Aiseya 10:13 - ALLALA KUMƐ

¹³ Asiriya mansɛ ye a nyɛrɛ matɔgɔla ko a kelen pe le ya wo dama ma ata sɛnbɛ anubɛ kɛwuyɛ la. A ko ale le ya nyamani-siyaman nana ata fanka kɔrɔ. Fan min bɛɛ maranɛ nyɔnu tɔ, a ko ale le ya wonu toronde anu na. A ko a ya nyɔ-mansɛnu don a kian kɔrɔ iko tura-feremɛ wa bore radondon.

Aiseya 10:13 ပူးပေါင်းရင်းမြစ်များ

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

2 Mansɛnu 16:8

Mansa Ehasi ya Alla Bato-Bɔn sɛnɛ anubɛ wodi-gbɛ bi hali min bi ala bolɔn fen namara tinɛ fanan. A ya wonu bi ka anu nata Mansa Pulu ma alako wo ni na a dɛnbɛ kɛlɛ rɔ.

2 Mansɛnu 17:24

So loli kɛnu, Babilɔn, Kuti, Ifa, Hamati, anubɛ Sifafeyim, Asiriya mansɛ ya ala nyamanita-mɔgɛ donu bi nyɔnu tɔ. A tara wonu to Samariya soenu tɔ Isirɛla nyamanɛ rɔ ka anu sɔ Isirɛla mɔgɛnu gbɛ rɔ. Asiriya mɔgɛ kɛnu ya Isirɛla so-kunbɛnu bi ka wonu ma anu halalɛ la.

2 Mansɛnu 17:6

Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 18:11

Wo kɔma, Asiriya mansɛ wo tara Isirɛla mɔgɛnu na birɛ rɔ a warɛ nyamanɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 18:15

Wodi-gbɛ min bɛɛsi ye Mari Bato-Bɔn anubɛ mansɛla bolɔn la, Mansa Hɛsakaya ya wo bɛɛ lata Asiriya mansɛ ma.

2 Mansɛnu 18:32

ha a ni wo bi yan ka ta wo la ata nyamanɛ rɔ min bi iko wotɛ kɛ. Wo ye tala ata nyamanɛ min tɔ wo la, wo si nɔnbɔ-gbɔ-yi sɔrɔn nyɔ, wo si nyɔɛ sɔrɔn nyɔ ka wo ma biredi la. Wo si liyi anubɛ ɔlifi-gbɔɛnu sɔrɔn nyɔ fanan. Ni wo ya mata mansɛ kɛta kumɛ to a gbɛ rɔ, wo ti faga. A ko wo kana a ma, wola mansɛ kɛ ni wo mayuwaya ka wo miri ko Mari si wo kisi le iko wola mansɛ ya a fɔ nya min.

1 Ko-Kɔrɔta-Karan 5:26

Woletɔ Alla ya a ma, Asiriya Mansa Pulu tara bui anuna nyamanɛ wo ma. (Ale mansɛ tɔgɛ do le fanan Tigilati-Pilesa.) Rubɛn bɔnsɔn wo, Kadi bɔnsɔn wo, Manasa bɔnsɔn-talɛ wo, ale Mansa Pulu ya wonu bira ka ta anu na pon! A ya donu sigi Hela sigisɔn rɔ. Wo kɔma, a tara donu to Hara sigisɔn rɔ. A tara donu fanan to Koson sigisɔn rɔ min bi Hebɔ bɛ dafɛ. Anu bi nyɔ wara la ha bi.

Hɛnkilimaya-Kumɛnu 28:11

Fen-tigi ya a lɔn ko hɛnkili ye ale le la. Kɔnɔ bolo-kolɔn min ya ko lɔn, wo ma fen-tigi lɔn hɛnkilimɛ la.

Aiseya 10:8

Ale mansɛ ye a nyɛrɛ matɔgɔla ko, “Nna kɛlɛ-kurugbɛ, wo bɛɛ mansa!

Aiseya 5:21

Gbalo ye wo ma bawo wo miri ko wo hɛnkili da-rakolo, ado wo halli.

Yɛrɛmaya 46:8

Iyipiti kɛlɛ-dan denu tɔkɔkɛ ye nala wo la iko Nayɛli bɛ. Wonu denu beyabeyɛ iko bɛ tenbi yanbɛ gbesila. Anu ko, “Ma si yɛlɛ ka duninya bɛɛ yamatogon. Wo si a ma, soenu ni halaki anubɛ nyɔ-burɔ-mɔgɛnu.

Yɛrɛmaya 48:14

Mohabu keinu bi anu nyɛrɛ mala kɛlɛ-nyananu na nfenna ko la? Anu miri ko kɛlɛ ara anu tasuma nun, ba?

Isikiyɛli 25:3

Anu ni anu tole masɔ nde, wo Tigi Mari kuman-kan la. Anu ya nna Bato-Bon-latinyanɛ yen min kɛ, wo ya anu nasewa. Anu ya Isirɛla nyamani-tinyanɛ yen min kɛ ka a nyamanita-mɔgɛnu fanan yen birɛ rɔ, wo fanan ya anu nasewa.

Isikiyɛli 26:2

“Ile hadama-dan, Taya so-burɔ-mɔgɛnu bi anu diyala-a-la ko Yerusalɛm ara tinya pɔ! Anu bi a fɔla ko Isirɛla nyamanɛ min mara duninya bɛɛ yilaya-dɛ la nun, wo ara tinya. Anu ko anu denu si Isirɛla gbɛ bi gbɛ!

Isikiyɛli 29:3

Nde, i Tigi Marita kilayɛ kɛ latenbi a ma ko a yogo-finyɛ le nde la. Mɔgɔ-dɔn-banbɛ le ale mansɛ la min sanɛ bɛ rɔ. A ye a fɔla ko atɛ le Nayɛli bɛ la iko ale le ya a ladan.

Isikiyɛli 35:13

N bara anu yen mankan tugula n makuma-tinɛ.”

Daniyɛli 4:27

“Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Daniyɛli 4:30

N bi a fɔla ko, ‘Babilɔn so-karantan kɛ mafɛlɛn. Nde le ya soe kɛ sɔ alako ka nta sɛnbɛ mayira. Mɔgɛnu si a lɔn fanan ko n bi gbiliyɛ rɔ soe kɛ sɔ-nya bolo.’

Emɔsi 5:27

a si wo don yɔɔnyɛ rɔ wo yogenu bolo Damasika soe kɔma. Mari Sɛnbɛ-Bɛɛ-Tigi kuman-kan le kɛ la.”

Emɔsi 6:13

Wo ye wo nyɛrɛ matɔgɔla ko wo ara Lodiba soe wo bira. Wo ye wasila a la ko wo ragbɛlɛ bawo wo ara Kanam soe bi.

Habakuku 1:11

Anu bi nala le iko fɔnyɔ ka tenbi. Anu yilikinɛ bawo anu yigi sanɛ anu fanka rɔ iko mɔgɛ doinu si a yigi sa Alla rɔ nya min.”

Habakuku 1:16

Anu ba ban wo la, anu ni don anuna yalɛ wonu batoe rɔ ka sarakɛ bɔ wonu ye bawo anu bi nyinina fan min bɛɛsi ma, anu bi wonu sɔrɔnna yalɛ wonu tɔ.

Habakuku 2:6

Mɔgɔ-biranɛ wonu si anu biralɛ wonu mayɛlɛn. Anu si a fɔ ko, “Wo halala ma minnu na, wo si wonu bi kɔnɔ wo ye nala wota nondɔn sɔrɔnna le. Wo si wo fara mɔgɛnu bɔnɔna kɛwuyɛ la tumɛ nyamintan?”

Tɔn-Fɔɛ-Fila-Nyɔgɛ 8:17

Wo tenbi sewɛ wo rɔ, wo kana wo miri ko wo ye fan wonu sɔrɔnna wo nyɛrɛta fanka anubɛ wola kɛwunteyɛ le la.

Kɛlɛ-Kurugbɛnu 7:2

Mari ya a fɔ Kidiyɔn ye ko, “Bawo ila kɛlɛ-dannu siya, n ti a ma, anu ni Midiyan kɛnu nɔ. Ni anu ya Midiyan kɛnu nɔ, anu bi anu mirila anuna siyayɛ le ma. Nde, Mari ti gbiliyɛ sɔrɔn worɔ.