Aiseya 1:25 - ALLALA KUMƐ

²⁵ A ko fɔ a wa maga wo la. A ko a si wo lalee iko mɔgɛ wa sɛnɛ sa tɛ rɔ, a ye wo boe bɔla a kɛndɛ yala nya min.

Aiseya 1:25 ပူးပေါင်းရင်းမြစ်များ

Yaburi 119:119

I si karagbɛlɛnu bira boloko-yogomɛ-kɛ iko nyama-nyama, woletɔ ila karan di n ye.

Aiseya 1:22

Fɔlɔ nun, Yerusalɛm mani de iko wodi-gbɛ kɔnɔ a manɛ fufafuyi la kaka. Fɔlɔ nun, wo mani de iko baan-kɛndɛ kɔnɔ kaka wo ara ma iko yi-gbansan!

Aiseya 27:9

Alla-lɔnbɛlɛnuna saraka-mintan-tinɛnu ba ma gbangban la tumɛ min Isirɛla mɔgɛnu bolo, Mari si Isirɛla mɔgɛnu makoto anu hakɛ la wo wati le tɔ. A ti anu makoto fɔ wusura mintan tinɛnu ba ban. A sa nyinina fenfen-lɛsɛni ma tun iko anuna bɛsi-musumɛ Asura manɛ nya min.

Aiseya 4:4

Mari si kiti sa ka Yuda nyamanita-mɔgɛnu sɛninya. Ata sɛnbɛ si Yerusalɛm yele ku a ma ka yiliki bɔ a ma.

Yɛrɛmaya 6:29

N bi tɛ lafɛla alako tɛ ni wɔlɔn-belebele-wɛ kɛ. Kɔnɔ hali wo, a bo sa sɔnna bɔla. Wodi-gbɛ sa bɔla kuri rɔ. A ko wole, ala mɔgɛnu sa sɔnna wo bole bɔla karagbɛlɛyɛ rɔ.

Yɛrɛmaya 9:6

Mari ko nde, Yɛrɛmaya siginɛ yanfanteyɛ tɛma. Foninyɛ tugunnɛ ye tala anu nyɔgɔn na. Mari ko wo ara wo ban a lɔn-koe ma.

Yɛrɛmaya 9:7

Woletɔ Mari Sɛnbɛ-Bɛɛ-Tigi ko a si wole, Yuda kɛnu nakɔrɔsi iko mɔgɛ si nɛgɛ lakɔrɔsi tɛ la nya min. A ko wole, ata mɔgɛnu bara ko-yogomɛ ma min kɛ, a si nfen ma wo la?

Isikiyɛli 20:38

N si hakɛ-tiginu anubɛ mɔgɔ-murutiyanɛnu wurun anu tɛma. N si anu bɔ dugi wonu tɔ anu bi kan min kaka kɔnɔ n ti sɔn anu ni sɛgi tun Isirɛla nyamanɛ rɔ. Anu si a lɔn wo le ma ko anuta Mari le nde la.

Isikiyɛli 22:19

Nba nde, anu Tigi Mari ye a fɔla Isirɛla mɔgɛnu ye ko anu bɔrɔbɔni de n ye iko wodi-gbɛ-boe wonu. N si anu denu kundɛn kan-tina-kelen Yerusalɛm

Isikiyɛli 22:20

iko mɔgɛ ye nɛgɛ-subolo-siyamɛnu nadɛnna nya min ka wonu nalee nta sulubondɔn rɔ, Yerusalɛm, kɔni. Nna diminyɛ si Isirɛla mɔgɛ wonu nalee iko tɛ si nɛgɛ lalee nya min.

Isikiyɛli 22:22

Anu si lee Yerusalɛm soe burɔ bandin, iko wodi-gbɛ si lee nya min sulubondɔn rɔ. Anu bi a lɔnna wo le ma ko nde, Mari ara kɔrɔtɔ anu ma.”

Sɛfanaya 3:11

A ko wo wati wa ke tumɛ min, wole Isirɛla kɛnu kana miliya tun ka a tɛgɛ wo ara murutiyɛ min ma Mari ma nun fɔlɔ. Kɔnɔ yanni wo wati ni ke, a ko a si mɔgɔ-wasinɛ bɛɛ firan dugu-kole kɛ kuma. Woletɔ wo ti murutiya Mari ma tun kɔnkɔ-kolo-wɛ kuma ata Bato-Bɔn sɔnɛ kan min.

Malakayi 3:3

A si kiti sa a kilɛ fɛ iko siyaki min bi wodi-gbɛ laleela ka a bɛrɛ bɔ a boe yala. Iko siyaki ye sɛnɛ anubɛ wodi-gbɛ sɛninyala nya min, Mari si saraka-masɔlɛnu fanan sɛninya wo nya na le. Woletɔ saraka-masɔlɛ wonu si ke saraka-hakikɛnu bɔla Mari ye.

Matiyu 3:12

Ala fɛrɛ labɛnnɛ ka ala fui-fan bɛɛ rafɛ gbere-kole ma. A si a bɛrɛ ladɛn ka a layɛlɛ birɛ la kɔnɔ a si a fofe anubɛ a fɔrɔn mintan tɛ la, ado tɛ wo ti dufen dɛɛ!”

Tɔn-Fɔɛ-Fila-Nyɔgɛ 32:43

Wole sibolo-gbɛrɛnu, a ko wo ni ale Marita mɔgɛ kɛnu matɔgɔ. Ni minnu ya kɛnu faga, Mari si wonu tɔrɔ. Mari si a tayili sara a yogenu na ka ata mɔgɛ wonu makoto anu hakɛ la.

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.