Aiseya 1:20 - ALLALA KUMƐ

²⁰ Kɔnɔ ni wo bilara a la, fɔ wo kunyɛ wa to kɛlɛ rɔ serr! Ale Mari kan le kɛ la.

Aiseya 1:20 ပူးပေါင်းရင်းမြစ်များ

Yobu 36:12

Kɔnɔ ni anu ti anu tole masɔ a la, a si a ma, anu ni faga kun-takolonyɛ rɔ ka lakira-salan tɛgɛ.

Bɔ-Koe-Iyipiti 9:2

Ni a ya a ban anu boloka-koe ma,

Aiseya 3:11

Kɔnɔ ko-yogoma-kɛlɛnu tinya-koe ara to a ma. Anu ya koe min sigi mɔgɛnu na fɔ wo wa sigi anu denu fanan ma.

Aiseya 3:25

Hali soe wola kɛlɛ-kurugbɛnu, anu kunyɛ si to kɛlɛ rɔ.

Aiseya 34:16

Wo ni Marita dali-fannuta buku bi ka a karan. Nima-fan kɛ su bɛɛ si taran nyɔ. Nima-fan bɛɛnubɛ ala musi si taran nyɔ. Mari nyɛrɛ ara ban a latɛgɛla wo nya na le. Ale nyɛrɛ-nyɛrɛ le si anu kele nyɔ.

Aiseya 40:5

Wo bɛɛ wa ka-a-la, Marita gbiliyɛ ni na to bɔla gbɛ rɔ, ado hadama-dan bɛɛ si kɛ rayen. Mari nyɛrɛ-nyɛrɛ le wara kɛ fɔ.”

Aiseya 65:12

Mari ko ko-latɛgɛnɛ wo si ma wo ye faan la. Wo dama si wo kan panparan kan-natɛgɛlɛ ye. Ni i ya a yen, kɛ ye mala wo la bawo Mari ya wo kele min kɛ, wo ma a denkun defan! A kumara wo ye kɔnɔ wo ma wo tole masɔ a la. Koe minnu ma kin, wo ni wo fara wonu na. Wo tora wo gbɛ wonu denu da la, ado wo ma ale Mari hɛnɛ.

Aiseya 8:6

ale Mari manɛ iko Silowa tenke min bi yigila a fɛrɛma. Mɔgɛnu bara anu ban tenke wo la min kɛ ka kilan Mansa Risen anubɛ Mansa Peka la,

Yɛrɛmaya 17:27

Ni wo ya wo tui ka to dunɛnu madununa Sulen-Tele ma ka tenbi anu na Yerusalɛm don-dɛnu na, Mari ko a si ta fitinɛ layigi Yerusalɛm don-dɛnu na min ti dufen muk! Hali wola kan-tina-latankanɛnu si mintan gburr!

Yɛrɛmaya 21:8

Wo kɔma, Mari ya sarakanɛ don n bolo wole, ala mɔgɛnu ye. A ko a si kila filɛ kɛnu sa wo kɔrɔ, nimaya-kila wo, saya-kila wo.

Yɛrɛmaya 26:4

Mari ya a fɔ wole, ala mɔgɛnu ye ko wo ni ala kumɛ bira tɔn-birɛ fɛ iko a ya wo labila nya min.

Yɛrɛmaya 4:17

Wo yogenu bara kurɔn don Yerusalɛm soe ma iko donsenu ba wɔlɔn kurɔn nya min. Mari ko kɛ bɛɛ ye mala le bawo wole, Yuda kɛnu bara murutiya a ma.

Yɛrɛmaya 46:14

nde, Yɛrɛmaya ni kumɛ kɛ lawanka Iyipiti nyamanɛ rɔ. N ni a mayon Migidɔli anubɛ Mɛmfisi anubɛ Tapanisi soe burɔ ko, “Wo ni wo rabɛn kɛlɛ kan ma bawo wo bɛɛ ye nala lakira sɔrɔnna kɛlɛ rɔ.

Saraka-Masɔlɛnuta Tɔnnu 26:25

N si mɔgɛnu nana wo tɛma ka wo kɛlɛ. Wonu si wo tɔrɔya bawo wo ara sarama-kan tinya min bi ma tɛma wo na. Hali wo ya wo ladɛn wola soenu tɔ alako wo ni kisi wo yogenu ma, n si kiraya-yogomɛ lana wo tɛma min ti dandan muk! Wo ra si nama anu kɔrɔ ka wo nyɛrɛ don anu bolo.

Saraka-Masɔlɛnuta Tɔnnu 26:33

N si wo yogenu nana ka wo kɛlɛ ka wo bira ka ta wo la nyamanɛ siyamɛnu tɔ. Wola nyamanɛ rakolɔn si to. Wola soenu si ma iko tonbon-kɔrɛnu.

Maika 4:4

Mɔgɛ bɛɛ si taran yisi-kimɛ rɔ anu nyɛrɛta sɛnɛnu tɔ. Mɔgɔ-wo-mɔgɔ sa nyɔ min si wo maban. Wota Mari Sɛnbɛ-Bɛɛ-Tigi ara lanyiri kɛ kiri wo ye.

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Taita 1:2

Ale le si yigi di anu ma ko anu ni habadan-nimayɛ sɔrɔn. Alla, min ti foninyɛ fɔ, wo le ya habadan-niyi-lanyiri kɛ kiri ma ye yanni duninya-dan ni bira tumɛ min.

1 Samuwɛli 12:15

Kɔnɔ ni wo ma sɔn wo tole masɔla Mari la, wo ni wo ban ala tɔn birala, a si taran wobɛ wola mansɛ kan ma.

1 Samuwɛli 12:25

Kɔnɔ ni wole tora hakɛ kɛla, wobɛ wola mansɛ la si to dogbe!”

1 Samuwɛli 15:29

Isirɛlata Alla-makawanɛ, wo ti foninyɛ fɔ hali ka a miriyanu yɛlɛma bawo mɔgɔ ma ale la iko a ye nala a miriyanu yɛlɛmana.”