Aiseya 1:17 - ALLALA KUMƐ

¹⁷ ka wo degen ko-telenni-kɛ ma. Mɔgɛnu bira anu bira-nya la. Wo ni mɔgɔ-ragbɛrɛnnɛnu dɛnbɛ. Wo ni kelennɛnuna yoe di anu ma ka kɛɛ-musinu kumafunfan.

Aiseya 1:17 ပူးပေါင်းရင်းမြစ်များ

Yaburi 34:14

Wo ni wo bole bɔ ko-yogoma-kɛ rɔ ka ko-nyimɛnu kɛ. Wo ni wo raya ka sigi yisi-kimɛ rɔ.

Bɔ-Koe-Iyipiti 22:21

“Wo kana ko-yogoma ma sundannu na hali ka anu yakɔrɔ-mamɔ bawo wole fanan bi sundanyɛ le la nun Iyipiti nyamanɛ rɔ.

Hɛnkilimaya-Kumɛnu 15:25

Mari si mɔgɔ-wasinɛnu kɔmɛ rade dogbe kɔnɔ a si kɛɛ-musi latanka ka a wara-koe lasabati.

Hɛnkilimaya-Kumɛnu 21:3

Ka ko-latelennɛ kɛ, wo di Mari ye saraka-bɔɛ ko.

Hɛnkilimaya-Kumɛnu 31:9

I ni ma kiti-tɛgɛla-latelennɛ la ka bolo-kolɔnnu anubɛ makolamɛnu dɛnbɛ.”

Aiseya 1:23

Mɔgɔ-murutiyanɛ le wola mɔgɔ-banu na anubɛ kankannu diyana-mɔgɛnu. Tuma-wo-tuma, wo ye dogonta-fannu birala. Kelennɛnu ti yo-wo-yo sɔrɔn anuna kiti tɛgɛ tinɛnu tɔ. Wola kun-tiginu ti anu tole masɔ kɛɛ-musinuna yasere-masa-kan la fanan.

Aiseya 10:2

Wo kɛ-nya le wo la alako bolo-kolɔnnu kana na yo sɔrɔn, ado wo ye kɛɛ-musinu anubɛ kelennɛnu kankanna wo nya na le.

Aiseya 56:1

Mari ya kɛ le fɔ ala mɔgɛnu ye. A ko wo ni don ko-telenni-kɛ rɔ bawo kisi-koe fɛ ma yan wo la tun. Wo kunyɛ si bɔ gbaran rɔ mɔgɛ bɛɛ yala.

Aiseya 58:6

Mari ko ale ye nyinina min ma sun-don-bole rɔ, wo le kɛ la. Wo ara minnu nadon yele la anu yoe kuma, wo ni wonu nabɔ ka yɔlɔkɛ ratɛgɛ anu ma. Wo ni anu kunyɛ bɔ wɔli-wulen-bɛ kɔrɔ.

Yɛrɛmaya 22:3

Mari ko wo ni ko-latelennɛ kɛ. A ko mɔgɛ min kensunnɛ, wo ni wo tanka a kensunte ma. A ko a sundan wo, a kelenni wo, a kɛɛ-musu wo, wo kana anu bira boloko-yogomɛ-kɛ. Min ma ko-yogomɛ kɛ, wo kana wonu faga kan-tinɛ kɛ rɔ.

Yɛrɛmaya 35:15

A ko a ara mɛ ala wɔli-kɛlɛnu sɔla wo wara ala nɛbinu, kɔni, alako wo ni wo fara karagbɛlɛyɛ la ka don ko-latelenni-kɛ rɔ. Anu ya wo lasɛgi bɛsi-kɔ-koe ma alako wo ni a laban nyamanɛ kɛ rɔ, a ya min di wobɛ wo benbanu ma, kɔni. Kɔnɔ a ko hali wo, wo ti wo tole masɔ a la ka a kan to a gbɛ rɔ.

Isikiyɛli 18:31

Anu bi karagbɛlɛyɛ min bɛɛ kun na, anu ni anu bole bɔ wo bɛɛ rɔ. Anu ni sɔndɔma-kurɛ anubɛ miriya-kurɛ lana anu burɔ. Nfenna saya-sɔgɛ ye Isirɛla mɔgɛnu na?

Isikiyɛli 22:7

Mɔgɔ-wo-mɔgɔ sa Yerusalɛm soe burɔ min si a sɔrɔnnɛnu gbiliya. Ala mɔgɛnu bi sundannu bolo labirala. Anu bi kelennɛnu anubɛ kɛɛ-musinu bolo labirala.

Isikiyɛli 45:9

Ko-rayirɛ kɛ rɔ, ma Tigi Mari ko, “Wole Isirɛla kun-tiginu, wo ara mɛ hakɛ kun na. Wo ni wo fara mɔgɔ-tɔrɛ anubɛ karagbɛlɛyɛ la. Wo ni ko-telennɛ anubɛ ko-nyimɛ kɛ. Wole kun-tiginu, wo ni wo fara nta mɔgɛnu gbenna anuta nyamanɛnu tɔ.” Ale ma Tigi Mari kan le kɛ la.

Daniyɛli 4:27

“Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Sɛfanaya 2:3

Wole min bɛɛ famayiginɛ nyamanɛ kɛ rɔ ka Marita tɔnnu bira, wo na Mari ma. Wo ni ko-latelennɛnu kɛ ka wo famayigi Mari ye. Tumado, Mari si kinikini wo ma ala kiti-tɛgɛ-lunyɛ rɔ.

Sakaraya 8:16

A ko wo ye min mala, wo le kɛ la. Wo ni tonyɛ fɔ wo nyɔgɔn ye. A ko wo ni telenbagaya-bɛrɛbɛrɛ lana kiti-sa-tinɛ alako yisi-kimɛ ni to wo tɛma.

Tɔn-Fɔɛ-Fila-Nyɔgɛ 14:29

Yaka wonu, Lifayi mɔgɛnutɛ le wonu na bawo dugi sa anu bolo anu si wɔli kan min. Sundannu wo, kelennɛnu wo, anubɛ kɛɛ-musi minnu bi wola soenu tɔ, wo ni wonu fanan nahina yaka kɛ rɔ kamasɔrɔn anu dɛnbɛna-gbɛrɛkɛ sa. Ni wo ya wo ma, wota Mari Alla si ata duwɛ layigi wo kuma koe bɛɛ rɔ.”

Yemesi 1:27

Ma Fa Alla si sɔn dina min ma, wo le kɛ la. Wo tigi ni kelennɛnu anubɛ kɛɛ-musinu dɛnbɛ anuna tɔrɔyɛ rɔ. A ni a nyɛrɛ sɛninyanɛ mara duninya-ko-yogomɛ-bɛɛ ma. Dina kɛ, fɛɛ-wo-fɛɛ sa a la, ado dina-latinyani ma.