Aiseya 1:24 - ALLALA KUMƐ

²⁴ Woletɔ Isirɛlata Mari Alla Sɛnbɛ-Bɛɛ-Tigi ye nala min fɔla, wo ni wo tole masɔ wo la. A ko a si a tayili sara wo la, wole, a yogenu, kɔni. A ko wo ti nanparan-wo-nanparan di a ma tun!

Aiseya 1:24 ပူးပေါင်းရင်းမြစ်များ

Ko-Dabirɛnu 49:24

Kɔnɔ hali wo, nde, Yakobata Alla Sɛnbɛ-Bɛɛ-Tigi, wo ya Yusufuta kalabɛn ragbɛlɛya. A ti bɔ a gbɛ rɔ. Ma makandannɛ le ale la. Wo le si a ma, ile Yusufu bɔnsɔnnu ti kilan. Anu si anu sɔ gben!

Yaburi 132:2

A ya a dakan-don ile Yakobata Alla-makawanɛ ye. I ni i fonde to lanyiri wo ko.

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Aiseya 30:29

Kɔnɔ wole Allata mɔgɛnu, wo si sewa-siginu sa iko wo duruta a mala wola ladiya-sɛnimɛnu kuma nya min. Wo si nyagalen iko wo tenbi tala Mari Bato-Bɔn la fuli kɛnɛ a rɔ. Isirɛlata farɛ le ale Mari la.

Aiseya 35:4

Min bɛɛ yisi tinyanɛ, a fɔ wonu ye ko anu ni anu sɛnbɛ don ka anu kerinteya. Alla ye nala anu nakananna. A ye nala anu yogenu tɔrɔla.

Aiseya 49:26

A ko i niyi ragbɛrɛnnɛ min bolo, a si a ma, wonu ni to anu nyɔgɔn dɔnna kedeku! Anu yele si a ma, anu kun ta ni fin iko gbɛɛtore. Wo wa ma tumɛ min, a ko mɔgɛ bɛɛ ni na to ale Mari lɔnna Mari la. Ale le kelen pe si i lakisi ka i to i fanbolo. A ko anu si ale Mari lɔn Isirɛlata Alla-Sɛnbɛmɛ la.

Aiseya 59:18

Mari-yogenu bi min mala a la, a si a tayili sara wonu na. Minnu bi a kan ma, a si ata fondo-bɔɛ yira wonu na ka anu tɔrɔ. A si kɔgɔ-yi dafɛ-mɔgɛnu tɔrɔ iko a bɛnta anu ni tɔrɔ nya min.

Aiseya 60:16

I makoe taranta fenfen na, sibolo-gbɛrɛnu si wonu di i ma. I si to fen-nyimɛnu nabɔla nyamani-gbɛrɛnu tɔ iko dan si a na kinyɛ susun nya min. Wo wa ma tumɛ min, i ye a lɔnna wati wo le ma ko ale Mari le ye i lakananna. Wo si a lɔn ko i kunkalɛ, Yakobata Alla-Makawanɛ le ya i kisi.

Aiseya 61:2

Mɔgɛnu bi hɔrɔyala san min na, Mari ya n sɔ ka wo le wara-koe fɔ anu ye. Wo wati wa ke, Alla si karagbɛlɛnu tɔrɔ. Min bɛɛsi kɔrɔtɔnɛ, a ya n sɔ ka wonu manugu-nɛgɛ.

Aiseya 63:4

A ko ala mɔgɛnu tayili-sara-wati ara ke. Anu yogenu-tɔrɔ-wati ara ke.

Yɛrɛmaya 50:34

Kɔnɔ minnu bi nala anu kunyɛ bɔla gbaran rɔ, wo sɛnbɛ kolo. A tɔgɛ Mari Sɛnbɛ-Bɛɛ-Tigi. Ale nyɛrɛ si anuna dunɛ bi ka yisi-kimɛ lana duninya rɔ. Kɔnɔ dunɛ si sa Babilɔn kɛnu kan ma.

Yɛrɛmaya 9:9

Mari ko a ti wo tɔrɔ wola ko la, wa? A ko a bɛnta, wo ni tɔrɔyɛ min sɔrɔn, a kana wonu sigi wo ma, wa? Ale Mari kan le kɛ la.

Isikiyɛli 16:42

Wo wa ma tumɛ min, nta diminyɛ si ban. N yisi si kimɛ worɔ poi! N yisi ti bɔ tun. N ti i makeliya tun.

Isikiyɛli 21:17

Nde fanan ba n bole rafɔ, nna yisi-bɔɛ si ban. Nde, Mari kan le kɛ la.”

Isikiyɛli 5:12

Wole Yerusalɛm kɛnu tatalanɛ sigi-tina sawa la, a tɔnkɔn kelan si to kirayɛ anubɛ kɔnkɛrɔ-soe burɔ. A tɔnkɔn kelan, wonu kundu si bɔ faan la soe kɔma. A tɔnkɔn kelan fanan ta si nyɛnsɛn kesemeren, iko fɔnyɔ wa ta fen na. N si wo sagaran faan la.

Isikiyɛli 5:13

“Wo si nna yisi-bɔɛ sɛnbɛ-dan lɔn ha wo tɔrɔya-nya ni n hɛnɛ. Wo wa ma, wo ti tɛrɛna wo la ko nde, Mari le wara kuma. N yisi ara bɔ ka a tɛgɛ wola telenbɛlitayɛ ma.

Maika 5:15

Sibolo-mɔgɛ bɛɛ minnu ti sɔn ata kumɛ birala duninya rɔ, Mari fonde si bɔ wonu kuma ka wonu tɔrɔ bɛrɛkɛ.

Tɔn-Fɔɛ-Fila-Nyɔgɛ 28:63

Iko Mari sewanɛ ya wo lasiyaya nya min ka wo ma fen-tiginu na, ni wo ma ala tɔnnu bira, a si sewa wo nya na le fanan ka wo ma bolo-kolɔnnu na ka wo rabunden sinini! A ye nala lanyiri-nyamanɛ min dila wo ma, a si wo wurun nyɔ rɔ.

Tɔn-Fɔɛ-Fila-Nyɔgɛ 32:43

Wole sibolo-gbɛrɛnu, a ko wo ni ale Marita mɔgɛ kɛnu matɔgɔ. Ni minnu ya kɛnu faga, Mari si wonu tɔrɔ. Mari si a tayili sara a yogenu na ka ata mɔgɛ wonu makoto anu hakɛ la.

Hiburunu 10:13

A mayiginɛ nyɔ kaka ha Alla ni a yogenu ma a tontɛ sɔ tinɛ la.

Lankɛnimayɛ 18:8

Ka a tɛgɛ wo ma, fitinɛ kɛ bɛɛ si na kɛ a ma tele kelen kɔrɔ, kirayɛ anubɛ yisi-gbalɛ anubɛ kɔnkɛ, kɔni. Tɛ si a mintan gburr bawo Mari Alla, Sɛnbɛ Bɛɛ Tigi le a kiti tɛgɛla.”