Aiseya 10:21 - ALLALA KUMƐ

²¹ Isirɛla mɔgɛnu kolo-dande si anu kɔ-sɛgi anuta Alla Sɛnbɛ-Bɛɛ-Tigi ma.

Aiseya 10:21 ပူးပေါင်းရင်းမြစ်များ

Ɛsira 1:4

Ala mɔgɛ min bɛɛsi biranɛ wula-yan la, ni anu ma ke tala, wonu sigi-nyɔgɛnu ni anu makoe nyinya. Anu bi min dila anu ma, wo le kɛnu na, sɛnɛ wo, wodi-gbɛ wo, anu beli-fen wo, dunu-bi-sogenu wo, hali anuna kɔ-fannu anu si ta min bɔ Alla Bato-Bɔn la Yerusalɛm soe burɔ.”

Aiseya 19:22

Mari si Iyipiti kɛnu tɔrɔ. Wo kɔma, a ni anu dandan. Anu si anu kɔ-sɛgi a ma, wo kɔma, Mari si a wɔlɔ matɔlɔ anu na ka anu dandan.

Aiseya 37:31

ko a mɔgɛ toe min tonɛ Yuda nyamanɛ rɔ, wonu si sabati iko ki-fan min bi a suli layigila dugi rɔ pon, ka gbɔ-nyimɛ kɛ.

Aiseya 46:3

Wole Yakoba kebila-toe min tonɛ, wo ni wo tole masɔ. Mari ko ka a bi wola denninya-wati ma, a ye wo fɛ-birala,

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Aiseya 59:20

Mari ko ale kunkalɛ ye nala Yerusalɛm, min si anu nakisi. Yakoba kebilɛ minnu bara anu sɔ anu hakɛ la ka sɛgi Alla ma, a si wonu kunka.

Aiseya 7:3

Mari ya a fɔ nde, Aiseya ye ko mabɛ nna den Seyari-Yasubu ni ta Mansa Ehasi taran. Yi min nadɛnnɛ kɔnkɛ kun tɛma, wo worɔn ye yigila ha kura-ku-tinɛ wo dafɛ. A ko ma si mansɛ taran kilɛ la nyɔ.

Aiseya 9:13

Hali Mari Sɛnbɛ-Bɛɛ-Tigi ara anu tɔrɔ, Isirɛla mɔgɛnu ma anu sɔ anu hakɛ la, ado anu ma sɔn anu ya-lamununna a la.

Aiseya 9:6

Dan do si sɔrɔn ma ye! Den-kei dinɛ ma ma! Wo si ma mala kun-tigi la. Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.

Yɛrɛmaya 50:20

Wo wulɔn-tele wa ke, mɔgɔ ti hakɛ-wo-hakɛ taran Isirɛla nyamanɛ rɔ. Karagbɛlɛyɛ fanan ti taran Yuda nyamanɛ rɔ. Wo ye mala le bawo Mari ko a ara minnu niyi lakanan, a ara wonu makoto. Mari kan le kɛ la.

Hoseya 14:1

Wole Isirɛla mɔgɛnu, wo ni wo sɛgi wota Mari Alla ma bawo wo hakɛ ara wo tonko-tankan ka wo labui.

Hoseya 6:1

Mɔgɛnu bi anu da le fɔla ko, “Ma sɛgi wona Mari ma. Mari le wara ma tanban, ale le ye ma dandanna tun. Ale le ya tɛlɛ sigi ma ma, ale le ye mala tɛlɛnu makirila.

Hoseya 7:10

Wole Isirɛla mɔgɛnu, wola wasinteyɛ ye sereyɛ bɔla wo kan ma. Hali koe min bara tenbi nun, wo ma wo miri wonu ma ka sɛgi nde, Mari Alla ma.

Hoseya 7:16

Wo ye wo kan-kɔ donna n na ka ta bɛsɛnu bara la, sɛ sa minnu ye. Ni mɔgɛ si la kalabɛn tadunɛ la, mani mɔgɛ si la wole la. Wola kun-tiginu mɔnima-faga si kɛ bawo mankan-tugu-kan le ye anu da rɔ, ado Iyipiti kɛnu si na wo mayɛlɛn.”

Kɛwɔlɛnu 26:20

Ka a dabira Damasika ha ka ke Yerusalɛm anubɛ Yudiya nyamanɛ bɛɛ ha sibolo-gbɛrɛnu tɛma, n ya kawandili bɔ wo bɛɛ rɔ. N ya a fɔ anu ye ko anu ni fara hakɛ kɛla ko anu ni na Alla wara. N ko anu ni kɛwɔlɛ wonu kɛ min si a yira ko anu bara yɛlɛma.