a si kun-tiginu tatɛntɛn iko bore. A si wonu tatugutugu iko bɔnku-daga-sɔlɛ si bɔnkɛ ramaga nya min.

Aiseya 49:17

Minnu bi nala soe wo sɔ-kurɛ kɛla, a ko wonu natoe le kaka. Minnu bara nyɔ tinya, wonu si bɔ nyɔ.

Aiseya 49:25

Mari ko wo ye nala mala le yati! Mɔgɔ-biranɛ si a porokɔlɔ kɛlɛ-nyana bolo. Kɛlɛ-dannu ya min bi kɛlɛ kuma, wo si toronde anu na. Mari ko mɔgɔ-wo-mɔgɔ ya ile Yerusalɛm kɛlɛ, ale fanan si wo tigi kɛlɛ. A si to ila dannu kunyɛ bɔla gbaran rɔ.

Aiseya 5:25

Mari fonde bɔnɛ wole, ata mɔgɛnu ma, ado a ara a kɔɛn kɔrɔbi wo tɔrɔ-koe la. Kɔnkɛnu si yɛrɛyɛrɛn. Minnu bi fagala, wonu furi-bolokanɛ si to belenna lu-kolenu ma iko yefe-gbalɛ. Kɔnɔ hali wo, wo ti a ma, Marita fondo-bɔɛ ni ban. A si wo tɔrɔ serr!

Aiseya 5:29

Kɛlɛ-dannu bi bɔrɔndɔ-bɔrɔndɔla iko yara-tamatoe tenbi ala sogo-faganɛ saganna, fen ti a bi a da la kan min.

Aiseya 5:5

“N bi kɛ le mala nna nakɔɛ rɔ ki-fannu kɔrɔ. A sansannɛ min na, n ni wo tinya. N si a ma, sogenu ni nakɔɛ kɛ firan fiya!

Aiseya 63:3

Mari ko ale le kelen pe ya sibole wonu tatɛn iko nɔnbɔ-gbɔɛ. A ko sibolo-wo-sibolo ma a dɛnbɛ anu tatɛntɛnna. Ata fondo-bɔ-belebele le ya a ma, a ya anu nunku a tontɛ la. A ko ala duruki ara wulen mɔgɔ kɛnu yele-kuran la.

Aiseya 63:6

A ko a diminya-belebele kera wati min, a ya sibolenu tatɛntɛn. A ya anu yele-kuran-kuran rawuya dugi ma.

Aiseya 7:17

“Mari ko a si nyankankantan min nana ile mansɛ anubɛ ila mɔgɛnu kuma, wo da-rakolo, ado kebi Yuda nyamanɛ anubɛ Isirɛla nyamanɛ farata, wo nyɔgɔn tɔrɔyɛ ma na wɛ nyamanɛ kɛ kuma. Mari ko hali Asiriya mansɛ, a si wonubɛ ala kɛlɛ-dannu natugu wo ma.

Aiseya 8:4

A ko yanni dan wo ni kusanya a fa anubɛ a na rakelela, a ko wo si a taran, Asiriya mansɛ ara ban Damasika fen-kolomɛnu kankanna anubɛ Samariya fen-kolomɛnu ka ta anu na a warɛ.

Aiseya 9:17

Woletɔ Mari ti sɔn kemini-mɛsɛ wo fenfen kunyɛ ni bɔ a rɔ muk! Hali kelennɛnu anubɛ kɛɛ-nyaganɛnu, a ti kinikini wonu ma bawo Alla-lɔnbɛlɛ anubɛ karagbɛlɛ le mɔgɛ damasi la. Anu darɔ-kan bɛɛ yogo. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Aiseya 9:19

Mari Sɛnbɛ-Bɛɛ-Tigita fondo-bɔ-belebele kɛ si mintannɛ kɛ ka nyamanɛ mumɛ bɛɛ mintan gburr! Mɔgɔ-wo-mɔgɔ ti a nyɔgɔn denkun. Bɛɛ paraparɛ si ta a kun fɛ.

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 3:10

ado Isirɛla tirisan-musu-wunduyoge kɛ ma sɛgi n ma a yisi bɛɛ la. A ya nyɛrɛmankolayɛ le dɔrɔn ma.”

Yɛrɛmaya 34:22

A ko a wa wo kɛlɛ-koe fɔ wo yogenu ye tumɛ min, wonu si ta wo kɛlɛ-tinɛ ka wola soe bira ka a mintan gburr! A ko a si Yuda soenu ma wula-da-rakolɔn la, mɔgɔ sa kan min. Ale Mari kan le kɛ la.

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Isikiyɛli 29:20

N si Iyipiti ma mansɛ wo sarɛ la ka a tɛgɛ a ya wɔlɛ min kɛ nde, wo Tigi Mari ye bawo ala kɛlɛ-dannu bi wɔlila nde le ye. Nde, wo Tigi Mari kan le kɛ la.

Isikiyɛli 38:12

A ko mansɛ wo si tugu anu na ka anu bolo-fan bɛɛ bi. Anu bi tugula minnu na wo la, wonuna soenu bi tonbonyɛ le la nun. Anu bɔra sibolo-gbɛrɛnu denu tɛma nun kɔnɔ kaka, kolo-fan anubɛ fen-siyaman bi anu bolo duk! Anu siginɛ duninya mumɛ kila-tangbɛ rɔ.

Isikiyɛli 38:13

A ko Siba kɛnu anubɛ Didan kɛnu anubɛ Sipeni nyamani-yilanu si to ale mansɛ manyinikala ko, “I wara ban ila kɛlɛ-dannu kundɛnna alako anu ni ta bui mɔgɛnu ma, wa? I wara ban anu bolo-fannu torondela anu na, wa? A wodi-gbɛ wo, a sɛnɛ wo, a kolo-fen wo, a bolo-fen wo, a sɔgɛ ye i la, i ni ta wo bɛɛ la i bolo, wa?”

Maika 7:10

Ma yogenu ba a yen, Mari ara ma dɛnbɛn tun ka ma lasɔ, anu si miliya ka a tɛgɛ anu darɔ-kan ma. Anu denu denu ya ma manyini ko, “Mata Mari Alla wo ye mintɔ?” Kɔnɔ ma si ma yoge wonu tinyanɛ yen. Anu si ma iko bore, mɔgɛnu bi minnu tatɛntɛnna.

Habakuku 1:12

Mari, kebi fɔlɔ, Alla le ile la, ado ndeta Alla-sɛnimɛ le ile la, Habadan Alla, kɔni. Ile ye ma lakananna kɔnɔ yaga, i wara Babilɔn kɛnu fanka don alako anu ni ma tɔrɔ.

Sakaraya 10:5

A ko anu si nɔ-ko sɔrɔn iko kɛlɛ-dan minnu si anu yogenu matɔrɔngba bore rɔ. A ko anu si kɛlɛ kɛ bawo ale Mari ye anu fɛ. Hali kɛlɛ-dan minnu siginɛ soee la, anu si wonu nɔ.

Matiyu 15:7

Wole nyɛrɛ-mayiralɛnu! Nɛbi Aiseya ya wɔlɔyiyɛ kɛ a kin na wolela ko la, yɔ! A ko,