Aiseya 10:26 - ALLALA KUMƐ

²⁶ A ko a si anu natɛn gbɛn la iko a ya Midiyannu natɛn gbɛn la nya min Ɔrɛbu kuri dafɛ. A si anu tɔrɔ iko a ya Iyipiti kɛnu tɔrɔ nya min nun Kɔgɔ-Yi-Wulan dala.

Aiseya 10:26 ပူးပေါင်းရင်းမြစ်များ

2 Mansɛnu 19:35

Wulɔn-suyi-nyɛrɛ rɔ, Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli (185,000) faga Asiriyanu tɔ. Bandɛ kanɛ, wonu furi taranta nyɔ.

Yaburi 35:23

I lakɔɛnma, i ni na n nakisi tinɛ! Nta Alla, nta Mari, kuma nna ko la.

Yaburi 83:11

A ma anuna kun-tiginu na iko i ya a ma Ɔrɛbu anubɛ Sibi la nya min. I ni anuna kun-tigi bɛɛ nɔ iko i ya a ma Siba anubɛ Salamuna na nya min.

Bɔ-Koe-Iyipiti 14:16

Ila sewuri layɛlɛ ka i bole rasagan Kɔgɔ-Yi-Wulan kuma alako yi tɛ ni tɛgɛ. Isirɛla mɔgɛnu si tenbi nyɔ kɛn-gbalanɛ kuma Kɔgɔ-Yi-Wulan wo worɔn la.

Aiseya 10:24

Ma Tigi, Mari Sɛnbɛ-Bɛɛ-Tigila mɔgɛ minnu siginɛ Yerusalɛm soe burɔ, wo ye a fɔla anu ye ko anu denu kana kilan Asiriya wonu na hali Asiriyanu bara a lakunaya anu kuma iko Iyipiti kɛnu ya a ma nya min nun.

Aiseya 11:16

Isirɛla mɔgɛ minnu bi bɔla Asiriya, a si ma kila-wɛ la wonu ye. A si ma anu na iko a mara anu benbanu na, wo tumɛ anu bi bɔla Iyipiti.

Aiseya 30:30

Mari si a ma, bɛɛ ni a nyɛrɛ kuman-kan-makilannɛ lamɔɛn. Bɛɛ si ata diminya-sɛnbɛ lɔn. A ta-mɛlɛn wo, a fɔn-digidigi-wa wo, a banda-kolo-wa wo, a gbɔrɔndɔ-yi wo, bɛɛ si wo yen a yɛ la.

Aiseya 30:31

Asiriyanu ba Mari kan lamɔɛn ka ata diminya-sɛnbɛ lɔn, anu kun ma si kɔ kilan bolo.

Aiseya 30:32

Marita bosɛ tenbi anu tagbesila tumɛ min, yonbo-kan anubɛ bɔlon-kan ye tala anu nyɔgɔn fɛ. A si anu kɛlɛ ata kɛlɛ-kɛ-miran-sɛnbɛmɛnu na.

Aiseya 9:3

E, Mari, i wara anu sewa-koe kɛ anu ye. I wara min ma anu ye, wo ara a ma, anu bara nyagalen dɔgɔma-ma-de iko fui-fen-tɛgɛlɛnu. Ni wo ma, iko kɛlɛ-dan bi fan minnu sɔrɔnna kɛlɛ rɔ, anu tenbi wonu farala.

Aiseya 9:4

Mari, i wara dunu-gbilima-wɛ bɔ anu kuma. I wara gbɛn da sawɛ bɔ anu kɔma. Sibolo-gbɛrɛ minnu bi anu yakɔrɔ-mamɔla, i wara wonu nabui anu kɔrɔ. I wara anu nabui iko i ya Midiyan kɛlɛ-dannu nabui nya min nun kɔrɔma la.

Lankɛnimayɛ 11:18

Sibolenu yisi bɔra bɛrɛkɛ, ado ila diminyɛ-labɔ-wati ara ke anubɛ furi kiti-tɛgɛ-wati. Ila wɔli-kɛlɛnu, ila nɛbinu, kɔni, anubɛ ila mɔgɛ bɛɛ, a dɔgɔma wo, a kinama wo, anubɛ min bɛɛ kilannɛ i la, anuna barayi-sɔrɔn-tumɛ ara ke. Minnu ya dugu-kole halaki, wonu halaki-wati ara ke!”

Lankɛnimayɛ 19:15

Faan-da-diyamɛ ye bɔla a da rɔ a si sibolenu nɔ min na. A si mansayɛ kɛ anu kun na ka anu mara nɛgɛ-gbelekɛ la. A si nɔnbɔ-gbɔɛ radɔn a kian la ka a yi labɔ iko baan, ado Alla Sɛnbɛ Bɛɛ Tigita diminya-belebele-wɛ si anu sugun kan min a radɔn tinɛ wo la.

Kɛlɛ-Kurugbɛnu 7:25

Ifɛrɛm bɔnsɔn-mɔgɛnu ya Midiyan kɛnuna nyamani-tigi filɛ bira, Ɔrɛbu anubɛ Sibi. Anu ya Mansa Ɔrɛbu faga farɛ do kɔrɔ. Wo kɔma, anu ya nyɔ kele ko, “Ɔrɛbu farɛ.” Anu ya Mansa Sibi wo faga nɔnbɔ-gbɔ-yi burun tinɛ. Wo kɔma, anu ya nyɔ kele ko, “Sibita nɔnbɔ-gbɔ-yi burun tinɛ.” Anu tara mansa filɛ kɛnu kunyɛnu sigi Kidiyɔn kɔrɔ bɛ-kɔgɔma tele-bɔɛ wara la.