Aiseya 1:19 - ALLALA KUMƐ

¹⁹ A ko ni wo ya ala tɔnnu bira dɔrɔn, a si a ma, wo ni to wola sɛnita-fannu dɔnna wo fanbolo.

Aiseya 1:19 ပူးပေါင်းရင်းမြစ်များ

Aiseya 25:6

Mari Sɛnbɛ-Bɛɛ-Tigi si ladiyɛ rabɛn duninya-mɔgɛ bɛɛ ye ata kɔnkɔ-sɛnimɛ kuma. Dɔn-fen-hakikɛ anubɛ minni-fen-diyamɛ su bɛɛ si taran nyɔ.

Aiseya 3:10

Mɔgɔ-telennɛnu si sewa, ado anu bara-koe si ta yarɔ. Anu si anu tɔrɔ-gbɛnu tɔnɛ sɔrɔn.

Aiseya 65:13

Woletɔ Mari Alla ya a fɔ ko Ata wɔli-kɛlɛnu si to anu buyi lafala kɔnɔ kɔnkɛ si to wole karagbɛlɛnu forongbanna. Ata wɔli-kɛlɛnu si to yi minna kɔnɔ wole karagbɛlɛnu sɔn ma si to gbalala yi-ko-sɔgɛ bolo. Ata wɔli-kɛlɛnu si to sewala tolon! Kɔnɔ miliyɛ ti bɔ karagbɛlɛnu kuma.

Yɛrɛmaya 21:8

Wo kɔma, Mari ya sarakanɛ don n bolo wole, ala mɔgɛnu ye. A ko a si kila filɛ kɛnu sa wo kɔrɔ, nimaya-kila wo, saya-kila wo.

Yɛrɛmaya 7:3

Mari Sɛnbɛ-Bɛɛ-Tigi, Isirɛlata Alla, kɔni, wo ye a fɔla ko wo ni yɛlɛma ka don ko-latelenni-kɛ rɔ. Ni wo ya wo ma, a si sɔn wo ni to sigini yan.

Yɛrɛmaya 7:5

Wo ni yɛlɛma ka don ko-latelenni-kɛ rɔ. Wo ni wo telen wo nyɔgɔn ye.

Yɛrɛmaya 7:7

Ni wo ya tɔn kɛnu bira, Mari ko nyamanɛ kɛ ti bɔ wo bolo, ado a ya nyamanɛ kɛ le di wo benbanu ma tolon!

Yowɛli 2:26

Kɔnɔ a ko dɔn-fan ra si boroko-baraka wo gba ma, kurukurun ti a ban, tarali ti a ban. Wo si a ma, wo ni ale wota Mari Alla tanto. Ale ara kabana-koenu kɛ wo ye. Sibolo-gbɛrɛkɛ-mɔgɛnu ti anu yɛ layigi wola sole rɔ tun.

Saraka-Masɔlɛnuta Tɔnnu 25:19

Wo si dɔn-fen siyaman sɔrɔn dugi wo rɔ ka tagba wo ma. Wo ti yakɔrɔ-mamɔɛ sɔrɔn nyamanɛ wo rɔ.

Saraka-Masɔlɛnuta Tɔnnu 26:3

“Ni wo ya nna tɔn damasi bira a kila-bɛrɛbɛrɛ fɛ, n ti bandan ko-nyimɛ kɛla wo ye.

Saraka-Masɔlɛnuta Tɔnnu 26:5

Wola dɔn-fannu ti dasa wo ma. Wo si to wola ki-fannu tɛgɛla ha kɔn-gbɔɛnu keri-wati. Wo si to kɔn-gbɔɛnu fanan kerila ha wola ki-fen-kurɛnu ki-wati. Wo si to sigini nyɔ rɔ lafɛrɛ anubɛ yisi-kimɛ rɔ.

Hegayi 1:12

Nyamani-Tigi Sarababulu anubɛ Saraka-Masɔla-Kun-Tigi-Wɛ Yasowa anubɛ Isirɛla mɔgɛ toenu damasi ya Mari gbiliya ka Nɛbi Hegayita kuman-kan bira iko Mari ya a fɔ a ye nya min.

Tɔn-Fɔɛ-Fila-Nyɔgɛ 28:1

Musa ya a fɔ Isirɛla mɔgɛnu ye ko, “Ni wo ya wota Mari Alla kuman-kan latɔnbagaya ka ata tɔnnu bira iko n bara min di wo ma kɛ la bi, a si a ma, wo ni sɛnbɛ sɔrɔn ka tenbi sibolo-toenu na duninya rɔ.

Hiburunu 5:9

ado kuma-birɛ wo kanbalinɛ min kɛ, minnu bi ale fananta kumɛ birala, a si ke wonu kisila habadan!