Aiseya 10:20 - ALLALA KUMƐ

²⁰ Wati ye nala, a Isirɛla mɔgɛ toe min bi tola wonu ti anu yigi sa nyamanɛ wo la min bara a raya anu kasara-koe ma. Wo wati le tɔ, anu si anu yigi sa Isirɛlata Mari Alla-sɛnimɛ rɔ.

Aiseya 10:20 ပူးပေါင်းရင်းမြစ်များ

2 Mansɛnu 16:7

Yuda Mansa Ehasi ya kilayɛnu nata Asiriya Mansa Pulu ma. A ya a fɔ kilayɛ wonu ye ko ala wɔli-kɛlɛ le ale la. A ko a ni na anubɛ ala mɔgɛnu kunyɛ bɔ gbaran rɔ Siriya mansɛ anubɛ Isirɛla mansɛ bolo.

2 Mansɛnu 19:31

Mɔgɛnu si to anu niyi la Yerusalɛm soe burɔ nyɔ kɔnkɛ kuma bawo Mari ara ban a latɛgɛla wo nya na le.”

2 Ko-Kɔrɔta-Karan 14:11

Mansa Esa ya ata Mari Alla matara, a ko, “Ka kɛlɛ-den-siyamɛnu dɛnbɛ wo, ka kɛlɛ-den-dandenu dɛnbɛ wo, wo damasi kelen ile yala. Woletɔ, mata Mari Alla, i yandi, ma dɛnbɛ. Ma ye ma yigi sala ile rɔ. Ma ara na kɛlɛ-den-siyamɛ kɛnu kɛlɛ tinɛ ile tɔgɔ rɔ. Mari, mata Alla le ile la. Mɔgɔ-wo-mɔgɔ ti ke ile nɔla.”

2 Ko-Kɔrɔta-Karan 28:16

A ma mɛ wo kɔma, Idɔm kɛnu tara bui Yuda kɛnu ma tun. Anu ya mɔgɔ-siyaman bira. Wo le ya a ma, Yuda Mansa Ehasi tara a makesi Asiriya Mansɛ Tigilati-Pilesa ye ko wo ni na a dɛnbɛn kɛlɛ rɔ.

2 Ko-Kɔrɔta-Karan 28:20

Mansa Ehasi min tara a makesi Asiriya mansɛ ye a dɛnbɛn-koe la kɛlɛ rɔ, wo mara a kɛlɛ-nyɔgɛ la.

Ɛsira 9:14

Wo rɔ, a ma bɛn, ma ni tɔn kɛnu boloka tun ka furu-nyɔgɔnyɛ ladon mabɛ mɔgɔ-yogomɛ kɛnu tɛma. Ni ma ya ma tui ka wo ma, i si ma lato dogbe! Hali mɔgɔ-den-kelan, a ti to a niyi la.

Aiseya 1:9

Ni Mari Sɛnbɛ-Bɛɛ-Tigi ma mɔgɛ donu to anu kɛndɛ la nun, fɔ Yerusalɛm soe wa kasara nun pɔ! A ni ma iko Sɔdɔm anubɛ Kɔmɔra soenu mara nya min nun.

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 11:16

Isirɛla mɔgɛ minnu bi bɔla Asiriya, a si ma kila-wɛ la wonu ye. A si ma anu na iko a mara anu benbanu na, wo tumɛ anu bi bɔla Iyipiti.

Aiseya 37:4

Asiriya mansɛ ara ala kandɛ lana Alla-nimɛ masɔrɔn tinɛ. Alamɛ ita Mari Alla ya a masɔrɔn-kan wo lamɔɛn ka a masɔrɔnnɛ wo tɔrɔ. Woletɔ male Yakoba kegeya-toe minnu tonɛ, i ni Alla madiya ma ye.”

Aiseya 46:3

Wole Yakoba kebila-toe min tonɛ, wo ni wo tole masɔ. Mari ko ka a bi wola denninya-wati ma, a ye wo fɛ-birala,

Aiseya 50:10

Mɔgɔ-wo-mɔgɔ wa Mari gbiliya ka ala wɔli-kɛlɛla kumɛ bira, hali a tagama-kilɛ lapinpinɛ, a ni la Mari la. A dunnɛ ni to ata Alla ma.

Aiseya 6:13

Mɔgɔ-kɔnɔntɔ wo mɔgɔ-kɔnɔntɔ, hali a tan nyɔgɛ min tora, n si wo fanan kasara. Nta mɔgɔ-yabɔnɛ minnu tonɛ kɛ, wonu si ma iko kɔlɔma-kuru-wɛ min tɛgɛnɛ dugi rɔ. Kɔnɔ kɔn-kundi min tonɛ wo la, wo si a matii ka ma Allata mɔgɛnu tamasere la.”

Yɛrɛmaya 3:23

“Ma ara kun-takolonya-belebele ma bɛsi-kɔ-tinɛ kɔnkɔ-kolo-wɛnu kuma. Ma ye sɔnkɔ-sɔnkɛ min kun na kɔnkɛnu kuma nun, tonya sa wo do-wo-do rɔ, ado tonyɛ le, kisi-koe ye bɔla ile mata Mari Alla le bolo.

Yɛrɛmaya 44:14

Wole Yuda mɔgɛ toe minnu nara sigi Iyipiti yan, wo siyaman ti wo buri ka to wo niyi la. A ko wo fenfen ti wo kɔ-sɛgi wola nyamani-diyamɛ rɔ tun fɔ kɛlɛ-kɔrɔ-burilɛ dori donu.

Hoseya 14:3

Wo kɔma, wo ni a fɔ ko, “Asiriyanu ti ke ma lakisila. Mala kɛlɛ-kɛ-soeenu ti ke ma lakisila. Ma ti a fɔ tun ko bɛsɛ le mata Alla la.” Wo ni a fɔ ko, “E, Mari, i ni ma dɛnbɛ bawo ma mani de iko kelennɛ minnu bi dɛnbɛnɛ sɔrɔnna ile le bolo.”

Hoseya 5:13

Mari ko Yuda anubɛ Isirɛla ya a yen min kɛ ko anu ma kɛndɛ, wole Isirɛla mɔgɛnu tara Asiriya mansɛ wara a dandan-koe rɔ kɔnɔ wo ma ke wole, Isirɛla mɔgɛnu dandanna.

Maika 5:3

Mari si ata mɔgɛnu gbala anu yogenu bolo ha a na ni a sɔrɔn tumɛ min. Kɛ wa ma tumɛ min, kun-tigi kɛ na-kelen-nyɔgɛ Isirɛla mɔgɛ minnu tanyɛnsɛnnɛ, wonu si sɛgi ka kofu anu na-kelen-nyɔgɛnu ma Isirɛla nyamanɛ rɔ.

Sɛfanaya 3:13

Wole Isirɛla mɔgɛ toe minnu bi tola wo niyi la yan tɔ, wo ti ko-yogoma ma mɔgɛ la, wo ti foninya fɔ, ado wo ti yanfa don. Wo si sigi yisi-kimɛ rɔ. Mɔgɔ-wo-mɔgɔ ti wo maban.