Aiseya 10:27 - ALLALA KUMƐ

²⁷ Mari ko wati wo wa ke, a ko a si wo bɔ Asiriyanu bolo la. Wo ti ma yɔɔnnu na anu kɔrɔ tun.

Aiseya 10:27 ပူးပေါင်းရင်းမြစ်များ

2 Samuwɛli 1:21

“Alamɛ duri anubɛ bandɛ kana yigi Kilabowa kɔnkɛ kuma. Alamɛ bin kana fɛrɛn nyɔ tun bawo kerintenuna nɛgɛ-walannu sanɛ nyɔ rɔ miliyɛ rɔ. Mansa Sɔlila nɛgɛ-walan ma ti mun tun tuli la min si a lamalan-malan.

Yaburi 105:15

anu kana na ko ma ata mɔgɔ-yabɔnɛnu na. A ko anu kana na ko-yogoma ma ala nɛbinu na fanan.

Yaburi 132:10

I wara lanyiri kiri ila wɔli-kɛlɛ, Mansa Dawuda ye. Mari, i kana i ban ita mansa-yabɔnɛ wo la.

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 20:6

N bara ban a lɔnna ko Mari si a ma, ata mansa-yabɔnɛ ni nɔ-ko sɔrɔn a yogenu ma. A si a yabi Arinyɛni tɔ. Ata sɛnbɛ-makawanɛ si a ma, mansɛ wo ni nɔ-ko sɔrɔn.

Yaburi 45:7

Ko-latelennɛ di i ye. Ko-radunɛ gbo i ye. Woletɔ ita Alla ara ile mansɛ yabɔ. A ara i lasewa mansɛ bɛɛ ko.

Yaburi 81:6

Alla ko, “N bara yɔɔnya-ko-dunɛ bɔ wo kuma ka wo kunyɛ bɔ tɔrɔ-mansayɛ anubɛ yigi-tɛgɛ kɔrɔ.

Yaburi 84:9

E, Alla, ita duwɛ layigi mala mansɛ kuma min si ma lakanan. Duwɛ layigi ale mansɛ kuma, ile nyɛrɛ ya min yabɔ.

Aiseya 14:25

A ko a si Asiriyanu nunku ata kɔnkɛnu ma a tontɛ kɔrɔ Isirɛla nyamanɛ rɔ. A si ata mɔgɛnu bɔ kun-gbaran rɔ Asiriyanu bolo. Anu kunyɛ si bɔ dunu madunɛ kɔrɔ.

Aiseya 30:23

Kɔnɔ wo wa wola fui-fannu fui tumɛ wo rɔ, Mari si bandɛ lana alako anu ni nanfa kubukubu! Binyɛ si boroko-baraka wola kolo-fannu ye.

Aiseya 37:35

Mari ko ka a tɛgɛ ata gbiliyɛ anubɛ ata lanyiri ma a ya min kiri Mansa Dawuda ye, a si soe kɛ latanka.”

Aiseya 52:2

I lasɔ gbangban rɔ ka i nyɛrɛ magbɔngbɔn. Ile so-birani-kɔrɛ, i lawuli. I mayigi ila mansaya-waganɛ rɔ. I kirinɛ yɔlɔkɛ min na nun, i ni wonu tatɛgɛ i ma.

Aiseya 55:2

I si wodi labɔ fan dola ko rɔ min ti i fa? I si i sara-kunyɛ lagbana, kɔnkɛ ni to i niginigila? Ni wo ya wo tole masɔ ale Mari la, wo si to fen-diyamɛnu dɔnna. Dɔn-fan min bi i sɔndɔmɛ wasala, i si to wo dɔnna.

Aiseya 9:4

Mari, i wara dunu-gbilima-wɛ bɔ anu kuma. I wara gbɛn da sawɛ bɔ anu kɔma. Sibolo-gbɛrɛ minnu bi anu yakɔrɔ-mamɔla, i wara wonu nabui anu kɔrɔ. I wara anu nabui iko i ya Midiyan kɛlɛ-dannu nabui nya min nun kɔrɔma la.

Yɛrɛmaya 30:8

Mari Sɛnbɛ-Bɛɛ-Tigi ko wo tumɛ wa ke, sara-ninki kanma-kɔlɔma min bi wole, ala mɔgɛnu kan ma, a si wo bɔ wo kan ma anubɛ a yɔlɔkɛnu. Wo ti ma yɔɔnnu na sibolo-gbɛrɛnu ye tun!

Isikiyɛli 30:18

N ba Iyipiti fanka keri, pinpi si burun Tapenisi soe kun na bɛff! Anu wasinɛ anuna fanka minnu tɔ, n si tɔn sigi wonu na. Banda-finyɛ si Iyipiti mumɛ yamatogon bɛff! So-burɔ-mɔgɛ bɛɛ si to biralɛ rɔ.

Saraka-Masɔlɛnuta Tɔnnu 7:35

“A mara Aruna anubɛ ala den-keminɛnu na wo nya na le wo tumɛ anu bi anu dantɛgɛla Mari ma ka saraka-masɔ-wɔlɛ kɛ.

Luka 4:18

“Marita Sɛnbɛ ye n tɔ. A ara n yabɔ alako n ni kibara-nyimɛ lake bolo-kolɔnnu ma. Minnu bi biralɛ rɔ, a ya n sɔ ka wonu boloka-koe fɔ anu ye anubɛ ka fiyɔnnu yɛ laka. Nɔɛ sanɛ minnu kuma, n si wonu hɔrɔya.

Yɔni 1:41

Anduru ya min fɔlɔn ma, a tara a na-kelen-nyɔgɔn Saimon yen tinɛ. A ya a fɔ a ye ko, “Alla ya mɔgɛ min yabɔ ma kisi-koe la, anu bi min kelela ko Masiya, ma ara wo yen.” (Masiya kɔrɛ le ko, “Kirasiti.”)

Kɛwɔlɛnu 4:27

Tonyɛ le, Hɛrodi wo, Pontiyasi Pailɛti wo, Isirɛla mɔgɛnu wo, anubɛ sibolo-gbɛrɛnu ya anu nadɛn soe kɛ rɔ yan ila wɔli-kɛla-sɛnimɛ Yisa kan ma, ado ile ya wo ma ita Mɔgɔ-Yabɔnɛ la.

1 Yɔni 2:20

Kɔnɔ Kirasiti ara ata Ni-Sɛnimɛ labɔn wole kuma nun. Woletɔ wo dama ara tonyɛ lɔn.

1 Yɔni 2:27

Kirasiti ara ata Niyi labon wole kuma. Fananta ala Niyi ye wo rɔ wo mako sa karan-mɔgɔ la tun, ado ata Ni-Sɛnimɛ ye wo karanna koe bɛɛ la. A ye karan min kɛla, tonyɛ le, foninya ma de! Wo ni ata Ni-Sɛnimɛla karan bira worɔ iko a ya wo karan nya min ko wo ni to Kirasiti rɔ.