Aiseya 1:27 - ALLALA KUMƐ

²⁷ Bawo Mari telennɛ, a si Yerusalɛm kisi anubɛ wole minnu bara wo kan-kɔ sɔ wo hakɛ la.

Aiseya 1:27 ပူးပေါင်းရင်းမြစ်များ

Aiseya 35:10

Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Aiseya 35:9

Yara ti taran nyɔ. Sogo-ferema wo sogo-ferema ti a kian sɔ nyɔ. Mari ara anu denu minnu dɔrɔn nakanan, wonu denu si bɔ kilɛ wo fɛ ka ta anu barɛ.

Aiseya 5:16

Kɔnɔ Mari Sɛnbɛ-Bɛɛ-Tigi ye ko-latelennɛ mala min kɛ, wo ye ata kabana-koe mayirala mɔgɛnu ye. A si ata sɛninyɛ mayira mɔgɛnu kiti tinɛ anu hakɛla ko la.

Aiseya 51:4

Mari ko wole, ala mɔgɛnu, wo ni wo tole masɔ. A ko a si ala karan di sibolo-gbɛrɛnu ma. Ala tɔnnu si a waan lana.

Aiseya 52:3

Ma Tigi Mari ko wole, ata mɔgɛnu donta yɔɔnyɛ rɔ tumɛ min, mɔgɔ-wo-mɔgɔ ma sɔn wo sanna wodi la, ado mɔgɔ ti wo kunka fanan wodi la.

Aiseya 54:14

Telenbagayɛ si ile Yerusalɛm tagbɛlɛya gben! Bumalɛ anubɛ kilan fɛ si yanya i la.

Aiseya 62:12

Wole, ata mɔgɛnu si kele ko, “Allata Mɔgɔ-Sɛnimɛnu.” Mɔgɛnu si wo kele fanan ko, “Marita Mɔgɔ-Kunkanɛnu.” Anu si ile Yerusalɛm kele ko, “Alla Diyana-Soe.” Anu si i kele fanan ko, “Alla Ma A Ban Soe Min Na.”

Aiseya 63:4

A ko ala mɔgɛnu tayili-sara-wati ara ke. Anu yogenu-tɔrɔ-wati ara ke.

Hoseya 2:19

Nde, Mari si i ma n halala-musi la tɛban! N si ma telenbaga la i ye. N si nna hinɛ anubɛ kinikinɛ yira i la.

Maika 6:5

A ko wole Isirɛla mɔgɛnu, wo ni wo miri Mohabu nyamani-tigi ma, Mansa Balaki min ya yanfɛ kiri wo tɔgɔ rɔ. Wo ni wo miri fanan Beyorila den Belam ma, a ya ale Mansa Balaki yabi nya min wulɔn. Wo ni wo miri minnu mara wo ye tagama rɔ, a ya Yorodan bɛ gbala wo yarɔ nya min Akasiya dagɛ anubɛ Kiligali dagɛ tɛma. Ni wo ya wo miri wo dama ma, wo fɔlɔn ya ko bɔ wo kisi-koe rɔ.

1 Kɔrɛnti 1:30

Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.