Aiseya 10:23 - ALLALA KUMƐ

²³ Ma Tigi, Mari Sɛnbɛ-Bɛɛ-Tigi si kasarɛ lana nyamanɛ mumɛ bɛɛ rɔ iko a ara ban a latɛgɛla nya min.

Aiseya 10:23 ပူးပေါင်းရင်းမြစ်များ

Yaburi 46:9

A ye tɔn sigila kɛlɛ la duninya bɛɛ rɔ. A si kalabɛnnu takerikeri ka tanbɛnu tinya ka kɛlɛ-dan-matanka-fannu fanan mintan.

Aiseya 28:22

Wo kana yɛlɛn nna makawandili-kumɛnu ma. Ni wo ya wo ma, wo si dunɛ lawara wo nyɛrɛ kuma. Nyamanɛ kɛ mumɛ kasara-koe Mari Sɛnbɛ-Bɛɛ-Tigi bolo, n bara wo lamɔɛn feu!

Daniyɛli 11:36

“Min ba diya ale Siriya mansɛ ye, a ye wo le mala. A si a wasi a la ko ale kolo bɛsɛ bɛɛ ko hali Alla nyɛrɛ Min Bi Fan Bɛɛ Kun Na. A si to a sɔn kɛ kun na furr, ha a tɔrɔya-wati ni ke Alla bolo. Alla si a latɛgɛ iko a miriyanɛ ye nya min.

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Daniyɛli 9:27

Ale kun-tigi-sɛnbɛmɛ wonubɛ mɔgɔ-siyaman si lanyiri kiri anu nyɔgɔn tɛma san wɔrɔnfila kɔrɔ. Wati wo wa tala a tɛma, a si tɔn sigi saraka-mintantɛnu anubɛ saraka doinu na. Kun-tigi wo si kisimiriya-bɛsɛ do sigi Alla Bato-Bɔn la kan-tina-sɛnimɛ rɔ. A si to nyɔ ha min ya ale bɛsɛ ladan, wo tɔrɔya-wati ni na iko Alla ya a rabɛn a ye nya min.”

Romu 9:28

ado kumɛ min bi Mari anubɛ duninya tɛma, Mari ti mɛ wo latɛgɛla.”