Aiseya 1:15 - ALLALA KUMƐ

¹⁵ Wo tenbi wo bolenu sigila a tɛrɛna madiyali-kɛ-tinɛ tumɛ min, Mari ko a ti wo mafɛlɛn defan! A ti a wɔlɔ matɔlɔ wo la bawo mɔgɔ-yele ye wo bole ma.

Aiseya 1:15 ပူးပေါင်းရင်းမြစ်များ

1 Mansɛnu 8:22

A ban wo fɔla, ale Mansa Silamɛni sɔra Marita saraka-mintan-tinɛ yarɔ Isirɛla mɔgɛ bɛɛ yakɔrɔ. A ya a bole rasigi san ma.

1 Mansɛnu 8:54

Kɛ dama rɔ, Mansa Silamɛni nyɛnkinnɛ Marita saraka-mintan-tinɛ yakɔrɔ, a bole rasiginɛ san ma Alla ye. A banta mataralɛ kundonna tumɛ min, a ya a lakɔɛnma

Ɛsira 9:5

Wurala-saraka-bɔ-wati kenɛ, n ya n nasɔ n gbɛ rɔ, n bi dila kan min nun, ado wati wo bɛɛ ya a taran, nna duruki rafaranɛ n kan na. N ya n kunbelan gbangban dugi ma ka n bolo filɛ rasagan nta Mari Alla ye san ma.

Yobu 27:20

Kilan ye tugula anu kun na iko yi-fɛ. Surɔ-fɔnyɔ si ta anu dununa kudai!

Yobu 35:13

Anu di-kɛ-kunya sa nyɔ bawo Alla Sɛnbɛ-Bɛɛ-Tigi ti anu mafɛlɛn hali ka anu kan lamɔɛn.

Yaburi 134:2

Wo tenbi madiyalɛ kun na, wo ni wo bole sigi Alla ye kan-tina-sɛnimɛ telen tɔ a matɔgɔ tinɛ.

Yaburi 55:1

E, Alla, i wɔlɔ matɔlɔ nta madiyali-kan la. I kana i kan-kɔ sɔ n na.

Yaburi 66:18

Ni n ma nna ko-yogomɛnu nabɔ gbɛ rɔ n tigi ye nun, a ti a wɔlɔ matɔlɔ n na nun muk!

Bɔ-Koe-Iyipiti 9:29

Musa ya a fɔ a ye ko, “N ba ta soe kɔma tumɛ min, n si n bole sigi Mari ye ka a madiya. San-sɛran si ban, banda-kole ti na tun alako ile mansɛ ni a lɔn ko duninya-tigi le maleta Mari la.

Hɛnkilimaya-Kumɛnu 1:28

“Wo wa nde, hɛnkilimayɛ rakele wo tumɛ rɔ, n ti wo denkun. Hali wo ya n nyini furr, wo ti n yen

Aiseya 4:4

Mari si kiti sa ka Yuda nyamanita-mɔgɛnu sɛninya. Ata sɛnbɛ si Yerusalɛm yele ku a ma ka yiliki bɔ a ma.

Aiseya 45:15

Isirɛlata Alla min bi ata mɔgɛnu nakananna, anu si a fɔ ko Alla le ale la, hadama-dannu ti min yen anu yɛ la.

Aiseya 58:4

Wo tenbi sunyɛ wonu tɔ, wo ye sɔsɔli-sɛ anubɛ kɛlɛ-kɛ le la. Wo ye wo nyɔgɔn tatugula. A ko wo ti to ko-su kɛnu kun na, a ni wola madiyalɛnu yabi.

Aiseya 58:7

Wo ni kɔnkɔtoenu kɔ dɔn-fan rɔ. Bon sa minnu bolo, wo ni wonu nadon wo kuma. Wo ni kurɛ di fɛrɛyatoenu ma. Wo kana wo ban wo na-kelen-nyɔgɛnu dɛnbɛn-koe ma.

Aiseya 64:7

Mɔgɔ-wo-mɔgɔ sa min bi i batola. Hali ka ma dɛnbɛ, mɔgɔ-wo-mɔgɔ sa min si i manyinika. Ni i ya a yen, wo dama ye mala ma la bawo i wara i kan-kɔ sɔ ma la. Ma dama ara kasara ka a tɛgɛ ma hakɛnu ma.

Aiseya 8:17

Hali Mari ara a dogon ala mɔgɛnu ma, nde lanɛ ale la bawo n yigi le ale la.

Yɛrɛmaya 11:11

Mari ko a ti mɛ tun, a si kasarɛ lana wole, Yuda mɔgɛnu kuma, wo ti ke wo burila min kɔrɔ. A ko wo si to dila a dala wo dɛnbɛn-koe la kɔnɔ a ko a ti wo denkun.

Yɛrɛmaya 14:12

Hali wo ya sunyɛ don, a ko a ti a wɔlɔ matɔlɔ wola madiyali-kan la. Hali wo ya saraka-mintantɛ anubɛ fui-fen-sarakɛ di a ma, a ti sɔn anu na. A ko kɛlɛ wo, kɔnkɔ wo, kiraya wo, a ko a si wole, Yuda kɛnu halaki wonu na.

Yɛrɛmaya 4:31

N bi di-kɛ-kan lamɔɛnna iko musi tenbi a nyɛrɛ-masɔrɔnna. A ye dila iko nyaganɛ tenbi a fɔlɔtɛ sɔrɔnna. Yerusalɛm ye a niyi makawa-tinɛ le. A ara a bole rasagan ka a fɔ ko, “N bi kirɔnna-a-la le kɛ la. Anu bi n faga-tinɛ le kɛ la!”

Isikiyɛli 11:6

A ko wo ara mɔgɔ-siyaman faga ha soe la ara fa suyi la wo bolo penpen!

Isikiyɛli 14:3

“Ile hadama-dan, mɔgɔ-ba kɛnu bara anu nyɛrɛ di bɛsɛnu ma. Hali anu ya a lɔn ko bɛsɛnu bi anu nadonna hakɛ rɔ, anu miri ko nde, Mari si anu yabi worɔ, wa?

Isikiyɛli 39:23

Sibolenu bi a lɔnna wo le ma ko Isirɛla mɔgɛnu ya hakɛ min kɛ, wo le ya anu don biralɛ rɔ. N ya n kan-kɔ sɔ anu na. N sɔnta anu yogenu ni anu nɔ ka anu faga kɛlɛ rɔ.

Hoseya 5:6

Wo ye wola sagɛnu anubɛ ninkinu mala sarakɛnu na Mari ye kɔnɔ tɔnɔ-wo-tɔnɔ sa a la wo ye. Wo ti ale Mari yen bawo a ara a masɛgi wo la pon!

Maika 3:4

Kɔnɔ wo wati si na, wo si di Mari dala kɔnɔ a ti a wɔlɔ matɔlɔ wola madiyalɛnu na. A si a kolonkɛ dogon wo ma bawo wo ara ko-yogomɛnu dan-natenbi.

Sakaraya 7:13

A ko wo ma sɔn wo tole sigila ata kumɛnu kɔrɔ, woletɔ a ma a wɔlɔ matɔlɔ wola madiyali-kannu na.

Matiyu 23:13

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, Alla min bi Arinyɛni tɔ, wo ara ata mansayɛ don-dɛ sɔgɔ mɔgɛnu yarɔ. Kɔnɔ wole fanan ti don, ado mɔgɛ minnu bi anu tayala don-koe ma, wo ti sɔn wonu ni don. [

Matiyu 6:7

“Wo tenbi madiyali kɛla, wo kana sɛgi wo gbɛ ma ka to kuma kelen fɔla ka a fɔ ka a fɔ iko Alla-lɔnbɛlɛnu si a ma nya min. Anu bi anu mirila ko Alla si anu kan lamɔɛn ka a tɛgɛ anuna madiyali-yannu fɛ.

Yɔni 9:31

Ma ya a lɔn ko Alla ti a wɔlɔ matɔlɔ hakɛ-tigi-kan la. Kɔnɔ a si a wɔlɔ matɔlɔ wo mɔgɛnu kan la minnu bi a gbiliyala ka a diyana-koenu kɛ.

1 Timoti 2:8

Wo wa wo ladɛn Alla bato tinɛ tuma-wo-tuma, n bi a fɛ, wole keinu ni madiyali kɛ ka wo bole rasigi Alla ye. Wo ni ma mɔgɔ-sɛninyanɛnu na Alla ye, ado wo tenbi madiyali kɛla, diminyɛ anubɛ sɔsɔli kana taran wo tɛma.