Aiseya 10:12 - ALLALA KUMƐ

¹² Kɔnɔ Mari ko min di a ye, a wa ban wo sigila Yerusalɛm kɛnu ma, a ni to a ya-lamununna Asiriya mansɛ kɛ la ka a tɛgɛ ala nyɛrɛ-matɔgɛ anubɛ ala wasinteyɛ ma.

Aiseya 10:12 ပူးပေါင်းရင်းမြစ်များ

2 Mansɛnu 19:31

Mɔgɛnu si to anu niyi la Yerusalɛm soe burɔ nyɔ kɔnkɛ kuma bawo Mari ara ban a latɛgɛla wo nya na le.”

Yaburi 18:27

Min famayiginɛ, ale le ye wo lakisila kɔnɔ ni mɔgɛ min wasira, a si wo wara-koe mayigi.

Yaburi 21:10

Anu kegeya-wo-kegeya ti to. Mansɛ si anu ban fegba!

Yaburi 76:10

Hali mɔgɛnuna diminyɛ, a laban si ma ile Mari ye gbiliyɛ la. Minnu kunyɛ ma to kɛlɛ rɔ, wonu si anu taya ka ladiyɛ bɛɛ kɛ i gbiliya-koe rɔ a kilɛ fɛ.

Yaburi 76:5

Wo ya a ma, anuna kɛlɛ-kurugbɛnu bara foo anu bolo-fan bɛɛ la. Wonu sanɛ anuna kinɔgɔ-laban rɔ, ado anuna sɛnbɛ anubɛ anuna kusanyɛ bɛɛ ara ma fuyi la.

Hɛnkilimaya-Kumɛnu 21:4

Karagbɛlɛ si a nyɛrɛ kɔrɔbi ka wasi, ado hakɛ le wo la.

Hɛnkilimaya-Kumɛnu 30:13

Mɔgɛ donu fanan bi nyɔ, wonuna wasinteyɛ le gbuyɛ sanɛ anu yakɔrɛ ma.

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Aiseya 2:12

Wo tele wa ke, wasintenu wo, nyɛrɛ-kɔrɔtanɛnu wo, anubɛ sɛnbɛ-tiginu, Mari Sɛnbɛ-Bɛɛ-Tigi si wonu famayigi.

Aiseya 24:21

Wati ye nala, Mari si duninya-kun-tiginu anubɛ san-kolo-sɛnbɛ-tiginu tɔrɔ.

Aiseya 27:7

Ale Mari ya Isirɛla mɔgɛnu yogenu tɔrɔ nya min, anu denu ma tɔrɛ sɔrɔn Mari bolo wo nya. Isirɛla ma foo kei-siyaman na iko anu yogenu.

Aiseya 27:9

Alla-lɔnbɛlɛnuna saraka-mintan-tinɛnu ba ma gbangban la tumɛ min Isirɛla mɔgɛnu bolo, Mari si Isirɛla mɔgɛnu makoto anu hakɛ la wo wati le tɔ. A ti anu makoto fɔ wusura mintan tinɛnu ba ban. A sa nyinina fenfen-lɛsɛni ma tun iko anuna bɛsi-musumɛ Asura manɛ nya min.

Aiseya 29:14

Woletɔ a ko a si to anu mabanna fitina-gbesili la. Minnu hɛnkili kolo, a ko wonu si ma kun-takolɔn la. Anuna kɛwuyɛ bɛɛ si ma fufafuyi la.

Aiseya 33:1

Ma yogenu si halaki. Hali mɔgɔ ma anu denu yanfa ka anu kankan, anu denu bi mɔgɛnu yanfala ka anu kankan. Kɔnɔ koe wo dama katoe le a-la bawo mɔgɛnu bi nala anu denu yanfala ka anu kankan.

Aiseya 37:23

A ko ale Sɛnakaribu mirinɛ ko a ye yon nafɛyala? A sa Isirɛlata Mari Alla-sɛnimɛ gbiliyala,

Aiseya 37:29

A ko a ara diminya min kɛ, Mari ara wo nya-yen. A ko a ara ala wasinteyɛ lɔn. Mari ko a si a sunyɛ-sɔgɔ-lunyɛ la ka karafɛ kɛ a dɛ ma ka a lasɛgi a gbere fɛ a bɔra kan min.”

Aiseya 5:15

Mɔgɛ bɛɛ si yarabi. Wasinte bɛɛ fama si yigi.

Aiseya 50:11

Ni ta-tugu di min ye mɔgɛnu tɛma, wo tigi ni tagama ala ta-tugunɛ wo tɛma. Mari nyɛrɛ si sɔn kɛ ma. A si wo tigi tɔrɔ dɔgɔma-ma-de!

Aiseya 65:7

Ka a tɛgɛ wo benbanu hakɛ anubɛ wo hakɛ ma, Mari ko a si wo tɔrɔ. Wo benbanu ya isɛnti mintan bɛsɛnu ye kɔnkɛnu kun tɛma. Anu ya a ma, a miliyara kɔnkɛnu ye. Woletɔ a ye anu tɔrɔla iko a bɛnta, anu ni tɔrɔ nya min.

Aiseya 9:9

Isirɛla mɔgɛ damasi si a lɔn yati, ko Alla ara anu yiliki katarala minnu siginɛ Samariya soe burɔ, ado kaka, anu sa ko-wo-ko kun na fɔ kɔgɔ-ratugu anubɛ wasinteyɛ. Anu bi a fɔla ko,

Yɛrɛmaya 25:29

A ko a ye ala kasarɛ dabirala ale Mari nyɛrɛta so-karantan Yerusalɛm fɔlɔn ma. Woletɔ wo kana wo miri ko kasarɛ sa nala kɛla wo ma. A ti foo mɔgɔ-wo-mɔgɔ la bawo fɔ duninya-mɔgɛ bɛɛ wa kasarɛ wo sɔrɔn. Mari Sɛnbɛ-Bɛɛ-Tigi kan le kɛ la.

Yɛrɛmaya 50:18

Woletɔ Mari Sɛnbɛ-Bɛɛ-Tigi Isirɛlata Alla si Babilɔn mansɛ anubɛ ata nyamanɛ tɔrɔ iko a ya Asiriya mansɛ tɔrɔ nya min.

Yɛrɛmaya 50:32

Sibolo-wasinɛ kɛ si a kian latugu ka bui fugbu, ado a bolo-birala ti taran min si a lasɔ. A ko a si tɛ tugu wola soe bɛɛ la ka ala foolɛ bɛɛ halaki.

Isikiyɛli 31:10

“Nba, kɔlɔma wo min fulufele ye yɛlɛla wo la ka tugu banda-finyɛ la, min bi nala mala kɔlɔma wo la, nde, wo Tigi Mari ye nala wo fɔla i ye. A ye tala yanyala nya min, ala wasinteyɛ kuma ye tala yɛlɛla wo nya na le.

Isikiyɛli 31:14

Woletɔ, ka a dabira bi ma, kɔlɔma-wo-kɔlɔma ti taran min si yanya ka ke wo rɔ hali yi taranta a kɔrɔ duk! Kɔlɔma wo-kɔlɔma ti yanya tun ka tugu banda-finyɛ la. Anu dama si faga iko hadama-dan. Anu si kofu anu ta-nyɔgɛnu ma lakira.

Daniyɛli 11:45

Alla Bato-Bɔn ye kɔnkɛ min kuma wo, kɔgɔ-yi wo, ale mansɛ si ala fani-bon-hakikɛnu sɔ wonu tɛma. Kɔnɔ tɔ-a-la, ale mansɛ si faga, a dɛnbɛna fenfen sa nala a taranna.”

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Yilan-Yilan Koe 24:24

Mɔgɛ kɛnu si na yi kuma ka bɔ Saiparasi yi-tɛma-dugi rɔ. Anu si Asiriya anubɛ Iburu mɔgɛnu nɔ. Kɔnɔ mɔgɛ wo minnu bi nala ka bɔ Saiparasi, wonu si faga ka ban feu!”

Matiyu 12:33

“Ka kɔn-gbɔ-nyimɛ sɔrɔn fɔ kɔlɔma-sabatinɛ ni taran i bolo. Kɔlɔma min sabatini ma, ni wo ye i bolo, wo gbɔɛ ti mɔgɔ munanfaga. Kɔlɔma si lɔn a gbɔɛ le fɛ.

Matiyu 15:19

Ado nfan, miriya-yogomɛnu bi bɔla mɔgɔ-yisi le tɔ min si a sɔ mɔgɔ-faga-koe la anubɛ yɛlɛnyɛ anubɛ milibɛlitaya-koenu na, hali kankanyɛ anubɛ foninya-fɔɛ anubɛ mɔgɔ-rafɔɛ.

Tɔn-Fɔɛ-Fila-Nyɔgɛ 32:27

Kɔnɔ a ma di Mari ye wo yogenu ni anu wasi wo la ko anu denu-denu ya wo nɔ bawo ale Mari nyɛrɛ-nyɛrɛ gbɛ le wo la.

1 Pita 4:17

Kiti-tɛgɛ-dabira-wati ara ke. Nba, Alla si ala mɔgɛnu fɔlɔn kiti. Ni kiti gbɛlɛ da si bira male le ma, a laban si ma kama worɔ wonu kuma minnu ma Allala kibara-nyimɛ bira?